Ifiso 4:16 - 阿美語聖經-新約附詩篇箴言

¹⁶ O mamitadi'ec i Cingraan ko polong ko tireng, pakayni i ci Kristoan ko sakakakafit no kasapokopokoh no tireng a madadamadama. Ano hatira, yo mapakatayal ko kahaccaccay a ca'ang no tireng i, o lalomahad a tanektek ko tireng i kasasiolaolah a mapatireng.

Ifiso 4:16 Iomraidhean Croise

Yohani 15:5

<

Loma 12:4

Adihay ko ca'ang i ccay a tatirengan no tamdaw. Nikawrira, caay ka lcad ko tayal noya ca'ang a ma^min.

1 Korinto 10:17

Tona mapolong kita a ma^min a komaen to ccay a 'aplad no ^pang saka, ano 'alomaloman kita a komaen i, o ccayay a 'aplad a ^pang ko nikaenan ita saka, o ccayay a tatirengan kita.

1 Korinto 13:13

Nikawrira, o mararid a ira ko piti'er, ato pafaloco'an ato olah. Onini a tolo i, o olah ko satadamaanay.

1 Korinto 8:1

O licay namo i takowanan to pakayniay i nipacakatan i samiyay a kakaenen i, so'linay koya sowal to <> sanay. Nikawrira, malasakapisatakaraw no faloco' no tamdaw ko nika fana'. Nawhani, deng o olah ko palatamdamdaway to tamdaw.

Kalatiya 5:22

Nikawrira, o hci no nipikrid no Fangcalay 'Adingo i, o olah, o lipahak, o rihaday, o kodait, o sini'ada, o nga'ayay, o so'linay a faloco',

Kalatiya 5:6

Nawhani, yo malaccay kita i 'orip ni Kristo Yis i, caay ko kalimlaan ko nika krit ato nika ^ca ka krit, deng o nano pilahci ita to olah a mahapinangay a nipiti'er ko kakalimlaan.

Ifiso 1:4

I 'ayaw no nika sanga' no hkal i, mahrekto ko Kawas a mipili' titaanan to sapalaccayaw titaanan aci Kristo a palano Ningra. Ta makorac kita, ta awaay ko tatoro'en Ningra a raraw ita.

Ifiso 3:17

Nanay pakayni i piti'er namo ko sakamaro' ni Kristo i faloco' namo. Nanay o olah Ningra ko palamitan ato katanektekan no faloco' namo.

Ifiso 3:7

O nano micidekay a rocek no Kawas ko saka malakoli kako to no Nga'ayay Ratoh, onini i pakaynien Ningra i dmak no tadamaanay a 'icel ko pipafli i takowanan.

Ifiso 4:12

O sakapihaen no Kawas i, o pipatala to finawlan no Kawas a matayal to saki Cingraan, patireng to kiwkay, o tireng ni Kristo.

Ifiso 4:15

O romasato, ka o nano olah no faloco' ita ko sakaso'lin no sowal, ta malahad a malahad ko faloco' a miringi ci Kristoan i masamaamaanay a dmak. Nawhani o Tapang no sa'opo no mitooray Cingra.

Filipi 1:9

Mitolon kako to saki tamowanan. Nanay malcad to nika so'lin no nika fana' namo ato nika fana' namo a mipalita ko nika lomahad no olah namo.

Kolosay 2:19

Caayto pikafit cingra i ci Kristoan o Tapang no sa'opo no mitooray. Pakayni i ci Kristoan ko sakakakafit no kasapokopokoh no tireng a ma^min a madipot, ta mapalahad no Kawas konini.

Kolosay 2:2

O sakasaan ako i, o sapa'icelaw ako to faloco' namo, ta malaccay ko faloco' namo a masasiolaolah, ta tanektek ko faloco' namo to nano nika so'lin no nika fana' namo, ta mafana' kamo to pakakmoday a dmak no Kawas. Ci Kristo ko nisowalan tonini a pakakmoday a dmak.

1 Tisalonika 1:3

nawhani maharateng niyam i ka'ayaw no Wama a Kawas ita ko pipatalahkal namo i dmak to piti'er namo i Kawas ato nika roray namo a matayal to nano olah namo ato nika tanektek no kacifaloco'an namo to Tapang ci Yis Kristoan.

1 Tisalonika 2:13

Yo patnak kami to sowal no Kawas i tamowanan i, mitngil kamo, paso'lin kamo. O sowal no Kawas konini, caay ko no tamdaw saan kamo. So'linay konini. O Kawas ko matayalay i tamowanan o paso'linay. Onini ko roma a sakararid niyam a mikansiya i Kawas.

1 Tisalonika 3:12

Nanay, mapa'icel no Tapang, kamo ta matiya o nika olah niyam i tamowanan ko nika tongal no kasasiolaolah namo ato olah namo to tamdamdaw.

2 Tisalonika 1:3

Salikakaaw, tona matongal ko piti'er namo i Kawas ato nika sasiolaolah namo a ma^min saka, o papararid kami a mikansiya i Kawas to pakayniay i tamowanan. O matatodongay ko pihaen niyam.

1 Timoti 1:5

O patosokan nonini a limo'ot i, o pipalowad to so'linay a olah, o nai tingalaway a faloco' ato makoracay a nga'ay a faloco' ato so'linay a piti'er ci Kristoan a masadak konini.

1 Pitiro 1:22

Anini sato, tona mihaklong kamo to so'lin, o makoracayto namo kamo, ta o malkakaayto kamo ato romaroma a mitooray, kao nai faloco'ay namo a masasiolaolah.

1 Yohani 4:16

Mafana' kita, o paso'linay kita to nika olah no Kawas i titaanan. O olah ko Kawas. Saka, o kala'orip sanay to olah a tamdaw i, ira ko 'orip no Kawas i cingraan, ira haca i cingraan ko 'orip no Kawas.