Ifiso 4:12 - 阿美語聖經-新約附詩篇箴言

¹² O sakapihaen no Kawas i, o pipatala to finawlan no Kawas a matayal to saki Cingraan, patireng to kiwkay, o tireng ni Kristo.

Ifiso 4:12 Iomraidhean Croise

Luka 22:32

Nikawrira, mitolon Kako to saki tisowanan to saka^caaw ka lasawad no piti'er iso to Kawas. Saka, ano pasasiyorto ko faloco' iso i, o papa'icelen iso ko faloco' no salikaka iso,>> han ni Yis.

Dmak 1:17

O kapot ita ci Yuta a citodong tonini a tayal.>>

Dmak 1:25

to malomamicror ci Yutaan a malatarokos a citodong to tayal. Nawhani maliyasto ni Yuta konini a tayal a tayra i malokaitiraan ningra,>> saan ko pitolon nangra.

Dmak 11:23

Yo tahira cingra i, mahapinang ningra ko pipalmed no Kawas i cangraan saka, salipahak sa cingra. <> han ningra cangra a pa'icel.

Dmak 20:24

Ano malahciayto ako ko dado^doen ako a tatayalen ato nipatorodan no Tapang ci Yis i takowanan a tayal a pawacay to Nga'ayay Ratoh to pakayniay i mikomi no Kawas i, awaayto ko limlamla ako to 'orip ako to mamamamang aca.

Dmak 20:28

Orasaka, na'onen ko tireng namo. Haratengen ko masaflaway a siri namo. Nawhani o nipatirengan no Fangcalay 'Adingo kamo a palamamidipot cangraan. Saka, dipoten ko nipatirengan no Kawas a kiwkay, oya nano nipalanotirenganto no Kawas a sa'opo pakayni i nika patay no Wawa Ningra.

Dmak 9:31

Orasaka, sarihaday sato ko polong no kiwkay i Yutaya i Kalili ato Samariya a ma^min. Mita'ong cangra to Tapang, mapa'icel no Fangcalay 'Adingo. Satanektek sato cangra. Saka, matongal a matongal ko nika 'aloman no mitooray to romi'ami'ad.

Loma 12:5

Malcad tonini kita. Talacowa 'aloman kita, nikawrira, madadama ko kahaccaccay ita o ca'ang. Pakayni i nika laccay ita aci Kristo a malaccayto ko tatirengan ita.

Loma 12:7

Ano o pipadama to tao ko rocek ita i, ka pidama kita. Ano o pasifana'ay ko rocek ita i, ka pipasifana' kita.

Loma 14:19

Tona mahaen saka, longocaw ita ko sakararihaday ato sakasasipa'icel to faloco' a dmak.

Loma 15:14

Salikakaaw ako, ci'icel ko paso'lin ako i tamowanan to nika sahto o nga'ayay ko dmak namo. Tada o mafana'ay kamo to masamaamaanay a dmak. O romasato, mafana' kamo a masasipa'icel.

Loma 15:2

Kita o kahaccaccay i, o papalipahak to salikaka to sakaci^poc ato sakatanektek no faloco' nangra.

Loma 15:29

Mafana' kako, ano tayra kako a miliso' i tamowanan i, o mamahawikid ako ko makadofahay a mikomi ni Kristo i tamowanan.

1 Korinto 12:27

O tireng ni Kristo kamo. O ca'ang no tireng Ningra ko kahaccaccay namo.

1 Korinto 12:7

Adihay ko kasasiromaroma no pipahapinang no Fangcalay 'Adingo to nipikapot Ningra i titaanan o kahaccaccay to sakaci^poc ita a ma^min.

1 Korinto 14:12

Tona o misa'icelay kamo a milongoc to pipafli no Fangcalay 'Adingo to rocek namo to maamaan saka, ikakaen ko pisa'icel a milongoc to sakafana' namo a mipa'icel to kiwkay.

1 Korinto 14:14

Ano o no 'Adingoan a sowal ko sowal ako a mitolon i, o 'adingo ako ko mitolonay. Nikawrira, caay ko salo'afang ako ko tatodong no pitolon ako.

1 Korinto 14:26

Salikakaaw, ano hatira i, samaanen ko nga'ay hakiya? Ano masa'opo kamo a mita'ong to Kawas i, ira ko paradiway, ira ko pasifana'ay, ira ko pasowalay to nipa'arawan no Kawas, ira ko somowalay to no 'Adingoan a sowal, ira ko mifalicay to tatodong noya no 'Adingoan a sowal. Ka o sapalowad to kiwkay ko dmak a ma^min.

2 Korinto 12:19

Latek harateng sa kamo, o pa'adingay cangra to tireng nai tiya aca a saan kamo tamiyanan. Caay! Matapal no Kawas ko nipitoor niyam to faloco' ni Kristo a pasowal i tamowanan. Kaolahan ako a salikaka, o sapatirengaw i tamowanan a palatamdamdaw ko dmak niyam a ma^min.

