'Olic 118:6 - 阿美語聖經-新約附詩篇箴言

⁶ Mikapot ko Tapang i takowanan saka, caayto ka talaw kako. Pakapimaan ko tamdaw i takowanan saw?

'Olic 118:6 Iomraidhean Croise

'Olic 112:8

Caay ka rawraw, caay ka talaw cingra, caay ka ^ca o mama'araw ako ko nika tfad no 'ada saan ko paso'lin ningra.

'Olic 146:5

O mapadamaay no Kawas ni Yakop a tamdaw i, tada o malmeday, o miti'eray a tamdaw to Tapang a Kawas ningra i, tada o malmeday.

'Olic 23:4

Ano romakamakat kako i lidong no patay a tono' i, caay ka talaw kako, nawhani ira ko Tapang a mikapot i takowanan, o cokor ko sapikrid Iso i takowanan, o sasti' ko sapidipot Iso i takowanan.

'Olic 46:1

O piki'adingan ita ko Kawas ato 'icel ita, yo mapades kita i, ira Cingra a mipadama.

'Olic 46:11

Mikapot ko mikomoday a Tapang i titaanan, o pilimekan ita Cingra o Kawas ni Yakop.

'Olic 56:10

Miti'er kako to Kawas, mipahmek kako to niktonan Ningra a sowal, miti'er kako to Tapang, mipahmek kako to niktonan Ningra a sowal.

'Olic 56:11

Miti'er kako to Kawas saka, caayto ka talaw kako. Ma^dengho a pakapimaan ko tamdaw i takowanan saw?

'Olic 56:12

Kawasaw, lahcien ako ko niktonan ako a sowal i Tisowanan, mipacakat kako i Tisowanan to sapikansiya a sapato'aya.

'Olic 56:4

Miti'er kako to Kawas, mipahmek kako to niktonan Ningra a sowal, miti'er kako i Kawas saka, caayto ka talaw kako. Ma^dengho a pakapimaan ko tamdaw i takowanan saw?

'Olic 56:5

Saromi'ad sa ko 'ada a sapikari'angan i takowanan, mararid cangra a misaharaterateng to sapikari'angaw i takowanan.

'Olic 56:9

Ano mitahidang kako i Tisowanan i, o mamalowid a milaliw ko 'ada ako, onini ko saka, mafana' kako to nika o mipadamaay ko Kawas i takowanan.

'Olic 94:16

Cima ko papatado i takowanan a mico'ay to tatiihay a tamdaw? Cima ko mamikapot i takowanan a pacoli to ciraraway a tamdaw?

Loma 8:31

Ano hatira i, samaanen ita ko kasomowal saw? Ano i tini i titaanan ko Kawas a midama i, cimaho ko mamisa'ada i titaanan saw?

Hipray 13:6

Orasaka, caay paska kita a somowal to, <> sanay.