'Olic 5:3 - 阿美語聖經-新約附詩篇箴言

³ Matngil Iso ko ngiha' ako to dafadafak, yo masadak ko cidal i, pasayni kako i Tisowanan a milongoc, mitala kako to pipaca'of Iso.

'Olic 5:3 Iomraidhean Croise

'Olic 119:147

I 'ayaw no nika ta^ngad i, milongoc kako i Tisowanan, o niktonan Iso a sowal ko pafaloco'an ako.

'Olic 130:2

Tapangaw, nanay tngilenho Iso ko tangic ako, nanay tngilenho Iso ko pitahidang ako a milongoc to pipadama Iso.

'Olic 130:6

O pafaloco'an ako ko Tapang, ikaka no misalafiiay a mitala to sakata^ngadaw ko nika halamham ako a mitala, hai, ikaka no misalafiiay a mitala a tamdaw to sakata^ngadaw ko halamham ako a mitala to Tapang.

'Olic 145:1

Kawasaw ako, mipalosiyang kako to nika tadamaan Iso, Hongtiaw ako, mipahmek kako a tahada'oc to ngangan Iso.

'Olic 22:2

Kawasaw ako, mitahidang kako to romi'ad i, caay paca'of Kiso, milongoc kako i Tisowanan to dadaya i, awaay ko rihaday ako.

'Olic 44:5

O nano 'icel Iso ko sapakalowid niyam to 'ada, o nano pikapot Iso i tamiyanan ko saka masakasak niyam ko 'ada.

'Olic 55:17

Ano o dafakto, ano o kalahokanto, ano o dadayato i, mararid kako a pa'ading to rarom no faloco' ako, caay ka ^ca tngilen Ningra.

'Olic 69:16

Tapangaw, nanay paca'ofenho Iso kako, nawhani o nga'ayay ko sini'ada Iso, nanay sikolenho kako a mido^do ko tadamaanay a sini'ada Iso.

'Olic 74:12

Nikawrira, Kawasaw, nano to'as a o hongti niyam Kiso, kinapi:nato Kiso a pa'orip i tamiyanan.

'Olic 84:4

Tadamalmeday ko maro'ay i loma' Iso a tamdaw, nawhani mararid cangra a pahmek a romadiw i Tisowanan.

'Olic 88:13

Tapangaw, milongoc kako to pipadama Iso, mitolon kako to dafadafak i Tisowanan.

Maroko 1:35

Yo to'manho to sakatosa a romi'ad to dafak i, maratar ci Yis a lomowad, ta miliyas to loma' a masadak, tayra i kato'olan. Mitolon Cingra itira.