Ifiso 4:14 - 阿美語聖經-新約附詩篇箴言

¹⁴ Ta caayto ko mamatiya o ka^mangay kita a mangiyangi ko faloco' a mafalic a matiya o mapawpaway no taplik ato nai cowacowaay a fali. Ta caayto ko mamasa'fit no tatiihay ato misawiay a sifana' kita.

Ifiso 4:14 Iomraidhean Croise

'Olic 10:9

Matiya o pisa'imer no layon i smosmotan a mitala ko pitala ningra a mirpet to pakosiya a tamdaw, tiloen ningra a mirpet koya tamdaw.

'Olic 59:3

Nengnengen, misa'imer cangra to sapikari'angaw i takowanan, masakapot ko miforiforay a tamdaw a pacoli i takowanan, caay ko nano patlac ako konini, caay haca ko nano pidmak ako to maan a tatiihay a dmak.

Matay 11:7

Yo miliyasto ko nisawawaan ni Yohani i, pasowal sato ci Yis i finawlan to pakayniay ci Yohanian. Sowal sa, <

Matay 24:11

O aira ko 'alomanay a mangah a pali'ayaway to sowal no Kawas a misa'fit to 'alomanay a tamdaw.

Matay 24:24

Nawhani o aira ko mangah a Kristo ato mangah a pali'ayaway to sowal no Kawas. Ano mama^deng i, sa'fitaw ako ko nipili'an no Kawas a finawlan, saan cangra. Saka, midmak cangra to tadakafahka'an a dmak a patiri'.

Dmak 23:21

Nanay aka haydaen iso ko pingitangit nangra. Nawhani cisafaw ko spat a polo' no tamdaw to misitalaay ci Pawloan. Ano caho ka patay ita ci Pawlo i, caay ko kakomaen, caay ko maminanom kita, saan ko pikton nangra to faloco'. Mahrekto cangra a mipatala i matini. Dengto o nipitala to pihai iso,>> han ningra.

1 Korinto 12:2

Mato nika fana' namo yo caho pitoor kamo to Tapang i, i tini i masamaamaanay a dmak a makayhid kamo a papita'ong to caay ka 'orip a samiyay.

1 Korinto 14:20

Salikakaaw, aka ka matiya o ka^mangay ko harateng namo. Ka'ikes ko faloco' namo. Nikawrira, o pakayniay i tatiihay a dmak i, kamatiya o ka^mangay ko faloco' namo.

1 Korinto 3:19

Nawhani o taneng hananay no aniniay a tamdaw i, o maapaay a nengnengen no Kawas. Mahaen ko sowal a matilid i Fangcalay Cudad, <> saan.

2 Korinto 2:17

Caay ka matiya o 'alomanay a tamdaw kami a patdo sa a pasowal to sowal no Kawas. Nawhani o niocoran no Kawas kami. Saka, so'linay ko sowal niyam i ka'ayaw no Kawas a matayal to ni Kristo.

2 Korinto 4:2

Liyasen niyam ko milimekay a kangodoan a dmak, caay pisa'fit, caay pi'akong kami to sowal no Kawas. Matapal no Kawas ko pipatalahkal niyam to so'lin, pakaynien niyam i nga'ayay a pinangan ko sapalowad to nga'ayay a faloco' no kahaccaccay a tamdaw.

Kalatiya 3:1

Aya: kamo o maapaay a Kalatiya a tamdaw! Cima ko pamoraraway tamowanan saw? Mapahapinangto i tamowanan ko nika pacek ni Yis Kristo i ciwcika.

Ifiso 6:11

Ca'dongen a ma^min ko nipaflian no Kawas a sapilood a riko' to sakaki^mel namo a misi'ayaw to safana' no Palafoay.

1 Timoti 3:6

Aka ka o fa^lohayho a mitooray a tamdaw ko mamalakakridan no kiwkay. Nawhani latek misatakaraw cingra to faloco' a matiya o Palafoay a matfad i raraw a matfoc.

2 Timoti 1:15

Mafana' kiso to nipiliyas no i Aciyaay a tamdamdaw takowanan. Halo ci Fikilus aci Hermokinis a miliyas.

2 Timoti 3:13

Oya tatiihay a tamdaw ato misa'fitay a tamdaw i, tatiih a tatiih cangra. O mamisa'fit cangra to tao. O mamasa'fit no tao cangra.

2 Timoti 4:3

O mamaraodto ko romi'ad to kana'ayan no tamdaw a mitngil to so'linay a sifana'. O tatooren nangra ko niharatengan nangra a mitahidang to singsingsi to matatodongay a tngilen nangra ko sifana'.

Hipray 13:9

Aka ka safana' no masamaamaanay a roma a sifana' kamo. Sa'icelen a miti'er ko mikomi no Kawas a patanektek to faloco' namo. Aka piti'er to lkakawa no pakayniay i kakaenen. Awaay ko ^poc no nipido^do no tamdaw to lkakawa to pakayniay i kakaenen.

Yakop 1:6

Nikawrira, aka ka cihinapec to mamamamang aca. Paso'lin han ko Kawas a milongoc. Nawhani matiya o nifiyokan no fali a taplik no riyar a maconacon ko hinapecay a tamdaw.

Yakop 3:4

Haratengen ko lonan. Wata: ko nika tata'ang no tireng nira. Ano mackrokroh no tata'angay a fali i, ma^deng a masiwar no mamangay a sawihawih a papihaklong to faloco' no miwihawihay a tamdaw.

2 Pitiro 2:18

Pasneng cangra a pasowal to awaay ko ^poc a sowal. Pakaynien nangra i 'anof ato ma'otitay a dmak ko nipisawi nangra toya liyas sanayho to moraraway ko dmak a tamdaw.

1 Yohani 2:19

O caacaay aca ka o kapot niyam konini a tamdaw. Saka, miliyas cangra i tamiyanan. Ano o kapot niyam cangra i, kona mararid cangra a mikapot i tamiyanan. O piliyas nangra i, o pahapinangay to nika caay ko so'linay a kapot niyam cangra.

1 Yohani 2:26

O patiliday kako i tamowanan to pakayniay i sapisawiananay tamowanan a tamdaw.

1 Yohani 4:1

Kaolahan ako a salikaka, aka patdo a paso'lin toya, o maaro'ay no Fangcalay 'Adingo kako, ya sanay. Hapinangenho a mipalita ko nika o nai Kawasay hakiya? Caay hakiya? Nawhani 'aloman ko mangah a pali'ayaway to sowal no Kawas a masadak a talacowacowa.

Yuta 1:12

O mipa'oningay, o mipakangodoay, o macoosay ko nipikapot nangra to kapolongan namo a tahka. Deng o saki tireng aca nangra ko niharatengan nangra a komaen a pafcol. Matiya o caay ko saka'oradananay a maiyofay no fali a to'em cangra. Matiya o awaay ko hci a kilang to kafarawfawan oya halolamitay a mafa'not a ma'icangay a kilang cangra.

Pa'arawan 19:20

Mapalitto koya 'a'adopen atoya midmakay to kafahka'an a dmak i ka'ayaw noya 'a'adopen a kapot nira a mangah a pali'ayaway to sowal no Kawas. (Oya kafahka'an a dmak ko sapisawi ningra to citopaay to ngangan no 'a'adopen ato mita'ongay to faco noya 'a'adopen.) Palimangta' han koya tatosaay a mifahkol i miwarakay ko 'acfel a namanamalan.