Loma 7:3 - 阿美語聖經-新約附詩篇箴言

³ Orasaka, yo ma'oripho ko fa'inay ningra, ano ciramod cingra to roma a fa'inayan i, o ma'odangay han cingra. Nikawrira, ano mapatayto ko fa'inay ningra i, matdalto cingra nai rikec no mararamoday. Saka, ano ciramod cingra to roma a fa'inayan i, caay ko ma'odangay cingra.

Loma 7:3 Iomraidhean Croise

Matay 5:32

Nikawrira, sowalen Ako kamo, ano cimacimato a fa'inayan i, ano caay ko nika'odangan no fafahi ningra ko sakapisawad ningra to fafahi i, o paka'odangay cingra to fafahi ningra. Nawhani ano cifafahi tonini a nisawadan a fafahiyan ko cima a fa'inayan i, o ma'odangay cangra.

Loma 7:2

Tinako sa, ano cifa'inay ko fafahiyan i, mapalit no rikec no mararamoday cingra yo ma'oripho ko fa'inay ningra. Caay ko laliyasen ningra ko fa'inay ningra. Ano mapatayto ko fa'inay ningra i, caayto ka palit no rikec no mararamoday cingra.

Loma 7:4

Salikakaaw ako, matiya onini kamo. O mapatayayto kamo to pakayniay i no Rikecan a dmak. Nawhani o ccayto no tireng ni Kristo kamo. Saka, o no Ningrato kamo. O lomowaday a ma'orip nai patay a Tapang Cingra. Onini i, o sakanga'ay ita a matayal to no Kawas.