Ifiso 6:10 - 阿美語聖經-新約附詩篇箴言

¹⁰ Saikoray a sapa'icel ako i, pakaynien namo i tadamaanay a 'icel no Tapang ko sakatanektek namo.

Ifiso 6:10 Iomraidhean Croise

'Olic 138:3

Yo mitahidang kako a milongoc i Tisowanan i, mipaca'of Kiso, pakaynien Iso i 'icel Iso ko pipa'icel i takowanan.

1 Korinto 16:13

Kapalal ko faloco' namo. Satanekteken ko piti'er namo to Tapang. Saki^melen, kacicdi.

2 Korinto 13:11

Saikoray a sowal ako konini. Salikakaaw, sa'icelen ko namo a malamasongila'ay a tamdaw. Layapen ko pipa'icel ako. Kalaccay ko faloco' namo, kararihaday kamo. Nanay mikapot i tamowanan ko ciolahay ato parihadayay a Kawas!

Ifiso 1:19

O romasato, nanay mafana' kamo to nika hakowa ko nika tadamaan no 'icel no tayal no Kawas i titaanan o paso'linay, onini i o nido^doan Ningra to tadamaanay a 'icel a mipakatayal.

Ifiso 3:16

Nanay o nano nika tadamaan no 'dil Ningra ato 'icel no Fangcalay 'Adingo ko sakaki^mel no faloco' namo.

Filipi 3:1

Salikakaaw ako, saikoray a sasowalen ako i tamowanan i, kalipahak kamo i nika laccay namo ato Tapang. Patilid kako to malcaday to nipatilidan ako i tamowanan i 'ayaw. Caay ka lifot kako, o sakaci^poc no dmak namo konini.

Filipi 4:13

Pakayni i 'icel ni Kristo o pa'icelay takowanan ko sakapakafilo ako a misi'ayaw to masamaamaanay a dmak.

Filipi 4:8

Salikakaaw, o saikorayto a sowal ako i, ano o sakalatamdamdaw, ano o kakahmekan no faloco' to so'linay a dmak, o fangcalay a dmak, o mo^celay a dmak, o makoracay a dmak, o kakaolahan a dmak, o tadamaanay a dmak i, o papakifaloco'en namo konini a ma^min.

Kolosay 1:11

Nanay pakayni i ma'dilay a 'icel no Kawas ko sakaci'icel, mapa'icel kamo to masamaamaanay a 'icel, ta ma^deng kamo a kodait a mihadidi to pades a ma^min. Ka o lipahakay a faloco' ko

2 Timoti 2:1

Wawaaw ako, pakaynien i nipainian ni Kristo Yis a mikomi, kaki^mel kiso.

2 Timoti 4:17

Nikawrira, mikapot ko Tapang i takowanan itiya a pa'icel. Orasaka, malahcito ako a misongila' a patnak a patngil ko sowal no Kawas i roma a finacadan a ma^min. Saka, mapa'orip kako a mapaliyas nai ngoyos no layon.

1 Pitiro 3:8

Saikoray a sowal ako i, palaccayen ko faloco' namo a masasipa'ayaw. Kasasiolah kamo o salikaka. Kasasini'ada'ada kamo. Kasasingodongodo ko faloco' namo.

1 Pitiro 4:11

O pakimaday a tamdaw i, ka o sowal no Kawas ko sasowalen. O matayalay a tamdaw i, ka o nipaflian no Kawas a 'icel ko sakatayal. Ta pakayni i ci Yis Kristoan a mapahmek ko Kawas i masamaamaanay a dmak. Nawhani o ci'dilay, o ci'icelay Cingra a tahada'oc! Amin.

1 Pitiro 5:10

I ikor no nika pades namo to pasamoay i, oya pafliay to polong no mikomi a Kawas, o mitahidangay a pakayni ci Kristo Yisan a malaccay a mida'oc a marihaked i ci'dilay a Kawas, o mamipalowad i tamowanan a pafli to 'icel ato tanoktokay a paranaan namo.

1 Yohani 2:14

Patilid kako i tamowanan o wawa. Nawhani o mafana'ay kamo ci Wamaan. Patilid kako i tamowanan o mama. Nawhani mafana' kamo toya iraay i 'ayaw no nika sanga' no hkal. Patilid kako i tamowanan o kapah. Nawhani ci'icelay kamo. O iraay i 'orip namo ko sowal no Kawas. Malowidayto namo ko Palafoay.