'Olic 5:1 - 阿美語聖經-新約附詩篇箴言

¹ Tapangaw, tngilenho ko sowal ako. Haratengen ko roray no faloco' ako.

'Olic 5:1 Iomraidhean Croise

'Olic 17:1

Tapangaw, nanay tngilenho ko pilongoc ako to mo^celay a dmak, nanay tngilenho Iso ko pilongoc ako, nanay tngilenho Iso ko awayay ko mangah a faloco' ako a pitolon.

'Olic 19:14

Tapangaw, o 'ongcoy ako, o pa'oripay takowanan. Nanay o karahkeran Iso a milayap ko sowal ako ato harateng ako.

'Olic 54:2

Kawasaw, nanay tngilenho Iso ko pitolon ako, nanay tngilenho Iso ko sowal ako.

'Olic 64:1

Kawasaw, nanay tngilenho ko tangic ako, nanay pa'oripenho kako a paliyas nai miforiforay a 'ada.

'Olic 80:1

Kiso o midipotay to Israil, Kiso o mikriday to tloc ni Yosif matiya o mikriday to masaflaway a siri, nanay tngilenho Iso ko pilongoc niyam! O maro'ay i kafkang no kirupim a Tapang, nanay patdien ko likat Iso!

'Olic 86:1

Tapangaw, nanay tngilenho Iso ko longoc ako, paca'ofen kako, nawhani o tadancaay, awaay ko palawinaan ako.

Loma 8:26

Mahaen ko Fangcalay 'Adingo a mipadama to nika tadanca no mita. Caay ka fana' kita to samaanen ko nga'ayay a pitolon. Nikawrira, patado saan ko Fangcalay 'Adingo i titaanan a mitolon i Kawas. Pakaynien Ningra i caay ka talahkal i ngoyos a tangic ko pipatado Ningra a mitolon.

1 Pitiro 3:12

Nawhani midipot ko Tapang to mo^celay a tamdaw, mitngil Cingra to pitolon nangra. Nikawrira, makter ko Tapang to tatiihay ko dmak a tamdaw,>> saan.