Ifiso 5:1 - 阿美語聖經-新約附詩篇箴言

¹ Tona o kakaolahan no Kawas a wawa kamo saka, o tatodongen namo Cingra.

Ifiso 5:1 Iomraidhean Croise

Matay 5:45

Ta nga'ay malawawa no Wama namo i kakarayan kamo. Nawhani malcad ko nipipacidal Ningra to mari'angay ato nga'ayay a tamdaw. Pa'oraden Ningra ko nga'ayay a tamdaw ato tatiihay a tamdaw.

Matay 5:48

Haenen o nika songila' no Wama namo i kakarayan ko nika songila' namo.

Yohani 1:12

Nikawrira, o mihamhamay i Cingraan, oya paso'linay a miti'er i Cingraan a tamdamdaw i, mapafli Ningra cangra to sakacitodong a malawawa no Kawas.

Ifiso 4:32

Kasasini'ada'ada, kasasipa'ayaw kamo. Kasasihpol kamo to raraw a matiya o pihpol no Kawas to raraw namo pakayni ci Kristoan.

Filipi 2:15

Ta tingalaw ko faloco' namo, awaay ko raraw namo, o masongila'ay a wawa no Kawas kamo a mikapot to aniniay a tatiihay ko faloco' a ciraraway a tamdamdaw i tini i hkal. Kamatiya o fo'is kamo a matdi i tini i hkal

Kolosay 3:12

Maolah ko Kawas i tamowanan, pili'en Ningra kamo a malafinawlan Ningra. Saka, ka o adayayay, o sini'adaay, o misapo^neray, o damsayay, o kodaitay ko faloco' namo.

1 Yohani 4:11

Kaolahan ako a salikaka, hatiniay ko olah no Kawas i titaanan saka, o mamasasiolaolah aca kita.