Luka 8:1 - 阿美語聖經-新約附詩篇箴言

¹ Nanoya, coroken ni Yis a mirakat ko tata'angay ato mamangay a niyaroaro' a mipatnak to Nga'ayay Ratoh to pakayniay i pikowan no Kawas. Mihaklong koya tosa ko safaw a tarokos i Cingraan.

Luka 8:1 Iomraidhean Croise

Matay 11:1

Mahrek ci Yis a palimo'ot to tosaay ko safaw a nisawawaan ningra i, miliyas ci Yis itira a tayra i niyaroaro' a pasifana' a patnak.

Matay 13:19

O mafokilay a mitngil to tatodong no sowal to pakayniay i Kitakit no Kawas i, matiya o katfadan no sapaloma i lawac no lalan ko faloco' ningra. Tayra ko Palafoay a mi'afas to nifolsakan i faloco' ningra to tatodong no sowal.

Matay 4:23

Rakaten ni Yis ko Kalili a pala a ma^min, pasifana' i kasa'opoan a loma' i kasaniyaro' a patnak to Nga'ayay Ratoh to pakayniay i Kitakit no Kawas, adahen Ningra ko masamaamaanay a adada no tamdaw.

Matay 9:35

Nanoya, rakaten ni Yis ko tata'angay ato mamangay a niyaro' a ma^min, pasifana' i kasa'opo'opoan a loma' a patnak to Nga'ayay Ratoh to pakayniay i Kitakit no Kawas. Ta adahen Ningra ko masamaamaanay a adada no tamdaw.

Maroko 1:39

Saka, rakaten Ningra ko polong no Kalili a mipatnak i kasa'opo'opoan a loma', ta mifahfah to palafoay.

Luka 1:80

Tata'angto koya wawa. Tanektekto ko faloco' ato 'adingo ningra. Itira sa cingra i kohkohan tangasa i katalahkalan ningra a pa'araw i finawlan no Israil.

Luka 20:1

Yo ccay a romi'ad pasifana' ci Yis to finawlan i Fangcalay Pita'ongan a patnak to Nga'ayay Ratoh. Itiya i, ira ko kakridan no citodongay to ta'ong ato pasifana'ay to Rikec ato kalas no niyaro' a miraod i ci Yisan

Luka 4:18

<

Luka 9:6

Lowad sato koya tosa ko safaw a nisawawaan a mirakat to niyaroaro' a mipatnak to Nga'ayay Ratoh. Miadah cangra to adadaay.

Dmak 10:38

Mafana' kamo to pakayniay ci Yisan no Nacali. Paflien no Kawas Cingra to Fangcalay 'Adingo ato 'icel. Mikapot ko Kawas Cingraan saka, mirakat Cingra to niyaroaro' a midmak to nga'ayay. Miadah Cingra to polong no masamsamay no Palafoay.

Dmak 13:32

O paratohay kami to nga'ayay ratoh i tamowanan toya niktonan no Kawas i tato'asan ita a sowal.

Loma 10:15

Ano awaay ko miocoray i, cima ko papatnak hakiya? Mahaen ko nika tilid i Fangcalay Cudad, <> saan.