Ifiso 5:10 - 阿美語聖經-新約附詩篇箴言

¹⁰ Orasaka, hapinangen ko nika o maan ko karahkeran no Tapang.

Ifiso 5:10 Iomraidhean Croise

'Olic 19:14

Tapangaw, o 'ongcoy ako, o pa'oripay takowanan. Nanay o karahkeran Iso a milayap ko sowal ako ato harateng ako.

Taneng 21:3

O pidmak to marayasay ato mo^celay a dmak i, ikaka no nika olah no Tapang a milayap to sapato'aya ko nika olah Ningra.

Loma 14:18

Ano mahaen ko nika tayal no tamdaw i ci Kristoan i, o kaolahan no Kawas, malakahmekan no tamdamdaw cingra.

Filipi 1:10

Ta mafana' kamo a mipili' a mido^do to sanga'ayay a dmak. Ta makorac kamo, awaay ko tatoro'en a raraw namo i piliyawan ni Kristo a tayni.

Filipi 4:18

Adihayto ko nipaflian namo i takowanan. Marnecto kako a milayap to nipataynian ni Ipafrotitus a sapafli namo. O ccay no fangsisay a sapacakat namo i Kawas konini, o kalipahakan, o karahkeran no Kawas a milayap.

Kolosay 1:10

Ta mado^do namo ko matatodongay i nafaloco'an no Tapang a dmak a mararid a palipahak i Cingraan. Ta nga'ay ko dmak namo a ma^min. Ta matongal a matongal ko nika fana' namo to Kawas.

1 Tisalonika 5:21

Hapinangen a mipalita ko masamaamaanay a dmak. Ka'imeren ko nga'ayay a dmak.

1 Timoti 2:3

O nga'ayay konini, o matatodongay i nafaloco'an no pa'oripay titaanan a Kawas.

1 Timoti 5:4

Nikawrira, ano ira ko wawa ano ^ca i, o wawa no wawa noya maponengay i, o papasifana'en cangra to malodmak no mitooray a midipot to paro no loma', ta mafana' cangra a patiko to pidipot no mama ato ina ano ^ca i, o pidipot no akong ato mamo nangra. Onini ko matatodongay i nafaloco'an no Kawas.

Hipray 12:28

O caay ko mamangernger a kitakit ko mamalokitakit ita. Orasaka, o kakansiyaen ita ko Kawas. Ka o matatodongay i nafaloco'an Ningra ko nipita'ong ita i Cingraan a mangodo.

1 Pitiro 2:20

Ano nika cirarawan namo ko sakapihadidi namo a masti' i, o maan ko katadamaanan namo saw? Nikawrira, ano pakayniay i nika nga'ay no dmak namo ko sakapihadidi namo to pades i, o papalmeden no Kawas kamo.

1 Pitiro 2:5

Kamo ko roma a matiya o ma'oripay a fokloh. Ka o malosapatireng kamo to no 'adingoan a pita'ongan. Ta malafangcalay a citodongay to ta'ong kamo a matayal itira. Ta pakaynien namo i ci Yis Kristoan ko nipipacakat namo to kaolahan no Kawas a caay ka 'araw a sapacakat.