'Olic 13:5 - 阿美語聖經-新約附詩篇箴言

⁵ Nikawrira, mitadi'ec kako to caay ka falic a olah Iso, o nano pipa'orip Iso i takowanan ko sakalipahak ako.

'Olic 13:5 Iomraidhean Croise

'Olic 119:81

Tapangaw, marorayto kako to nano halamham ako to pipa'orip Iso, nikawrira, o pafaloco'an ako ko niktonan Iso a sowal.

'Olic 147:11

Nikawrira, maolah ko Tapang to mangodoay Cingraan a tamdaw, maolah Cingra to miti'eray to sini'ada Ningra a tamdaw.

'Olic 25:2

Kawasaw ako, deng Kiso ko piti'eran ako. Nanay caay pakangodoen Iso kako a pakatoled, aka ka palata'angen ko 'ada ako.

'Olic 32:10

O tatiihay a tamdaw i, caay ka ^ca ka ira ko masamaamaanay a pisemsem nangra, nikawrira, o miti'eray to Tapang i, madipot no sini'ada Ningra.

'Olic 33:18

Dipoten no Tapang ko mangodoay i Cingraan a tamdaw, dipoten Ningra ko mitadi'ecay to sini'ada Ningra a tamdaw.

'Olic 36:7

Kawasaw, wata: ko nika tadamaan no caay ka falic a olah Iso. Miki'ading a ma^min ko tamdaw i laloma' no sapikpik Iso.

'Olic 38:17

Mararid a misemsem kako, saka, sinawar sato kako a sakatolo'an.

'Olic 51:12

Oya lipahak ako to pipa'orip Iso i takowanan i, liyawenho a pafli kako, ta lipahak ko salo'afang ako a mihaklong i Tisowanan.

'Olic 52:8

Nikawrira, o no mako i, matiya o molngaway i loma' no Kawas a olif a kilang, mida'oc kako a miti'er to caay ka falic a olah Ningra.

'Olic 9:14

Ta ma^deng kako a tomireng i ka'ayaw no tamdamdaw no Yirusalim a palosiyang i cangraan to nika hmek ako to polong no nga'ayay a dmak Iso. Malipahak kako a pahmek to nano pipa'orip Iso i takowanan.

Luka 1:47

Lipahak ko salo'afang ako to Pa'oripay takowanan a Kawas.

Luka 2:20

Oya nitngilan atoya ninengnengan noya pakaenay to siri i, mado^do ko nipasowalan no coyoh i cangraan. Saka, hmek sato cangra to Kawas a minokay.

Yuta 1:21

Kararid a ma'orip i olah no Kawas. Halamhamen a mitala ko pipafli no adayayay a Tapang ita ci Yis Kristo i tamowanan to mida'ocay a 'orip.