Luka 18:1 - 阿美語聖經-新約附詩篇箴言

¹ O sakararidaw no nisawawaan a mitolon ato saka^caaw ka toled nangra saka, patinako han ni Yis cangra a somowal,

Luka 18:1 Iomraidhean Croise

'Olic 102:17

O mamitngil Cingra to pilongoc no pakosiya ko 'orip a tamdaw, caay ko mami^pec Cingra to pitolon nangra.

'Olic 27:13

Paso'lin kako, o mamatala no 'orip ako ko pipalmed no Tapang.

'Olic 65:2

Nawhani o mitngilay Kiso to pitolon niyam. O ciraraway ko tamdaw a ma^min saka, o tatayni i ka'ayaw Iso a milongoc. Mapa^kel no raraw niyam kami, nikawrira, hpolen Iso a ma^min.

'Olic 86:3

Tapangaw, nanay kaadayayenho Iso kako, saromi'ad sa kako a milongoc i Tisowanan.

Luka 11:10

Nawhani o mingitangitay a tamdaw i, mapafli. O mikilimay a tamdaw i, pakatama. O mikongkongay to fawahan a tamdaw i, mafawah ko fawahan.

Luka 21:36

Saka, kararid a mapalal a mitolon to sakanga'ayaw namo a mita'lif tonini a aira a dmak a ma^min ato sakanga'ayaw namo a tomireng i ka'ayaw noya Wawa no Tamdaw,>> han ni Yis.

Loma 12:12

Ka o pafaloco'an namo ko lalipahaken. Hadidien ko pades. Kararid a mitolon.

2 Korinto 4:1

O sini'adaay ko Kawas tamiyanan saka, patoroden Ningra i tamiyanan konini a tayal. Saka, caay ka toled kami.

Kalatiya 6:9

Saka, aka ka rarima kita to nga'ayay a dmak. Ano caay ka toled kita, ano maraodto ko romi'ad i, o mamalayap ita ko tatodong no nga'ayay a dmak ita.

Ifiso 6:18

I tini i pitolon namo i, pilongoc to pipadama no Kawas. Ka o makriday no Fangcalay 'Adingo kamo a mararid a mitolon. Kapalal kamo a mihadidi a misa'icel a milongoc a mitolon to saki mitooray a ma^min.

Filipi 4:6

Aka ka rawraw ko faloco' namo to maamaan a dmak. I masamaamaanay a dmak i, pitolon kamo. Pakaynien i nipiahowid no faloco' namo ko pipatalahkal to ngangitangiten namo i Kawas a milongoc.

Kolosay 4:12

Nga'ayho saan i tamowanan ko namo a tamdaw ci Ipafras, o koli ni Yis Kristo. Mararid cingra a misa'icel a mitolon to saki tamowanan. Milongoc cingra i Kawas to sakatanektekaw no faloco' namo a mato'as ato sakasongila'aw no faloco' namo a mitoor to nafaloco'an no Kawas a ma^min.

Kolosay 4:2

Kararid a mitolon. Yo mitolon kamo i, kapalal ko faloco' namo a mikansiya i Kawas.

1 Tisalonika 5:17

Aka pitolas a mitolon.