Ifiso 4:18 - 阿美語聖經-新約附詩篇箴言

¹⁸ Nawhani to'man ko faloco' nangra. O nika fokil ato nika 'atkak no faloco' nangra ko saka^ca pikihar nangra to nipipafli no Kawas to 'orip cangraan.

Ifiso 4:18 Iomraidhean Croise

'Olic 74:20

Nanay haratengenho Iso ko katatlekan ita, nawhani matomes i to'manay a cani'iw no sra ko miforiforay.

Matay 13:15

Nawhani foteken nonini a finawlan ko mata nangra. Do'engen nangra ko tangila nangra. Maorat ko faloco' nangra. Ano ^ca ka haen i, latek paka'araw ko mata nangra. Latek pakatngil ko tangila nangra. Latek mafana' ko faloco' nangra a pasasiyor a pasayni i Takowanan, ta maadah Ako cangra,> sanay.

Maroko 3:5

Makter ci Yis a minengneng to i taliyokay a tamdaw. Mararom Cingra to nika 'atkak no faloco' nangra. Saka, <> han ni Yis koya mapikingay ko kamay a tamdaw. Fiyac han ningra ko kamay ningra i, tatiko sato a manga'ay ko kamay ningra.

Dmak 17:30

To ha:tiniay i, satalifokil han no Kawas ko ka ^caho ka fana' no tamdaw. Nikawrira, anini sa i, papipasasiyoren Ningra ko faloco' no polong no i cowacowaay a tamdaw.

Dmak 3:17

<

Loma 1:28

Caay ka ngalay cangra to sakafana'aw to Kawas. Saka, pakonira hanto no Kawas ko nipitoor nangra to kaackan a faloco' nangra a midmak to caay ko dadmaken.

Loma 11:25

Salikakaaw, nanay mafana' kamo to pakakmoday a so'linay, ta caay pisamafanafana'ay kamo. Onini a so'lin i, caay ka ^min a 'atkak ko faloco' no Israil a tamdaw, deng tahira i pitalaan to ka^minan no roma a finacadan a pasayni i Kawas.

Loma 11:7

Ano hatira i, mafana'to kita. Caay pakaala ko Israil to nilongocan nangra. Deng o nipili'an no Kawas a caay ka papina a tamdaw ko pakaalaay. Caay pitngil ko romaroma a tamdaw to pitahidang no Kawas.

Loma 2:19

Tona o mafana'ay kako to Rikec a ma^min ato so'linay a dmak no Kawas saka, o mamikayat kako to mapohaway, o mamalalikat kako i to'manay,

1 Korinto 1:21

O nano taneng no Kawas ko saka^ca ka fana' no tamdamdaw to Kawas pakayni i taneng nangra. Orasaka, pakaynien no Kawas i maapaay a sowal hananay no mamatkop a tamdaw ko pipa'orip to miti'eray i ci Kristoan.

1 Korinto 2:8

Awaay ko ccaccay aca a mikowanay tonini a hkal to mafana'ay tonini a taneng. Ano mafana'ay cangra i, kona caay pipacek cangra i ciwcika to tadamaanay a Tapang.

2 Korinto 3:14

Nikawrira, caay ka fohat ko faloco' no Israil a tamdaw itiya. Yo miasip to katlangay a katatlekan a cudad cangra i, tahanini a matahpoho no tapodo ko faloco' nangra. Nawhani deng pakayni i nika laccay no tamdaw aci Kristo itiya a mafohat koya tapodo.

2 Korinto 4:4

Caay paso'lin cangra to Kawas, nawhani pohawen no kawakawas nonini a hkal ko faloco' nangra. Onini i, o saka^caaw paka'araw nangra to nipipatdi no Nga'ayay Ratoh i faloco' nangra to 'dil ni Kristo, o todong no faco no Kawas.

Kalatiya 4:8

Yo caho ka fana' kamo to Kawas i ti:yaho i, malakoli no caay ko so'linay a kawakawas.

Ifiso 2:1

I tiyaho i, o mapatayay kamo to no 'adingoan to nika ciraraw ato nipipacoli namo to limo'ot no Kawas.

Ifiso 2:12

Itiya i, awaay ko kihar namo ci Kristoan, masapapotalay no nipili'an no Kawas a finawlan kamo. Ano pakaynien i katatlekan ato niktonan no Kawas a sowal i, caay ka sa'osi kamo, awaay ko pafaloco'an i hkal, awaay ko Kawas.

Kolosay 1:21

I ti:yaho i, maliyasay namo ko Kawas. O tatiihay a dmak ato harateng namo ko sapisa'ada namo to Kawas.

1 Tisalonika 4:5

Aka ka matiya o mafokilay to Kawas a roma a finacadan a pakonira to 'anof no tireng a miolatek a mikalona.

Hipray 5:2

Adihayay ko tadanca no tireng no sakakaay a citodongay to ta'ong, saka, damsay ko faloco' ningra a pa'ayaw to mafokilay ato moraraway a tamdaw.

Hipray 9:7

Nikawrira, deng o sakakaay a citodongay to ta'ong ko mamicomod toya Talo'an i aikoray no sapala'ed a kiradom a rawang. Ccay a mihca kinaccay aca cingra a micomod. Ano micomod cingra i, alaen ningra ko rmes a pacakat i Kawas to sakahpol no raraw no tireng ato sakahpol no kapatlacan no finawlan a raraw.

Yakop 4:4

Kamo o caay ka so'lin ko faloco' a mitoor to Kawas a tamdaw, caay ka fana' kamo saw? O misa'adaay to Kawas ko misawidangay to hkal. Ano sapisawidangan ko tamdaw to hkal i, o pala'adaay to tireng ningra i Kawas.

1 Pitiro 1:14

Ka o mitngilay to sowal kamo. Akato pihaklong to masamaamaanay a 'anof namo a matiya o dmak namo yo mafokilho kamo to Kawas.

1 Yohani 2:11

Nikawrira, o mi'intelay to salikaka a tamdaw i, o i to'manay cingra. O romakatay i to'manay cingra. Saka, caay ka fana' cingra to nika o tatalacowa ko rakat ningra. Nawhani mapohaw no to'man ko mata ningra.