Ifiso 5:5 - 阿美語聖經-新約附詩篇箴言

⁵ Kafana' kamo, o ma'odangay a tamdaw ato kaackan ko dmak a tamdaw ato ma'anofay a tamdaw (o ma'anofay hananay i, o ccay no pita'ong to samiyay), o matiniay a tamdaw i, caacaayto ko ni Kristo ato no Kawas a Kitakit a finawlan cangra.

Ifiso 5:5 Iomraidhean Croise

Dmak 20:32

<

Dmak 8:21

Caay ko cacitodong kiso tonini a tayal niyam. Nawhani caay ka mo^cel ko faloco' iso i ka'ayaw no Kawas.

Kalatiya 5:19

Mahapinang ko 'anof no tireng ita, o ma'odangay o kaackan ato ma'amlasay a dmak,

Kalatiya 5:21

o mapodohay, o malasangay, o haliacangay to no hkal ato matiniay a romaroma a dmak. Mato nika palimo'ot ako i 'ayaw ko nika palimo'ot ako i tamowanan i matini. O matiniay ko dmak a tamdaw i, caay ko mamalafinawlan no Kitakit no Kawas.

Ifiso 5:3

O finawlan no Kawas kamo saka, caay ka nga'ay a masowal i tamowanan ko nika 'odang ato masamaamaanay a kaackan ato ma'anofay a dmak.

Kolosay 1:13

Pa'oripen no Kawas kita a paliyas nai 'icel no to'manay a milinah a patayra i nikowanan no kakaolahan Ningra a Wawa.

Kolosay 3:5

Orasaka, patayen ko nohkalan a tatiihay a dmak no tireng oya ma'odangay, kaackan a dmak, kasimelangan a dmak, o imah ato masamaamaanay a 'anof. (O 'anof i, o ccay no pita'ong to samiyay.)

1 Timoti 6:10

O lamit no masamaamaanay a tatiihay ko nika 'anof to payso. Onini ko sakapisawad no romaroma a tamdaw a miti'er ci Kristoan, ta mapades a mararom ko faloco' nangra to masamaamaanay.

1 Timoti 6:17

Palimo'oten ko cidafongay to no aniniay a hkal to saka^caaw pisatakaraw nangra ato saka^caaw ka pasayra no faloco' nangra i caay ko tatadi'ecen a dafong. Ka o nipitadi'ec nangra toya palmeday, pakadofahay, palipahakay titaanan a Kawas ko nga'ay.

Hipray 13:4

O a 'imeren no tamdaw a ma^min ko kararamod nangra. Sarocoden ko faloco' i ramod iso. Nawhani sawkiten no Kawas ko ma'odangay a tamdaw.

Pa'arawan 21:8

Nikawrira, o makoki'ay, o misiikoray to Kawas a tamdaw, o kasimelangan ko dmak, o mipatayay to tamdaw, o ma'odangay, o cikawasay, o mita'ongay to samiyay ato misamangahay ko sowal a tamdaw a ma^min i, o a itira cangra i miwarakay ko 'acfel a masafanaway a namanamalan. Itira cangra a mapatay to sakinatosa a patay.>>

Pa'arawan 22:15

Nikawrira, i papotal no niyaro' ko mato wacoay a kasimelangan ko dmak, o misatangkiay, o ma'odangay, o mipatayay to tamdaw, o mita'ongay to samiyay ato maolahay a misamangah a tamdaw a ma^min.