Ifiso 4:13 - 阿美語聖經-新約附詩篇箴言

¹³ Ta malaccay kita a miti'er a mafana' to Wawa no Kawas. Ta mato'as ko faloco' ita a matiya o nika songila' ni Kristo.

Ifiso 4:13 Iomraidhean Croise

Matay 11:27

Sowal sato Cingra, <

Yohani 1:16

Nai laloma' no kadofah Ningra, milayapay to kita to mikomi, ta mapalmed a mapalmed haca kita.

Yohani 16:3

O sakamatini no dmak nangra i, o nika fokil nangra to Wama ato nika fokil nangra i Takowanan.

Yohani 17:21

Wamaaw, nanay matiya o nika laccay Ita ko nika laccay nangra. O romasato, nanay malaccay Kita ato cangra. Ta pakayni tonini ko sakapaso'lin no tamdamdaw to nika o niocoran no Miso Kako.

Yohani 17:3

Pakayni i nika fana' no tamdaw i Tisowanan o dengan a so'linay a Kawas ato nika fana' nangra ci Yis Kristoan o niocoran Iso ko saka ci 'orip nangra to mida'ocay.

Yohani 6:69

O paso'linay kami, o mafana'ay kami to nika o Fangcalay a niocoran no Kawas Kiso,>> han ningra.

Dmak 4:32

Malaccay ko faloco' no paso'linay ci Kristoan a tamdamdaw. Awaay ko misatkeday nangra to dafong no tireng. Sakapolongan han nangra ko dafong nangra a ma^min.

1 Korinto 1:10

Salikakaaw, pakaynien ako i ngangan no Tapang ita ci Yis Kristo ko pilongoc i tamowanan to sakalaccayaw no sowal namo ato saka^caaw ka lacidecidek namo a masakapokapot. Palcaden ko faloco', palcaden ko harateng namo a masongila' a marikec.

1 Korinto 14:20

Salikakaaw, aka ka matiya o ka^mangay ko harateng namo. Ka'ikes ko faloco' namo. Nikawrira, o pakayniay i tatiihay a dmak i, kamatiya o ka^mangay ko faloco' namo.

1 Korinto 2:6

Nikawrira, i tini i mato'asay ko faloco' a mitoor ci Kristoan a tamdaw i, o no taneng a sowal ko sapasowal ako. Nikawrira, caay ko nonini a hkal a taneng ato taneng no mamalahdaw a mikowanay tonini a hkal ko sasowalen ako.

2 Korinto 4:6

<> yasanay a Kawas ko patdiay i faloco' ita to sakafana' ita to nika tadamaan Ningra o Kawas. Mahapinang konini i pising ni Yis Kristo.

Kalatiya 4:19

Wawaaw ako, miliyaw haca kako a matiya o ma'at'atay a misemsem tangasa i kasafacoan ni Kristo i faloco' namo.

Ifiso 1:17

Nanay mapafli no tadamaanay a Wama a Kawas no Tapang ita ci Yis Kristo kamo to Fangcalay 'Adingo. Onini a Fangcalay 'Adingo i, o pafliay to sakacitaneng namo, o pahapinangay to sakafana' namo to Kawas.

Ifiso 1:23

O tireng ni Kristo ko kiwkay, o matomesay i tahaf no kakarayan ato kalomaamaan a Kristo ko mitomesay tonini a sa'opo.

Ifiso 2:15

Palasawaden Ningra ko limo'ot ato lkakawa no Rikec no Yutaya a tamdaw, onini i, pakaynien i 'orip Ningra a malaccay ko tosaay a finacadan a malafa^lohay a tamdaw, ta malarihaday.

Ifiso 4:12

O sakapihaen no Kawas i, o pipatala to finawlan no Kawas a matayal to saki Cingraan, patireng to kiwkay, o tireng ni Kristo.

Ifiso 4:3

ka o rihadayay a faloco' namo ko sakakakafit namo, kararid a misa'icel a ma'imer to nipipalaccay no Fangcalay 'Adingo i tamowanan.

Ifiso 4:5

Ccay ko Tapang, ccay ko piti'eran, ccay ko pipaino'.

Filipi 3:10

O sakasaan ako i, nanay mafana' kako ci Kristoan. Nanay malifet ako ko 'icel no nika lomowad Ningra a ma'orip nai patay. Nanay mikapot kako to pades ni Kristo a milcad to faloco' Ningra a mapatay.

Filipi 3:8

Caay ka orira a ccay. O kakalimlaan ako a ma^min i, malomaanho saan ko harateng ako. Nawhani o nika fana' ako to Tapang ako ci Yis Kristoan ko satadamaanay saan kako. O nano olah ako ci Kristoan, saka, falah hanto ako konini a ma^min. O lakaw konini saan ko harateng ako. Onini i, nga'ay marpet ako ci Kristo.

Kolosay 1:28

Saka, mipatnak kami i kahaccaccay a tamdaw to pakayniay ci Kristoan. Pakaynien niyam i taneng ko pipalimo'ot a pasifana' cangraan. Ta pakayni i nika laccay noya tamdaw aci Kristo a mato'as ko faloco' ningra ta makrid niyam cingra a patangasa i ka'ayaw no Kawas.

Kolosay 2:2

O sakasaan ako i, o sapa'icelaw ako to faloco' namo, ta malaccay ko faloco' namo a masasiolaolah, ta tanektek ko faloco' namo to nano nika so'lin no nika fana' namo, ta mafana' kamo to pakakmoday a dmak no Kawas. Ci Kristo ko nisowalan tonini a pakakmoday a dmak.

Hipray 5:14

O 'atkakay a kakaenen i, o kakaenen no mato'asay, oya mafana'ayto a mihapinang to nga'ayay ato tatiihay a matanengayto a tamdaw.

2 Pitiro 1:4

Pakayni tonini a 'dil ato nika tadamaan Ningra a mapafli i titaanan ko tadamaanay a nisowalan Ningra a sapalmed. Ta pakayni tonini a maliyas namo ko mitkopay to tamdaw a 'anof i tini i hkal. Ta milcad kamo to pinangan no Kawas.

2 Pitiro 3:18

Ka o mikomi no Tapang ita a Pa'oripay ci Yis Kristo ato nika fana' namo i Cingraan ko sakato'as no faloco' namo a mararid. Nanay, nai anini a tahada'oc a mapa'dil Cingra! Amin.

1 Yohani 5:20

Mafana' kita, tayniayto ko Wawa no Kawas. Mapaflito Ningra kita to sakafana' to so'linay a Kawas. Saka, o malaccayay kita atoya so'linay a Kawas. O malaccayay kita ato Wawa Ningra ci Yis Kristo. O so'linay a Kawas, o mida'ocay a 'orip Cingra.