7 Saka, mahofoc cingra to fa'inayan a fisac a wawa. Popot han ningra to kiradom a mipakafoti' i toptop no pa^faan, nawhani awaayto ko malokafoti'an nangra i pilafinan a loma'.
Nikawrira, tangasa i nika hofoc ni Mariya toya Wawa i, caayho ka laccay cangra. Ci Yis han ningra ko pipangangan toya Wawa. Mahaen ko nika hofoc ci Yis Kristoan.
Onini a tamdaw i, o wawa no misakilangay a sayho kiya saw? Caay ko ina Ningra ci Mariya saw? Caay ko safa Ningra to fa'inayan ci Yakop aci Yosif aci Simon aci Yuta saw?
Saka, raod hanto ningra koya tamdaw a mipaloso' to simal ato ^pah i doka' ningra. Ta tafoen ningra koya doka' ningra, ta padakaw han ningra i lofa ningra a mikrid a patayra i pilafinan a midipot.
Malatamdawto ko Sowal a mikapot i titaanan a maro', matomesay no mikomi ato so'lin. Ma'araw no mita ko nika ci'dil Ningra, onini a 'dil o lalayapen no dengan a Wawa no Kawas.
Mafana'to kamo to mikomi no Tapang ita ci Yis Kristo. Nano tadamaanay ko 'orip Ningra. Nikawrira, malapakoyoc Cingra to sakalmed namo. O sakasaan i, pakayni i nika lapakoyoc Ningra a malacidafongay kamo.
Nikawrira, yo maraodto ko nipatonekan no Kawas a romi'ad i, ocoren no Kawas ko Wawa Ningra. Pakaynien Ningra i fafahiyan ko pihofoc Cingraan. Makowan no Rikec ko 'orip Ningra.