Ifiso 6:11 - 阿美語聖經-新約附詩篇箴言

¹¹ Ca'dongen a ma^min ko nipaflian no Kawas a sapilood a riko' to sakaki^mel namo a misi'ayaw to safana' no Palafoay.

Ifiso 6:11 Iomraidhean Croise

Maroko 13:22

Nawhani o aira ko mangah a Kristo ato mangah a pali'ayaway to sowal no Kawas. Ano mama^deng i, sa'fitaw ako ko nipili'an no Kawas a finawlan saan cangra saka, midmak cangra to kafahka'an a dmak a patiri' to 'icel nangra.

Loma 13:12

Moniharto ko dadaya. Mangatato a ta^ngad. Saka, falahen ko no to'manay a dmak. Ca'dongen ko sapilood a riko' a pasayra i ta^ngaday.

Loma 13:14

Saka, ca'dongen ko sapilood no Tapang ci Yis Kristo a lalosidan. Sawaden ko pitoor to ciraraway a pinangan iso ato ma'anofay a faloco' iso.

1 Korinto 10:13

O matinakoay namo a pilifet i, o nano matinakoayto no 'alomanay a tamdaw. O so'linay a tati'eren ko Kawas. Caay palitmoh Cingra tamowanan to caay ko mamahadidi namo a salifet. Ano malitmoh namo ko salifet i, pa'icelen Ningra kamo a papihadidi. Patalaen Ningra ko kasadakan namo a lalan.

2 Korinto 10:4

O sapilood niyam a lalosidan i, caay ko no hkalan, o nai Kawasay a ci'icelay a pakaplengay to pisitalaan no 'ada. Onini a lalosidan ko sapipleng niyam to pacfaay a harateng no tamdaw.

2 Korinto 11:3

Nikawrira, o katalawan ako i, o nika poni' no faloco' namo a matiya o nipisa'fit no 'oner ci Ifaan. Ta ma'oning ko faloco' namo. Misawad kamo to so'linay a makoracay a faloco' to saki ci Kristoan.

2 Korinto 2:11

Onini i, o saka^caaw ita ka safana' ni Satan. Nawhani mafana' kita to nisahalakaan ni Satan.

2 Korinto 4:4

Caay paso'lin cangra to Kawas, nawhani pohawen no kawakawas nonini a hkal ko faloco' nangra. Onini i, o saka^caaw paka'araw nangra to nipipatdi no Nga'ayay Ratoh i faloco' nangra to 'dil ni Kristo, o todong no faco no Kawas.

2 Korinto 6:7

ato nipipasowal niyam to so'linay a ratoh ato 'icel no Kawas ko sapahapinang niyam to nika o matayalay no Kawas kami. O mo^celay ko todong no lalosidan niyam to sapatada ato sapilood to 'ada.

Ifiso 4:14

Ta caayto ko mamatiya o ka^mangay kita a mangiyangi ko faloco' a mafalic a matiya o mapawpaway no taplik ato nai cowacowaay a fali. Ta caayto ko mamasa'fit no tatiihay ato misawiay a sifana' kita.

Ifiso 4:24

Ca'dongen ko <>. Onini a fa^lohay a faloco' i, o milcaday to faco no Kawas a masanga', mapahapinang konini a so'lin to nika mo^cel ato nika korac no dmak.

Ifiso 6:13

Orasaka, ca'dongento ko nipaflian no Kawas a sapilood a riko'. Ta ano ira ko karawrawan a romi'ad i, pakalowid kamo a mico'ay. Ma^deng kamo a tomireng itira.

Kolosay 3:10

o mica'dongayto kamo to fa^lohay a faloco'. Onini a fa^lohay a faloco' i, o miringiay to misanga'ay a Kawas, masafa^loh a masafa^loh konini to sakasongila'aw namo a mafana' i Cingraan.

1 Tisalonika 5:8

Nikawrira, o no romi'ad a tamdaw kita saka, o nika sinanot ita ko nga'ay. O caca'dongen ita ko piti'er to Kawas ato olah a malasapatada i falohang. O romasato, o caca'dongen ita ko pafaloco'an a sapa'orip no Kawas a misakafong.

Hipray 7:25

Saka, pakafilo Cingra anini ato tahada'oc a misongila' a mipa'orip to miraoday to Kawas pakayni i Cingraan. Nawhani kala'orip han Ningra ko pipatado to tamdaw a mingitangit a mitolon to Kawas a tahada'oc.

Yakop 4:7

Orasaka, haklongen ko Kawas. Pacolien ko Palafoay, ta milaliw cinira i tamowanan.

1 Pitiro 5:8

Sinanoten ko faloco'. Kapalalto kamo. Nawhani matiya o miltohay a layon ko 'ada namo a Palafoay a misataliyoliyok a mikilim to mamata'mod nira a tamdaw.

Yuta 1:24

O dengan a Pa'oripay titaanan a Kawas ko ci'icelay a midipot tamowanan to saka^caaw ka tfad namo, ta caay ka ci'oning kamo. O ci'icelay Cingra a mipalasawad to raraw namo a mikrid tamowanan a patireng i ka'ayaw no ci'dilay a tireng Ningra a palipahak tamowanan. Nanay pakayni i Tapang ita ci Yis Kristoan a mapa'dil Cingra. Nanay kasnengan no tamdaw Cingra. Nanay ci'icel ko pikowan Ningra nani'ayaw no satapangan no hkal tahanini a tahada'oc. Amin.

Pa'arawan 12:9

Mafahkol i hkal koya tata'angay a kangic. O katlang a 'oner, o kakridan no Palafoay hananay, ano ^ca i, ci Satan han ciira. O misawiay ciira a pamoraraw to polong no tamdaw i hkal. Halocoyoh nira a mafahkol i hkal.

Pa'arawan 19:20

Mapalitto koya 'a'adopen atoya midmakay to kafahka'an a dmak i ka'ayaw noya 'a'adopen a kapot nira a mangah a pali'ayaway to sowal no Kawas. (Oya kafahka'an a dmak ko sapisawi ningra to citopaay to ngangan no 'a'adopen ato mita'ongay to faco noya 'a'adopen.) Palimangta' han koya tatosaay a mifahkol i miwarakay ko 'acfel a namanamalan.

Pa'arawan 2:24

<