Loma 4:2 - 阿美語聖經-新約附詩篇箴言

² Ano o nano dmak ni Apraham ko sakanga'ay ningra a malayap no Kawas i, kona o papasneng cingra. Nikawrira, caay ko papasneng cingra i ka'ayaw no Kawas.

Loma 4:2 Iomraidhean Croise

Loma 15:17

Tona malaccay kako aci Yis Kristo saka, manga'ay kako a malata'ang to pakayniay i tayal ako i Kawas.

1 Korinto 1:29

Orasaka, caay ko papasneng ko cimacima a tamdaw i ka'ayaw no Kawas.

1 Korinto 1:31

Orasaka, mato sowal a matilid i Fangcalay Cudad, <> saan.

1 Korinto 4:7

Cima ko <> sanay tisowanan saw? Caay ko nano nipaflian no Kawas koya iraay i tisowanan a ma^min saw? Ano hatira i, nawiro malata'ang kiso saw a mipalanotireng to nano Kawas a nipaflian?

1 Korinto 9:16

Caay ko sapasneng ko nipipatnak ako to Nga'ayay Ratoh. O tatayatayalen aca ako konini. Ano caay pipatnak kako to Nga'ayay Ratoh i, o cacilafo kako.

2 Korinto 11:12

O paparariden ako ko tayal ako to ha:tiniay. Ta mapalasawad ko nipipasneng noya sapalcadananay i tamiyanan to tayal a pasnengay a <> hananay.

2 Korinto 11:30

Ano o papasneng kako i, o nika tadanca ako ko papasnengen ako.

2 Korinto 5:12

Caay ko miliyaway kami a pakafana' i tamowanan to pakayniay i tamiyanan. Deng o longoc niyam i, nanay ira ko kalata'angan namo to pakayniay i tamiyanan. Ta ira ko sapaca'of namo toya mahmekay to papotal aca, o caay ko pinangan no tamdaw ko ninengnengan.

Kalatiya 3:22

Nikawrira, o pahapinangay ko Fangcalay Cudad to nika makowanay no raraw ko polong no tamdaw. Orasaka, deng pakayni i nipiti'er no tamdaw i ci Yis Kristoan ko sakanga'ay nangra a milayap to nano niktonan no Kawas a sowal.

Ifiso 2:9

Tona caay ko nano nga'ayay a dmak namo ko tati'eren. Saka, awaay ko maan aca a papasnengen namo.

Filipi 3:9

Ta mahapinang ko nika laccay ako aci Kristo. Caayto ko nano pido^do ako to Rikec ko sakanga'ay ako a malayap no Kawas. O nano piti'er ako ci Kristoan o nano Kawas a nisanga'an ko sakanga'ay ako a malayap Ningra o sanay ako.