Ifiso 4:3 - 阿美語聖經-新約附詩篇箴言

³ ka o rihadayay a faloco' namo ko sakakakafit namo, kararid a misa'icel a ma'imer to nipipalaccay no Fangcalay 'Adingo i tamowanan.

Ifiso 4:3 Iomraidhean Croise

Maroko 3:24

Ano macacoli a malacinowas ko paro no kitakit i, caay ko tatomireng koya kitakit.

Yohani 13:34

Orasaka, paikoren Ako kamo to fa^lohay a dado^doen namo a limo'ot. Kasasiolaolah kamo. Samatiyaen o nika olah Ako i tamowanan ko nika sasiolaolah namo.

1 Korinto 1:10

Salikakaaw, pakaynien ako i ngangan no Tapang ita ci Yis Kristo ko pilongoc i tamowanan to sakalaccayaw no sowal namo ato saka^caaw ka lacidecidek namo a masakapokapot. Palcaden ko faloco', palcaden ko harateng namo a masongila' a marikec.

2 Korinto 13:11

Saikoray a sowal ako konini. Salikakaaw, sa'icelen ko namo a malamasongila'ay a tamdaw. Layapen ko pipa'icel ako. Kalaccay ko faloco' namo, kararihaday kamo. Nanay mikapot i tamowanan ko ciolahay ato parihadayay a Kawas!

Ifiso 4:13

Ta malaccay kita a miti'er a mafana' to Wawa no Kawas. Ta mato'as ko faloco' ita a matiya o nika songila' ni Kristo.

Ifiso 4:4

Nawhani ccay ko tireng, ccay ko Fangcalay 'Adingo, ccay ko patosokan no pitahidang no Kawas tamowanan a pafaloco'.

1 Tisalonika 5:13

Tona o matayalay cangra saka, kangodoen cangra. Kaolahen cangra. Kararihaday kamo.

Hipray 12:14

Sa'icelen ko sakararihaday ato polong no tamdaw. Sa'icelen ko sakafangcal no dmak namo. Ano caay ka fangcal i, caay ko papaka'araw kamo to Tapang.