'Olic 21:3 - 阿美語聖經-新約附詩篇箴言

³ Mapafli Iso cingra to caay ka citolas a sakalmed, pakafongen Iso cingra to tada^kim a tamohong.

'Olic 21:3 Iomraidhean Croise

'Olic 18:18

Yo mapades kako i, looden nangra kako, nga'ayay ira ko Tapang a midipot i takowanan.

'Olic 20:5

Ta milkal kami a mahmek to nika pakalowid iso, pakaynien niyam i pipahmek to Kawas ko nika lipahak niyam to nipipakalowid iso. Nanay palahcien no Tapang ko nilongocan iso a ma^min.

'Olic 31:19

Wata: ko nika adihay no nina'angan Iso a makapahay a maamaan to saki mangodoay i Tisowanan. Dipoten Iso ko miti'eray i Tisowanan, tadamakapah a nengnengen no tamdamdaw ko nidmakan Iso.

'Olic 59:10

Maolah ko Kawas ako i takowanan, tayni Cingra a mipadama i takowanan, pa'arawen Ningra kako to nika lowid no 'ada ako.

Loma 11:35

Cima ko pacaliway i Tapang to papatikoen Ningra toya pacaliway hakiya?>> saan.

Loma 2:4

Latek o misakahmaway ko harateng iso to sini'ada ato nika kodait ato nipihadidi no Kawas. Caay ka fana' kiso saw to nika o sini'adaay ko Kawas a mangalay a mikrid tisowanan a papifalic to faloco' iso.

Ifiso 1:3

O aahowiden ita ko Wama a Kawas no Tapang a Yis Kristo. Nawhani pakaynien no Kawas i nika laccay ita aci Kristo ko pipaini titaanan to i kakarayanay a masamaamaanay a no 'adingoan a sapakalmed.

Hipray 2:9

Nikawrira, ma'araw ita ci Yis i, pacna' Cingra a isafa no coyoh ko 'orip Ningra. Onini i, o sapatalahkalaw Ningra to mikomi no Kawas a mapatay to saki polong no tamdaw. Nano misemsemay Cingra a mapatay saka, ma'araw ita anini ko nipipalatadamaan no Kawas i Cingraan.

Pa'arawan 19:12

Matiya o marengrengay a namal ko mata Ningra. Citamohong Cingra to adihayay a tamohong no hongti. Matilid i tireng Ningra ko caay ko kafana'an no nimanima a ngangan. Deng Cingra ko mafana'ay.