'Olic 26:1 - 阿美語聖經-新約附詩篇箴言

¹ Tapangaw, nanay pasteken Iso kako i awaay ko raraw, nawhani o mo^celay ko dmak ako, masarocod ko faloco' ako a miti'er i Tisowanan.

'Olic 26:1 Iomraidhean Croise

'Olic 121:3

Caay patahafikoden Ningra kiso, caay ka tokatok ko midipotay i tisowanan.

'Olic 15:2

Oya mo^celay ko dmak, o mihaklongay to Kawas a tamdaw. O so'linay ko sowal ningra,

'Olic 21:7

Miti'er ko hongti to Tapang, tona caay ka falic ko olah no Isatakaraway i cingraan saka, mida'oc a tanektek ko pikowan Ningra a malahongti.

'Olic 25:2

Kawasaw ako, deng Kiso ko piti'eran ako. Nanay caay pakangodoen Iso kako a pakatoled, aka ka palata'angen ko 'ada ako.

'Olic 25:21

Nanay o nika so'lin ato nika mo^cel ako ko sakarihaday ako, nawhani Kiso ko kacifaloco'an ako.

'Olic 26:11

Nikawrira, kako to no mako i, o mo^celay ko dmak ako, nanay kaadayayenho kako, pa'oripenho kako.

'Olic 28:7

O 'icel ako, o sapatada ako ko Tapang, masarocod ko faloco' ako a miti'er i Cingraan. Mapadama Ningra kako saka, lipahak kako, o hahmeken ako Cingra a romadiw.

'Olic 31:14

Nikawrira, Tapangaw, miti'er kako i Tisowanan, o Kawas ako Kiso.

'Olic 35:24

Tapang a Kawas ako, nanay do^doen ko mo^celay a pisawkit Iso a mipastek i takowanan i awaay ko raraw, mamana caay haydaen Iso ko nika lata'ang no 'ada ako.

'Olic 37:31

Ira i faloco' ningra ko rikec no Kawas, saka, caay ka tahoriyac ko wa'ay ningra.

'Olic 4:5

Ka o so'linay ko faloco' a pato'aya i Tapang, sarocoden ko faloco' a miti'er i Cingraan.

'Olic 43:1

Kawasaw, nanay pasteken Iso kako i awaay ko raraw, pa'adingen kako a paliyas nai caay pitoor Tisowanan, nanay pa'oripen Iso kako a paliyas nai misa'fitay tatiihay a tamdaw.

'Olic 54:1

Kawasaw, nanay pakaynien i ngangan Iso ko sapipa'orip i takowanan, nanay pakaynien i tadamaanay a 'icel Iso ko sapipa'ading i takowanan.

'Olic 62:2

Deng Cingra o 'ongcoy ako, o pa'oripay i takowanan, o pa'adingay Cingra i takowanan saka, caayto ko mamalowid kako.

'Olic 62:6

Deng Cingra o 'ongcoy ako, o pa'oripay i takowanan, Cingra ko pa'adingay i takowanan saka, caayto ko mamatfad kako.

'Olic 7:8

Tapangaw, Kiso ko misawkitay to polong no tamdaw, Tapangaw, nanay pahapinangen Iso a misawkit ko nika awa no raraw ako, nawhani awaay ko raraw ako.

'Olic 94:18

Sowal han ako, <> han ako. Nikawrira, Tapangaw, madama no sini'ada Iso kako.

Taneng 20:7

Mo^cel ko dmak no so'linay a tamdaw, malmed ko tlotloc ningra.

Taneng 29:25

O matalaway to tamdaw i, o mamatfad i satilo, o miti'eray to Tapang i, o rarihaday a tanektek.

2 Korinto 1:12

O caay pikilif, o nai Kawasay a nga'ayay a faloco' ko sapipawacay ita. Caay ko nano taneng no tamdaw, o nano 'icel no mikomi no Kawas ko sakakakafit ita. O nika ^ca paska no faloco' niyam ko kacipinangan niyam to nika nga'ay no dmak niyam i ka'ayaw namo ato i ka'ayaw no tamdamdaw. Saka, malita'ang kami tonini.

Hipray 10:23

O so'linay a piti'eran ita ko miktonay to sowal a Kawas. Saka, aka ka ngyangi ko faloco' ita. Aka pisawad kita a miharateng to nipatalahkalan ita a kacifaloco'an.

1 Pitiro 1:5

a malosapafli no Kawas i tamowanan, pakayni i nipiti'er namo to Kawas a mararid a madipot no 'icel Ningra kamo, tangasa i pipatalahkalan to nipatalaan a sapa'orip i saikoray a romi'ad.

2 Pitiro 1:10

Orasaka, salikakaaw, sa'icelen a pahapinang i dmak namo ko nika o nitahidanganto, o nipili'anto no Kawas kamo. Nawhani ano haenen namo i, caay ko mamisawad kamo a mitoor.