Ifiso 6:6 - 阿美語聖經-新約附詩篇箴言

⁶ Aka ka o sapa'arawaw aca i cangraan ko nika lalok namo a matayal to sakahmekaw no tamdaw i tamowanan. O koli ni Kristo kami han ko faloco'. Ka o nai faloco'ay ko nipido^do namo to matatodongay i nafaloco'an no Kawas.

Ifiso 6:6 Iomraidhean Croise

Matay 12:50

Ano cima ko mido^doay to nafaloco'an no Wama Ako i kakarayan i, orira ko salikaka Ako ato ina Ako,>> han Ningra.

Matay 7:21

< sanay a mitahidang i Takowanan a tamdaw i, ira ko caay ko mamicomod i Kitakit no Kawas. Deng o mido^doay to nafaloco'an no Wama Ako i kakarayan ko mamicomod.

Maroko 3:35

Ano cima ko mido^doay to nafaloco'an no Kawas i, orira ko salikaka Ako ato ina Ako,>> han Ningra.

Loma 6:17

O aahowiden ko Kawas. Nawhani nano koli no raraw kamo i ti:yaho. Nikawrira, masarocodto ko faloco' namo anini a mitoor to nipasifana'an i tamowanan a sowal no Kawas.

1 Korinto 7:22

Ano matahidang no Tapang a mitdal ko koli i, o matdalayto no Tapang a tamdaw. Malapakoniraayto cingra a malakoli ni Kristo.

Kalatiya 1:10

O sakasaan ako i, nga'ay kahmeken no tamdaw kako o sanay ako saw? Ano ^ca i, nga'ay kahmeken no Kawas kako o sanay ako saw? O sapisolotaw ako to faloco' no tamdaw saw? Caay! Ano o sapisolotaw ako to faloco' no tamdaw ko dmak ako i, caay ko koli ni Kristo kako.

Ifiso 5:17

Orasaka, aka ka apa kamo. Kafana' kamo to nika o maan ko nafaloco'an no Tapang.

Filipi 2:12

Orasaka, kaolahan ako a salikaka, samatiyaen o ha:tiniay ko nipihaklong namo i takowanan. Aka ka itiya i nika iraan ako a ccay. Ano awaawa kako anini i, ikakaen ko nipihaklong namo. Ka o nano ngodo no faloco' namo ko sakapisa'icel namo a milahci to tayal no Kawas a pa'orip tamowanan.

Kolosay 1:9

Orasaka, namatngil niyam ko pakayniay i tamowanan a dmak i, mararid kami a mitolon to saki tamowanan, nanay mapafli no Kawas kamo to nano Fangcalay 'Adingo a masamaamaanay a taneng ato sakafana', ta ma^deng a mihapinang to nafaloco'an Ningra.

Kolosay 4:12

Nga'ayho saan i tamowanan ko namo a tamdaw ci Ipafras, o koli ni Yis Kristo. Mararid cingra a misa'icel a mitolon to saki tamowanan. Milongoc cingra i Kawas to sakatanektekaw no faloco' namo a mato'as ato sakasongila'aw no faloco' namo a mitoor to nafaloco'an no Kawas a ma^min.

1 Tisalonika 2:4

O nilifetanto no Kawas kami a mipili' a mipatorod to Nga'ayay Ratoh. Saka, do^doen niyam ko nafaloco'an no Kawas a somowal. Caay ko sapalipahakaw to tamdaw, o sapalipahakaw to mafana'ay a mihapinang to faloco' ita a Kawas ko dmak niyam.

1 Tisalonika 4:3

O nafaloco'an no Kawas i, o nika korac namo ato nipiliyas namo to ma'odangay a dmak.

Hipray 10:36

O kakalimlaan namo i, o nika kodait no faloco' to sapilahciaw to nafaloco'an no Kawas. Ta malayap namo ko nisowalan no Kawas a sapalmed.

1 Pitiro 2:15

Nawhani o nafaloco'an no Kawas i, o nipipakatomrep namo to maapaay a sowal no mafolafolaay a tamdaw pakayni i nga'ayay a dmak namo.

1 Pitiro 4:2

Saka, i ikor nonini i, ka o nafaloco'an no Kawas ko tatooren namo tangasa i tolas no 'orip namo i tini i hkal. Akato pitoor to 'anof no tireng.

1 Yohani 2:17

Manornorto a malasawad ko hkal ato i tiniay i hkal a kangalayan no tamdaw a ma^min. Nikawrira, mida'oc a ma'orip ko mido^doay a tamdaw to nafaloco'an no Kawas.