2 Korinto 13:11

Saikoray a sowal ako konini. Salikakaaw, sa'icelen ko namo a malamasongila'ay a tamdaw. Layapen ko pipa'icel ako. Kalaccay ko faloco' namo, kararihaday kamo. Nanay mikapot i tamowanan ko ciolahay ato parihadayay a Kawas!

2 Korinto 13:9

Talacowa tadancanca kami, ki^mel kamo, nika o kakalipahakan niyam koni. O milongocan niyam i, malasakasongila'aw namo.

2 Korinto 3:8

caay ka ngalef ko nika tadamaan no tayal no Fangcalay 'Adingo a ma'dil hakiya?

2 Korinto 4:1

O sini'adaay ko Kawas tamiyanan saka, patoroden Ningra i tamiyanan konini a tayal. Saka, caay ka toled kami.

2 Korinto 5:18

O nano Kawas a dmak konini a ma^min. Pakaynien no Kawas i ci Kristoan ko sakalali'ay ita ato Cingra. Patoroden Ningra i titaanan ko sakalali'ay Ningra ato tamdaw a tayal.

2 Korinto 6:3

O saka^caaw ka lokes no tayal niyam saka, caay picara kami to cimacima a tamdaw.

2 Korinto 7:1

Kaolahan ako a salikaka, tona ira i titaanan ko matiniay a niktonan no Kawas a sowal saka, liyasaw ita ko paacekay to tireng ato salo'afang ita a dmak a mikorac to tireng. Ka o nano ngodo to Kawas ko sapisongila' ita a mikorac.

Ifiso 1:23

O tireng ni Kristo ko kiwkay, o matomesay i tahaf no kakarayan ato kalomaamaan a Kristo ko mitomesay tonini a sa'opo.

Ifiso 4:16

O mamitadi'ec i Cingraan ko polong ko tireng, pakayni i ci Kristoan ko sakakakafit no kasapokopokoh no tireng a madadamadama. Ano hatira, yo mapakatayal ko kahaccaccay a ca'ang no tireng i, o lalomahad a tanektek ko tireng i kasasiolaolah a mapatireng.

Ifiso 4:29

Akato ka o tatiihay ko sowal namo. Ka o pa'icelay, o palatamdamdaway ato sakaci^poc no mitngilay a tamdaw a ccay ko sowal namo.

Ifiso 4:4

Nawhani ccay ko tireng, ccay ko Fangcalay 'Adingo, ccay ko patosokan no pitahidang no Kawas tamowanan a pafaloco'.

Kolosay 1:24

Orasaka, lipahak kako anini a mapades to saki tamowanan. Onini a tireng ako ko sapipadang ako to lalahcien ni Kristo a pades to saki tireng Ningra a kiwkay.

Kolosay 1:28

Saka, mipatnak kami i kahaccaccay a tamdaw to pakayniay ci Kristoan. Pakaynien niyam i taneng ko pipalimo'ot a pasifana' cangraan. Ta pakayni i nika laccay noya tamdaw aci Kristo a mato'as ko faloco' ningra ta makrid niyam cingra a patangasa i ka'ayaw no Kawas.

Kolosay 4:17

Pasowal hanto ci Arkipus, <> han.

1 Timoti 1:12

Mikansiya kako to Tapang ita ci Yis Kristoan. Nawhani o pa'icelay Cingra i takowanan. Matatodongay a nengnengen Ningra kako saka, toro'en Ningra kako a pakatayal to tayal Ningra.

2 Timoti 4:11

Dengto ci Luka ko i tiniay i takowanan. Tamitaen ci Maroko a tayni. Nawhani o sakaci^poc no tayal ako cingra.

2 Timoti 4:5

Nikawrira, kasinanot kiso i masamaamaanay a dmak. Hadidien ko pades, katayal tona patnakay, lahcien ko tatayalen iso to no Kawas.

Hipray 13:17

Tngilen, haklongen ko sowal no mikriday tamowanan a tamdaw. O marariday cangra a miharateng to sakanga'ay no salo'afang namo. Nawhani o papasowal cangra i Kawas to dmak nangra. Ano haklongen namo ko sowal nangra i, lipahak cangra a matayal. Ano caay haenen namo i, mararom cangra a matayal i tamowanan. Ano hatira i, awaay ko ^poc namo.

Hipray 6:1

Orasaka, liyasen ita ko sa'ayaway a ninanaman ita to pakayniay i ci Kristoan, pasayra i saka'ikes no faloco' a miti'er a tala'ayaw, o nipifalic to faloco' a miliyas to awaay ko ^poc a dmak ato nipipaso'lin to Kawas