Ifiso 4:25 - 阿美語聖經-新約附詩篇箴言

²⁵ Orasaka, akato pisamangah a somowal. Ka o so'linay a sowal ko sakalalicalicay namo a ma^min. Nawhani o todong no ca'ang no tireng ni Kristo kita a ma^min.

Ifiso 4:25 Iomraidhean Croise

'Olic 119:29

Nanay caay papido^doen Iso kako to awaay ko ^poc a lalan, kasida'itenho kako a pakafana' to rikec Iso.

'Olic 15:2

Oya mo^celay ko dmak, o mihaklongay to Kawas a tamdaw. O so'linay ko sowal ningra,

'Olic 52:3

Maolah kiso to tatiihay, ma'osi kiso to nga'ayay, maolah kiso a misamangah, caay ka olah kiso to so'linay.

Taneng 12:17

O so'linay a sowal i, o pahapinangay to mo^celay a dmak, o misamangahay a pawacay i, o miri'angay to awaay ko raraw a tamdaw.

Taneng 12:19

O misamangahay ko sma a tamdaw i, ccay a mlet ko 'orip ningra, o so'linay ko filfil a tamdaw i, mida'oc ko 'orip ningra.

Taneng 12:22

O ka'intelan no Tapang ko misamangahay a ngoyos, o kalipahakan Ningra ko so'linay a mido^do to sowal.

Taneng 21:6

O caay ka mo^cel a mialaan a dafong i, matiya o mita'lifay a to'em, o sakapatay no tamdaw a matkop.

Taneng 24:28

Aka paci^ci a mipawacay a miri'ang to fiyaw iso, aka pisafana' to tamdaw.

Taneng 8:7

O so'linay ko sowal ako, ma'osi kako to mangah a sowal.

Yohani 8:44

O Palafoay ko mama namo. Sapido^doan kamo to 'anof no mama namo. O mipatayay to tamdaw ciira nai satapangan, o miliyangay ciira to so'linay a sowal nawhani awaay i ciiraan ko so'linay a dmak. O pinangan nira ko nipisamangah a somowal. Nawhani o misamangahay ciira, o tatapangan no mangah ciira.

Loma 12:5

Malcad tonini kita. Talacowa 'aloman kita, nikawrira, madadama ko kahaccaccay ita o ca'ang. Pakayni i nika laccay ita aci Kristo a malaccayto ko tatirengan ita.

1 Korinto 10:17

Tona mapolong kita a ma^min a komaen to ccay a 'aplad no ^pang saka, ano 'alomaloman kita a komaen i, o ccayay a 'aplad a ^pang ko nikaenan ita saka, o ccayay a tatirengan kita.

2 Korinto 7:14

Pasneng kako a pasowal i ci Titusan to pakayniay tamowanan. Caay pakangodo kamo takowanan. Mato nika so'lin no nika somowal niyam i tamowanan ko nika so'lin no nipipasneng niyam ci Titusan.

Ifiso 4:15

O romasato, ka o nano olah no faloco' ita ko sakaso'lin no sowal, ta malahad a malahad ko faloco' a miringi ci Kristoan i masamaamaanay a dmak. Nawhani o Tapang no sa'opo no mitooray Cingra.

Ifiso 4:22

Orasaka, hlongen ko mipoheday to 'orip namo a <>. Onini a katlangay a faloco' i, o nano masawiay no 'anof no tireng a malamaponi'ayto.

Ifiso 4:31

Sawaden ko masamaamaanay a tlii ato makteray ato mafirangay a faloco' namo. Aka to piliyaw a micacli', aka to piliyaw a milalokes, aka to piliyaw a ira ko masamaamaanay a 'intel.

Ifiso 5:30

Nawhani o ca'ang no tireng ni Kristo kita.

Kolosay 3:8

Nikawrira, anini sato i, o lalafolafoten aca namo konini a dmak, aka to piliyaw a mafirang, a makter ato mi'intel. Aka somowal to milokesay ato kasimelangan a sowal.

Kolosay 3:9

Aka ka sasisamangah kamo, nawhani mahlongto namo a mifalah ko katlangay a faloco' ato dmak nonini,

1 Timoti 1:10

o ma'odangay, o ma'otitay, o mirpetay a misimed to tamdaw, o misamangahay a somowal, o pacfaay a pawacay ato miliyangay to so'linay a sifana' ko sakaira no rikec.

1 Timoti 4:2

Mapatnak no misa'fitay ko matiniay a sifana' saka, matiyato o macedetay no fa^detay a marad ko nga'ayay a faloco' nangra.

Titus 1:12

Sowal sa ko ccay a pali'ayaway to sowal a Kriti ito a tamdaw. <> saan.

Titus 1:2

Onini a so'lin i, o kacipinangan a kacifaloco'an ita to mida'ocay a 'orip. Saka, ira konini a sifana'. O nano nisowalan no caay pisamangah a Kawas i 'ayaw no satapangan no hkal konini a mida'ocay a 'orip.

Hipray 12:1

Hatini ko nika 'aloman no pawacayay to dmak no Kawas a tamdaw a milikot i titaanan. Orasaka, falahen ita ko kartengay a 'inorong a ma^min ato mifedfeday titaanan a raraw. Lahcien ita a comikay ko cacikayen ita.

Yakop 1:21

Orasaka, falahen ko kaackan a pinangan ato tatiihay a dmak a ma^min. Ka o misapo^neray ko faloco' namo a milayap to nipalomaan no Kawas i faloco' namo a sowal Ningra. Nawhani pakapa'oripay tamowanan konini a sowal.

1 Pitiro 2:1

Orasaka, falahen ko tatiihay a dmak a ma^min. Aka pisafana' a somowal. Aka pisamangah. Aka ka 'inap. Aka pitongangan.

Pa'arawan 21:8

Nikawrira, o makoki'ay, o misiikoray to Kawas a tamdaw, o kasimelangan ko dmak, o mipatayay to tamdaw, o ma'odangay, o cikawasay, o mita'ongay to samiyay ato misamangahay ko sowal a tamdaw a ma^min i, o a itira cangra i miwarakay ko 'acfel a masafanaway a namanamalan. Itira cangra a mapatay to sakinatosa a patay.>>

Pa'arawan 22:15

Nikawrira, i papotal no niyaro' ko mato wacoay a kasimelangan ko dmak, o misatangkiay, o ma'odangay, o mipatayay to tamdaw, o mita'ongay to samiyay ato maolahay a misamangah a tamdaw a ma^min.