Luka 8:2 - 阿美語聖經-新約附詩篇箴言

² Ira ko papinapina a fafahiyan a mihaklong. Onini a fafahiyan i, o nano mafahfahay ko palafoay ato nano maadahay ko adada nangra. Oya nano mafahfahay ko papitoay a palafoay i, ci Maktala hananay a Mariya ko ccay.

Luka 8:2 Iomraidhean Croise

Matay 4:24

Matnak i polong no kitakit no Siriya konini a lihaf to pakayniay ci Yisan. Saka, patayraen no tamdamdaw i ci Yisan ko polong no adadaay, o misemsemay to masamaamaanay a adada ato maaro'ay no palafoay ato mafori'akay ato ma'piay a tamdaw. Adahen ni Yis cangra a ma^min.

Maroko 16:1

Nanoya, mahrek ko Pasla'an a Romi'ad i, mi'aca to fangsisay a sapaiyo ci Mariya no Maktala ato ci ina ni Yakop ci Mariya aci Salomi to sapisipasip to tireng ni Yis.

Maroko 16:9

Nalomowad ci Yis a ma'orip nai patay to sa'ayaway a romi'ad no fa^lohay a lipay, ci Mariya no Maktala ko a'ayaway a nipa'arawan Ningra. (Onini a fafahiyan i, o nano nifahfahan ni Yis ko papitoay a palafoay nai cingraan i 'ayaw.)

Luka 23:27

Mitoor i ci Yisan ko 'alomanay a tamdaw. Ira a mihaklong ko masakapotay a fafahiyan. O tomangicay cangra a mararom to pakayniay ci Yisan.

Luka 23:49

Polong no mafana'ay ci Yisan a tamdamdaw ato mitooray Cingraan nai Kalili a fafahifahiyan i, tomireng i ra:ay a minengneng tonini a dmak.

Luka 23:55

O mihaklongay ci Yisan nai Kalili a fafahifahiyan i, mitoor ci Yosifan a tayra, minengneng cangra to tadem ato nika masamaan ko nipipatli to tireng ni Yis.

Luka 8:30

<> han ni Yis a milicay. <> saan ciira a paca'of. Nawhani 'aloman ko palafoay a micomod i cingraan.

Yohani 19:25

O tomirengay i tatihi no ciwcika ni Yis i, ira ko ina ni Yis ato fai Ningra ato fafahi ni Klopas ci Mariya aci Mariya no Maktala.

Dmak 1:14

Ira a mikapot tonini a tamdaw ko papinapina a fafahiyan, o ina ni Yis ci Mariya ato salikaka ni Yis. Malaccay ko faloco' nangra a masarocod a mitolon.