'Olic 112:1 - 阿美語聖經-新約附詩篇箴言

¹ Haliluya! O tadamalmeday ko mita'ongay to Tapang, oya maolahay a mido^do to limo'ot Ningra a tamdaw.

'Olic 112:1 Iomraidhean Croise

'Olic 111:1

Haliluya! Masarocod ko faloco' ako a mikansiya to Tapang, mikansiya kako Cingraan i kasa'opoan no mo^celay a finawlan Ningra.

'Olic 111:10

O tatapangan no sakacitaneng ko nika ngodo to Tapang, paflien Ningra to taneng ko mido^doay to limo'ot Ningra a tamdaw. O papahmeken a tahada'oc Cingra.

'Olic 119:14

Maolah kako to rikec Iso, ikaka no masamaamaanay a dafong ko nika olah ako.

'Olic 119:143

Yo mapades a mapakaroray kako i, o limo'ot Iso ko palipahakay i takowanan.

'Olic 119:16

O sakalipahak ako ko rikec Iso, caay ko mamatawal ako ko limo'ot Iso.

'Olic 119:35

Nanay kriden Iso kako a parakat i lalan no limo'ot Iso, nawhani nai itira a miala kako to sakalipahak ako.

'Olic 119:97

Tadamaolah kako to rikec Iso, saromi'ami'ad sa kako a miharateng tonini.

'Olic 128:1

O tadamalmeday ko mangodoay to Tapang, o tadamalmeday ko mido^doay to limo'ot Ningra.

'Olic 145:19

Palahcien Ningra ko longoc no maolahay a mangodo i Cingraan a tamdaw, tngilen Ningra ko pitahidang nangra a milongoc, pa'oripen Ningra cangra.

'Olic 147:1

Haliluya! O karomadiw a pahmek to Kawas ita i, o tadanga'ayay. O tadakalipahakan ko pipahmek i Cingraan, o matatodongay konini.

'Olic 150:1

Haliluya! Kaitira i Fangcalay Kaitiraan no Kawas a pahmek i Cingraan. Kaitira i pipatiri'an Ningra to 'icel i kakarayan a pahmek i Cingraan.

'Olic 40:8

Kawasaw ako, tadamaolah kako a mido^do to nafaloco'an Iso! Ka'imeren ako a pakifaloco' ko sifana' Iso,>> saan.

Luka 1:50

Kasini'adaen Ningra ko katatongotongod no mita'ongay Cingraan a tamdaw.

Loma 7:22

Maolah ko faloco' ako a miharateng to Rikec no Kawas.

Loma 8:6

O makowanay no pinangan no tireng i, o patay ko pahrekan. O caci'orip, o rarihaday ko makowanay no Fangcalay 'Adingo.