'Olic 17:3 - 阿美語聖經-新約附詩篇箴言

³ Mafana' Kiso to laloma' no faloco' ako, tayni Kiso to dadaya a mihapinang i takowanan, kadkaden Iso kako a milifet a mihapinang i, awaay a matama Iso ko maan aca a tatiihay a harateng ako.

'Olic 17:3 Iomraidhean Croise

'Olic 11:5

Mihapinang ko Tapang to mo^celay a tamdaw ato tatiihay a tamdaw, Ka'intelen Ningra ko mari'angay a tamdaw.

'Olic 119:106

O a 'imeren ako ko niktonan ako a sowal a mido^do to mo^celay a sifana' Iso.

'Olic 139:1

Tapangaw, masapsapto Iso ko faloco' ako, mafana'to Kiso i takowanan.

'Olic 139:23

Kawasaw, nanay hapinangen Iso ko faloco' ako, kafana' to harateng ako, nanay lifeten Iso kako, sapsapen ko faloco' ako.

'Olic 16:7

Mipahmek kako to Tapang, nawhani mipasifana' Cingra i takowanan, o dadaya i, mipalal ko nga'ayay a faloco' ako i takowanan a papina'on.

'Olic 26:2

Tapangaw, nanay hapinangen Iso kako, lifeten kako, nanay hapinangen Iso ko faloco' ato harateng ako.

'Olic 39:1

Nao somowalayto kako, <>

'Olic 66:10

Kawasaw, o nilifetan Iso kami, matiya o pi'olac to ^kim ko pilifet Iso i tamiyanan.

'Olic 7:4

ano o tatiihay ko sapaco'ay ako to nga'ayay a dmak no widang ako, ano pakoniraen ako koya padteng sanay a mikari'ang i takowanan a 'ada i,

Taneng 13:3

O mina'onay to sowal a tamdaw i, o limlaay to 'orip, nikawrira, o pacfa sanay a somowal i, o mitkopay to tireng ningra.

Dmak 11:23

Yo tahira cingra i, mahapinang ningra ko pipalmed no Kawas i cangraan saka, salipahak sa cingra. <> han ningra cangra a pa'icel.

Dmak 16:9

Toya dadaya i, ma'araw ni Pawlo i mapolosi ko ccay a Makitoniya a tamdaw. Tomireng cingra a mingitangit ci Pawloan, <> saan.

1 Korinto 4:4

Talacowa makoracay ko faloco' ako saan kako, nikawrira, caay konini ko wacay to nika awa no raraw ako. Dengan o Tapang ko mamisawkit i takowanan.

2 Korinto 1:12

O caay pikilif, o nai Kawasay a nga'ayay a faloco' ko sapipawacay ita. Caay ko nano taneng no tamdaw, o nano 'icel no mikomi no Kawas ko sakakakafit ita. O nika ^ca paska no faloco' niyam ko kacipinangan niyam to nika nga'ay no dmak niyam i ka'ayaw namo ato i ka'ayaw no tamdamdaw. Saka, malita'ang kami tonini.

Yakop 3:2

So'linay adihay ko patlac no mita a ma^min. O caay ka patlac ko sowal a tamdaw i, o masongila'ay a tamdaw, o paka'metay to tireng ningra a ma^min.

1 Pitiro 1:7

O patosokan no nika pades namo i, o pilifet to piti'er namo ci Kristoan. Ta mahapinang ko so'linay a piti'er namo. Matiya o pi'olac to tada^kim a mitodoh ko pilifet tamowanan. Tadaikakaay no tada^kim ko nika o kakalimlaan ko nipiti'er namo ci Kristoan. Saka, o lalifelifeten aca ko piti'er namo. Ta caay ka lasawad konini. Ta ano talahkalto ci Yis Kristo i, makahmek, ci'dil, tadamaan kamo.