Ifiso 5:8 - 阿美語聖經-新約附詩篇箴言

⁸ I ti:yaho i, i to'manay kamo. Anini sato i, malamitoorayto kamo to Tapang saka, i ta^ngadayto kamo. Orasaka, samatiyaen o i ta^ngaday a tamdaw ko dmak namo.

Ifiso 5:8 Iomraidhean Croise

'Olic 74:20

Nanay haratengenho Iso ko katatlekan ita, nawhani matomes i to'manay a cani'iw no sra ko miforiforay.

Matay 3:8

Ano hatira i, pahapinangen i dmak namo ko nika sasiyor no faloco' namo a pasayni i Kawas.

Matay 4:16

O maro'ay i to'manay a finawlan i, paka'arawto to tadamaanay a likat. O maro'ay i lidong no patay a tamdamdaw i, mapa'dilto cangra,>> sanay.

Luka 1:79

O papa'dilen no Kawas kita o i to'manay ato mamapatay a tamdaw. O kakriden Ningra kita a patahira i rihadayay a lalan,>> saan.

Luka 16:8

<

Yohani 1:9

O so'linay a likat konini a sowal. O tayniay Cingra i hkal a pata^ngad to polong no tamdamdaw.

Yohani 12:35

Pasowal sa ci Yis i cangraan, <<^Cato ko hahalafin ko likat a pata^ngad i tamowanan. Yo iraho ko likat a pata^ngad i tamowanan i, kararid ko dmak namo. Ta caay ka takop no to'man kamo. Nawhani caay ka fana' ko romakatay i to'manay to nika o tatalacowa ko rakat ningra.

Yohani 12:36

Orasaka, yo iraho ko likat a pata^ngad i tamowanan i, paso'linen konini a pata^ngaday a likat, ta o i ta^ngaday ko dmak namo,>> han Ningra. Mahrek ci Yis a somowal tonini i, miliyas Cingra itira a milimek cangraan.

Yohani 12:46

O todong no likat ko tireng Ako a tayni i hkal. Ta caayto ka i to'manay ko paso'linay i Takowanan a tamdaw.

Yohani 8:12

Pasowal haca ci Yis i cangraan, <> han Ningra.

Dmak 17:30

To ha:tiniay i, satalifokil han no Kawas ko ka ^caho ka fana' no tamdaw. Nikawrira, anini sa i, papipasasiyoren Ningra ko faloco' no polong no i cowacowaay a tamdaw.

Dmak 26:18

O mamifohat kiso to mata nangra. O papasasiyoren iso cangra nai to'manay a pasayra i ta^ngaday. O papasasiyoren iso cangra nai sakowan ni Satan a pasayni i Kawas. Ta pakayni i nipiti'er nangra i Takowanan ko sakahpol no raraw nangra ato sakapikapot nangra to finawlan no Kawas saan.>

Loma 1:21

Talacowa mafana' cangra to pakayniay i Kawas nikawrira, o Kawas konini, caay ka saan cangra a mita'ong. Caay piahowid. Malaawaay ko ^poc no niharatengan nangra. Saka, o maapaay a faloco' nangra ko misato'manay i cangraan.

Loma 13:12

Moniharto ko dadaya. Mangatato a ta^ngad. Saka, falahen ko no to'manay a dmak. Ca'dongen ko sapilood a riko' a pasayra i ta^ngaday.

Loma 2:19

Tona o mafana'ay kako to Rikec a ma^min ato so'linay a dmak no Kawas saka, o mamikayat kako to mapohaway, o mamalalikat kako i to'manay,

1 Korinto 1:30

Nikawrira, o nano Kawas ko sakalaccay namo aci Yis Kristo. O nipatirengan no Kawas Cingra to malotaneng ita. Pakayni i Cingraan ko sakanga'ay ita a malayap no Kawas ato sakalafangcal ita ato sakatdal ita.

2 Korinto 3:18

Mafalah ko tapodo nai pising ita a ma^min. Saka, matiya o nipipatdi no dadingoan ko nipipatdi ita to 'dil no Tapang. Matdi a matdi a mafalic kita a miringi i Cingraan. Onini i, o nano tayal no todong no tireng no Tapang a Fangcalay 'Adingo.

2 Korinto 4:6

<> yasanay a Kawas ko patdiay i faloco' ita to sakafana' ita to nika tadamaan Ningra o Kawas. Mahapinang konini i pising ni Yis Kristo.

2 Korinto 6:14

Aka ka laccay ato caay paso'lin to Kawas a tamdaw a mica'dong to talo'odan. Nawhani caay ka nga'ay. Samaanen no nga'ayay ato tatiihay ko nika laccay hakiya? Samaanen no likat ato to'man ko nika laccay hakiya?

Kalatiya 5:25

O nano Fangcalay 'Adingo ko sakaci'orip ita. Saka, o tatooren ita ko pikrid no Fangcalay 'Adingo.

Ifiso 2:2

Mado^do namo itiya ko ngiros a pinangan nonini a hkal. Mihaklong kamo to kakridan no mikowanay tonini a hkal, oya mikowanay to pacoliay to limo'ot no Kawas a tamdamdaw a palafoay.

Ifiso 4:18

Nawhani to'man ko faloco' nangra. O nika fokil ato nika 'atkak no faloco' nangra ko saka^ca pikihar nangra to nipipafli no Kawas to 'orip cangraan.

Ifiso 5:2

Pahapinangen ko olah namo i masamaamaanay a dmak namo a matiya o nika olah ni Kristo i titaanan. Kinafalah Cingra to 'orip to saki titaanan a malafangsisay a sapacakat ato sapato'aya i Kawas.

Ifiso 6:12

Nawhani caay ko no tamdawan ko nipilood ita. O milooday kita to tatiihay, o awaay a ma'araw a palafoay i tahaf no hkal, o mikowanay ato cisakowanay tonini a to'manay a hkal ato i kakarayanay a masamaamaanay a kawakawas.

Kolosay 1:12

sapikansiya namo to Wama a Kawas, nawhani paroceken no Wama a Kawas kamo to sakanga'ay a mikapot to mitooray itira i ta^ngaday a sakowan a milayap to nitrekan Ningra a dafong.

Kolosay 1:13

Pa'oripen no Kawas kita a paliyas nai 'icel no to'manay a milinah a patayra i nikowanan no kakaolahan Ningra a Wawa.

Titus 3:3

Nawhani nano maapaay kita, o pacoliay, o moraraway, o koli no masamaamaanay a 'anof ato acang kita. Sahto o tatiihay, o mapodohay ato masasi'intelay ko pinangan ita a ma'orip i ti:yaho.

1 Yohani 1:7

Nikawrira, ano matiya o nika i likat no Kawas ko nika i ta^ngaday ko dmak ita i, o malaccayay kita. Ta o rmes no Wawa Ningra ci Yis ko mikoracay titaanan a mipalasawad to polong no raraw ita.