Luka 5:6 - 阿美語聖經-新約附詩篇箴言

⁶ Haen han nangra ko dmak i, masalil nangra ko adihayay a masaflaway a foting. Sakaftasan saan koya salil nangra.

Luka 5:6 Iomraidhean Croise

Luka 5:7

Saka, kawih han nangra koya cafay nangra a tamina a papipadang cangraan. Tayra sato cangra a mipadang i, tomes hanto nangra koya tosaay a tamina to foting. Sakalnengan sato koya tamina.

Dmak 2:41

'Aloman ko mipaso'linay to sowal ni Pitiro. Ta mapaino' cangra. Saka, ma^deng tolo a patek (3,000) ko tamdaw to mitongalay a mikapot i cangraan toya romi'ad.

Dmak 4:4

Nikawrira, o mitngilay to sowal no Kawas a tamdaw i, 'aloman a 'aloman ko paso'linay. Saka, sa'osi han ko polong no fa'inayan aca i, ma^deng lima a patek (5,000) ko tamdaw.

1 Korinto 15:58

Orasaka, kaolahan ako a salikaka, katanektek a tomireng. Aka ka ngiyangi. Mafana' kamo to nika caay ko a awa ko ^poc no nikarorayan namo a matayal to no Tapang. Saka, kararid a misa'icel to tayal no Tapang.

Kalatiya 6:9

Saka, aka ka rarima kita to nga'ayay a dmak. Ano caay ka toled kita, ano maraodto ko romi'ad i, o mamalayap ita ko tatodong no nga'ayay a dmak ita.