'Olic 10:7 - 阿美語聖經-新約附詩篇箴言

⁷ Sahto o mi'kakay ato misa'fitay ato patalaway ko sowal ningra, o sowal ningra i, sahto o cisawarakay, o tatiihay a ma^min.

'Olic 10:7 Iomraidhean Croise

'Olic 12:2

Masasisamangah cangra a ma^min, ko^san ko sowal nangra a masasisafana'.

'Olic 140:3

Matiya o cisawarakay a 'oner ko sma nangra, matiya o aefefay a 'oner ko ngoyos nangra a cisawarak.

'Olic 140:9

Mamana caay papilowiden Iso ko 'ada i takowanan, ta patikol i tireng nangra ko pipatalaw nangra i takowanan.

'Olic 144:11

Nanay pa'oripen Iso kako a paliyas nai miforiforay a 'ada, pa'oripen kako a paliyas nai papotalay a ci'icelay a 'ada. Awaay ko so'linay a sowal nangra, haloniktonan nangra a sowal a o mangah.

'Olic 144:8

Awaay ko so'linay a sowal nangra, haloniktonan nangra a sowal a o mangah.

'Olic 36:3

Sahto o tatiihay ato misafana'ay ko sowal ningra, malasawadto ko sakafana' ningra a miharateng to nga'ayay a dmak.

'Olic 41:6

O tayniay a miliso' i takowanan i, caay ko so'linay ko faloco' nangra, o mihapinangay cangra to tatiihay a dmak ako, ta payakayaken nangra i cowacowa.

'Olic 5:9

Caay ka o papaso'linen ko sowal no 'ada ako. O sakapleng no tamdaw ko i faloco'ay nangra. Matiya o mafohatay a tadem ko ngoyos nangra, kameleng ko sma nangra, sahto o misa'fitay ko sowal.

'Olic 50:19

<

'Olic 52:4

Kiso o misa'fitay, tadamaolah kiso a miri'ang to tamdaw.

'Olic 55:21

Ikaka no kamleng no pata a simal ko nika kamleng no sowal ningra, 'arawhani, matomes i faloco' ningra ko 'intel. Ikaka no simal ko nika ka^ped no sowal ningra a damsay, 'arawhani, matiya o citalemay a fonos ko nipicocok no sowal ningra.

'Olic 58:3

O tatiihay a tamdaw i, hofoc hanho i, morarawto to ko patosokan ningra, o misamangahay a tamdaw i, sadak saho i tiyad no ina i, miliyasto to mo^celay a lalan.

'Olic 59:12

Matomes no tatiihay ko ngoyos nangra, sahto o sakaciraraw ko sowal nangra. Mamana tahafikod cangra a mapolin to nano pisalata'ata'ang nangra. Nawhani o mi'kakay, o misa'fitay cangra,

'Olic 59:13

mamana pasayra Kiso i cangraan a makter a mitkop i cangraan, mamana ^minen Iso a mitkop cangra. Ta mafana' ko kasafinawlan to nika o mikowanay ko Kawas to Israil ato o mildefay to polong no hkal ko pikowan Ningra.

'Olic 62:4

Masarocod ko faloco' namo a sapitfadan i cingraan, maolah kamo a misamangah. O ngoyos aca namo ko mipalmeday a somowal, 'arawhani o mi'kakay i cingraan ko faloco' namo.

'Olic 64:3

Matiya o nicadiwan a fonos ko sowal nangra a citalem, matiya o pana' ko kasadak no cisawarakay a sowal nangra.

'Olic 7:14

Misahalaka to tatiihay a dmak ko tatiihay a tamdaw, misanga' cingra to sakarawraw, mananam cingra a misa'fit.

'Olic 73:8

Matawa cangra a milokes to tao, o tatiihay ko sowal nangra, misatakarakaraw cangra a miples to tao.

Taneng 21:6

O caay ka mo^cel a mialaan a dafong i, matiya o mita'lifay a to'em, o sakapatay no tamdaw a matkop.

Taneng 30:8

Aka papisamangahen kako, aka palapakosiyaen, aka padafongen kako, patatodong han ko saka'orip aca ako a kakaenen.

Matay 12:34

Kamo, o cisawarakay a 'oner, o tatiihay kamo. Saka, samaanen namo ko nika somowal to nga'ayay a sowal saw? Nawhani ano masamaanay ko faloco' noya tamdaw i, hatiraay ko masadakay i ngoyos ningra.