'Olic 1:1 - 阿美語聖經-新約附詩篇箴言

¹ O so'linay a malmeday a tamdaw i, o caay pitoor to harateng no tatiihay a tamdaw, o caay pihaklong to rakat no ciraraway a tamdaw, o caay pikapot to milokesay to Kawas a tamdaw.

'Olic 1:1 Iomraidhean Croise

'Olic 1:6

Madipot no Tapang ko rakat no mo^celay a tamdaw, nikawrira, pasayra i katkopan ko rakat no tatiihay a tamdaw.

'Olic 106:3

O ma'imeray a tamdaw to limo'ot Ningra i, o tadamalmeday. O marariday a o mo^celay ko dmak a tamdaw i, o tadamalmeday.

'Olic 112:1

Haliluya! O tadamalmeday ko mita'ongay to Tapang, oya maolahay a mido^do to limo'ot Ningra a tamdaw.

'Olic 119:115

Kamo o tatiihay ko dmak a tamdaw, piliyas i takowanan, o mamido^do kako to limo'ot no Kawas ako.

'Olic 144:15

O matiniay ko 'orip a kitakit i, tada o malmeday. O mangodoay to Tapang a palaKawas a finawlan i, tada o malmeday.

'Olic 146:5

O mapadamaay no Kawas ni Yakop a tamdaw i, tada o malmeday, o miti'eray a tamdaw to Tapang a Kawas ningra i, tada o malmeday.

'Olic 146:9

Dipoten no Tapang ko pacarcaray a maro' a roma a finacadan, padamaen Ningra ko pakoyoc a wawa ato maponengay, nikawrira, palasawaden Ningra ko nisahalakaan no tatiihay a tamdaw.

'Olic 2:12

Katayal to saki wawa Ningra, ano caay pihaen kamo i, o mamatiyato o 'anapar no namal ko kter no Tapang, wa talifahal sa kamo a matkop. Nikawrira, o pasayraay i Cingraan a milongoc to pidipot Ningra i, tada o malmeday.

'Olic 26:12

Tomireng to kako i masadafdafay a pala, Saka, o papahmek kako to Tapang i kasa'opoan no polong no finawlan.

'Olic 34:8

Lifeten a mihapinang ko nika nga'ay no Tapang, o miti'eray i Cingraan i, tada o malmeday.

'Olic 36:4

Ano i kafoti'anto cingra i, misahalaka cingra to tatiihay a dmak, caayto ka sapisawadan cingra to tatiihay a dmak.

'Olic 64:2

Nanay dipotenho Iso kako a paliyas nai pisa'adapaw no tatiihay a tamdaw, ta caay ka kari'ang kako.

'Olic 81:12

Orasaka, pakonira hanto Ako ko nika 'atkak no faloco' nangra, pararid sato cangra a mido^do to maapaay a pinangan nangra.

'Olic 84:12

O mikomoday a Tapang, tada o malmeday ko miti'eray i Tisowanan a tamdaw.

Taneng 1:15

Wawaaw, aka pihaklong to matiraay a tamdaw, liyasen cangra.

Taneng 1:22

<

Taneng 13:15

Kangodoen no tamdaw ko citangalay a tamdaw, nikawrira, o mamatkop ko caay ka so'lin ko faloco'.

Taneng 13:20

O minaolay to citanengay a tamdaw i, o cacitaneng cingra, o minaolay to maapaay a tamdaw i, o mamapakaroray cingra.

Taneng 19:29

O malata'angay a tamdaw i, o mamatfoc cingra. O maapaay a tamdaw i, caay ko mamaliyas ningra ko sasti'.

Taneng 2:12

Saka, caay ka moraraw ko dmak iso, madipot kiso a mapaliyas nai misawiay a mikayhid i tisowanan a tamdaw.

Taneng 3:34

Kahmaw ko pinengneng Ningra to misatakarakaraway a tamdaw, kasini'adaen Ningra ko misapo^neray a tamdaw.

Taneng 4:19

O lalan no tatiihay a tamdaw i, sato'man sa a matiya o rawdengan, mapolin cangra i, caay ka fana' to nika o maan ko katahafikodan nangra.

Taneng 9:12

Ano ira ko taneng iso i, kiso ko ci^pocay, ano mana'ay kiso to taneng i, kiso ko masiponay.

Matay 16:17

Paca'of sa ci Yis i cingraan, <

Luka 11:28

Nikawrira, pasowal sa ci Yis, <> han Ningra.

Luka 23:51

Onini a tamdaw i, caay pihayda to nisahalakaan ato dmak no lomaocay. O tamdaw no Arimatiya hananay a niyaro' no Yutaya cingra. O hinatalaay cingra to sakalahciaw no pikowan no Kawas.

Yohani 13:17

Mafana' kamo tonini a dmak. Saka, ano milahci kamo tonini i, o malmeday kamo.

Yohani 20:29

Pasowal sa ci Yis i cingraan, <> han Ningra.

Loma 5:2

Pakayni i piti'er, ci Kristo ko pa'oripay i titaanan i mikomi no Kawas, saka, salipahak sa kita a halamham to sapilcadaw ita to tadamaanay a 'dil no Kawas.

Ifiso 6:13

Orasaka, ca'dongento ko nipaflian no Kawas a sapilood a riko'. Ta ano ira ko karawrawan a romi'ad i, pakalowid kamo a mico'ay. Ma^deng kamo a tomireng itira.

1 Pitiro 4:3

Naniti:yaho kamo a midmak to kaolahan no roma a finacadan a dmak a ma'otit, ma'anof, malasang, haliacang to no hkal. Malali^pah kamo. O ka'osian ko dmak namo a mita'ong to samiyay. Ma^dengto. Akato piliyaw to matiraay.

Pa'arawan 22:14

O mifaca'ay to riko' no tireng a tamdaw i, o malmeday. Nawhani manga'ay cangra a citodong a komaen to hci noya sakaci'orip a kilang. O romasato, manga'ay cangra a pakayra i 'adawang a micomod to niyaro'.