'Olic 15:2 - 阿美語聖經-新約附詩篇箴言

² Oya mo^celay ko dmak, o mihaklongay to Kawas a tamdaw. O so'linay ko sowal ningra,

'Olic 15:2 Iomraidhean Croise

'Olic 24:4

Oya makoracay ko kamay, tingalaway ko faloco', o caay pita'ong to samiyay, caay pisamangah a mikton to sowal a tamdaw.

'Olic 84:11

Nawhani, o cidal ko Tapang a Kawas, o midipotay Cingra, o pafliay Cingra to sini'ada ato sakatadamaan ita, caay ka 'idi Cingra a pafli to nga'ayay a maamaan i mo^celay ko dmak a tamdaw.

Taneng 20:7

Mo^cel ko dmak no so'linay a tamdaw, malmed ko tlotloc ningra.

Taneng 28:18

O mo^celay ko dmak a tamdaw i, o rarihaday cingra, o misa'fitay ko dmak a tamdaw i, o hahaliki a mapolin cingra.

Luka 1:6

Mo^celay ko faloco' nangra a tatosa i ka'ayaw no Kawas. Mado^do nangra a ma^min ko limo'ot ato rikec no Tapang.

Dmak 10:35

Ano masamaamaanayto a tamdaw no kasakitakit i, ano o mita'ongay to Kawas ano o mo^celay ko dmak a tamdaw i, layapen no Kawas cingra.

Loma 2:10

Nikawrira, o nga'ayay ko dmak a tamdaw a ma^min i, o mamala tadamaanay, o cacirihaday cangra. I 'ayaw ko Yutaya a tamdaw, ta ikor i, o romato a finacadan a mapalmed.

Kalatiya 2:14

Ma'araw ako ko nika ^ca ka pido^do nangra to so'lin no Nga'ayay Ratoh, ta pasowal hanto ako ci Pitiro i ka'ayaw no 'alomanay, <> han ako.

Ifiso 2:10

O misanga'ay titaanan ko Kawas. Pakaynien no Kawas i nika laccay ita aci Kristo Yis ko nipisafa^loh titaanan to sakanga'ayaw no dmak ita. O nisahalakaanto no Kawas konini naniti:ya aca to dadmaken ita.

Ifiso 4:25

Orasaka, akato pisamangah a somowal. Ka o so'linay a sowal ko sakalalicalicay namo a ma^min. Nawhani o todong no ca'ang no tireng ni Kristo kita a ma^min.

Kolosay 3:9

Aka ka sasisamangah kamo, nawhani mahlongto namo a mifalah ko katlangay a faloco' ato dmak nonini,

Hipray 11:33

O miti'eray to Kawas cangra saka, malowid nangra ko kitakit no 'ada. O mo^celay ko midmakan nangra. Malayap nangra ko nano nisowalan no Kawas a sapalmed. Masafa nangra ko layon.

1 Yohani 2:29

Mafana'ay kamo to nika o mo^celay ci Kristo. Saka, kafana' kamo o mido^doay to mo^celay a tamdaw i, o wawato no Kawas.

1 Yohani 3:7

Wawaaw, aka ka sawi no nimanima kamo. O mido^doay to mo^cel a tamdaw i, matiya o nika mo^cel no pinangan ni Kristo ko nika mo^cel no pinangan ningra.

Pa'arawan 21:8

Nikawrira, o makoki'ay, o misiikoray to Kawas a tamdaw, o kasimelangan ko dmak, o mipatayay to tamdaw, o ma'odangay, o cikawasay, o mita'ongay to samiyay ato misamangahay ko sowal a tamdaw a ma^min i, o a itira cangra i miwarakay ko 'acfel a masafanaway a namanamalan. Itira cangra a mapatay to sakinatosa a patay.>>