Ifiso 5:16 - 阿美語聖經-新約附詩篇箴言

¹⁶ Tatiih ko pinangan no aniniay a hkal, saka, kalimlaen ko kanga'ayan namo a romi'ad.

Ifiso 5:16 Iomraidhean Croise

'Olic 37:19

Ano kapadesanto nangra i, caay ka maan cangra, ano kakdalanto i, o mamafcol cangra.

Matay 25:17

Mahaen koya nipatorodan a tamdaw to tosa a talanto. Saka, ci^tan cingra to tosa a talanto.

Yohani 12:35

Pasowal sa ci Yis i cangraan, <<^Cato ko hahalafin ko likat a pata^ngad i tamowanan. Yo iraho ko likat a pata^ngad i tamowanan i, kararid ko dmak namo. Ta caay ka takop no to'man kamo. Nawhani caay ka fana' ko romakatay i to'manay to nika o tatalacowa ko rakat ningra.

Loma 13:11

O sakapihaen namo a mido^do i, mafana' kamo to nika masamaanto ko tatokian anini. Maraodayto i matini ko kapalalan namo nai foti'. Nawhani mingatato ko pipa'orip no Kawas i titaanan anini. Yo misatapangho kita a paso'lin i, miraayho itiya.

1 Korinto 7:26

Tona o kacalemceman ko dmak anini saka o harateng ako i, kaoyananto a 'orip noya tamdaw ko nga'ay saan kako.

Kalatiya 1:4

O sapa'oripaw ni Kristo a paliyas titaanan nai aniniay a tatiihay a hkal saka, do^do han Ningra ko nafaloco'an no Wama ita a Kawas a kinafalah to tireng to sakahpol no raraw ita.

Kalatiya 6:10

Orasaka, ano hacowato a romi'ad, ano ira ko kanga'ayan i, o nika rarid ita a midmak to sakalmed no tamdamdaw ko nga'ay. Ikakaen ita ko pihaen to paro no loma' no mitooray ci Kristoan.

Ifiso 6:13

Orasaka, ca'dongento ko nipaflian no Kawas a sapilood a riko'. Ta ano ira ko karawrawan a romi'ad i, pakalowid kamo a mico'ay. Ma^deng kamo a tomireng itira.

Ifiso 6:15

Ka o parihadayay a Nga'ayay Ratoh ko todong no cokap namo.

Kolosay 4:5

Kacitaneng kamo to malodadmaken namo to saki caay pitoor to Kawas a tamdaw, kalimlaen ko kanga'ayan namo a romi'ad.