Ifiso 3:8 - 阿美語聖經-新約附詩篇箴言

⁸ Talacowa o sasafaay no polong no mitooray kako, nikawrira, mapalmed no Kawas kako. Saka, micidek ko nipipafli Ningra i takowanan to tayal. Onini i, o sapipatnakaw ako i roma a finacadan to caay ko mama^min a sowalen a tadamaanay a dmak ni Kristo.

Ifiso 3:8 Iomraidhean Croise

'Olic 31:19

Wata: ko nika adihay no nina'angan Iso a makapahay a maamaan to saki mangodoay i Tisowanan. Dipoten Iso ko miti'eray i Tisowanan, tadamakapah a nengnengen no tamdamdaw ko nidmakan Iso.

Luka 14:22

Nanoya, sowal sa koya koli, han ningra.

Yohani 1:16

Nai laloma' no kadofah Ningra, milayapay to kita to mikomi, ta mapalmed a mapalmed haca kita.

Dmak 5:41

Orasaka, salipahak sato ko tarokos a masadak to Pilaocan. Nawhani <> saan cangra.

Dmak 9:15

Sowal sa ko Tapang i cingraan, <

Loma 11:33

Wata: ko nika talolong no mikomi ato taneng ato fana' no Kawas! Cima ko mafana'ay a mitadtad to pikton Ningra? Cima ko mafana'ay a misapsap to lalan Ningra?

Loma 12:10

Kasasiolah kamo. Nawhani o malaccayay kamo i ci Kristoananay a salikaka. Kasasingodo kamo a misapo^ner to faloco'.

Loma 2:4

Latek o misakahmaway ko harateng iso to sini'ada ato nika kodait ato nipihadidi no Kawas. Caay ka fana' kiso saw to nika o sini'adaay ko Kawas a mangalay a mikrid tisowanan a papifalic to faloco' iso.

1 Korinto 1:30

Nikawrira, o nano Kawas ko sakalaccay namo aci Yis Kristo. O nipatirengan no Kawas Cingra to malotaneng ita. Pakayni i Cingraan ko sakanga'ay ita a malayap no Kawas ato sakalafangcal ita ato sakatdal ita.

1 Korinto 15:9

O sasafaay a tarokos kako. Caay ka tatodong kako a cingangan a malatarokos. Nawhani nano mikari'angay kako to kiwkay no Kawas.

1 Korinto 2:9

Nikawrira, mato sowal a matilid i Fangcalay Cudad, <> saan.

Kalatiya 1:16

Yo maraodto ko pipahapinangan Ningra to Wawa Ningra i takowanan to sapiocoraw Ningra i takowanan a papipatnak to pakayniay ci Kristoan a Nga'ayay Ratoh i roma a finacadan i, caay pilicay kako i cimacimaan to malodadmaken ako.

Kalatiya 2:8

Nawhani oya pakatayalay ci Pitiroan a palatarokos to saki Yutaya a tamdaw a Kawas ko pakatayalay i takowanan a palatarokos to saki roma a finacadan.

Ifiso 2:7

O saka pihaen Ningra a midmak haw i, o sapatiri'aw Ningra i kasarayray no 'orip to nika tadamaan no mikomi Ningra i titaanan, pakayni i ci Kristo Yisan a mapahapinang ko olah Ningra.

Ifiso 3:1

Orasaka, kako ci Pawlo o marofoay to saki ci Kristo Yisan ato saki tamowanan o roma a finacadan i, mitolon kako to Kawas.

Ifiso 3:16

Nanay o nano nika tadamaan no 'dil Ningra ato 'icel no Fangcalay 'Adingo ko sakaki^mel no faloco' namo.

Ifiso 3:19

Nanay mafana' kamo to olah ni Kristo, oya mikikakaay to taneng ato fana' no tamdaw a olah, ta matomes no tadamaan no Kawas kamo.

Ifiso 3:2

Mafana'ay kamo, paini ko Kawas to mikomi, saka mapatorod kako to ccay a tayal to sakanga'ay namo.

Filipi 2:3

Ano o maamaanto a dmak i, aka ka o misatkeday, aka ka o mipasnengay ko dmak namo. Ka o misapo^neray ko faloco' namo. Ikakaay no mako ko tao, han ko faloco' namo a masasingodongodo.

Filipi 4:19

O romasato, o papakaynien no Kawas i iraay i ci Yis Kristoan a tadamaanay a dafong ko sapipafli Ningra to kacango'otan namo a ma^min.

Kolosay 1:27

O nisahalakaan no Kawas i, o pipakafana' i finawlan Ningra to pakakmoday a dmak. Onini a pakakmoday a dmak hananay i, o nika maro' ni Kristo i faloco' namo. Ta pakayni tonini ko sakanga'ay namo a mikapot to Kawas i nika tadamaan Ningra. O saki kasafinacadan no hkal konini a tadamaanay, ci'dilay a pakakmoday a dmak.

1 Timoti 1:13

Talacowa nano milokesay, o mikari'angay, o misamsamay kako i Cingraan, nikawrira, sini'ada ko Kawas takowanan. Nawhani caho pipaso'lin kako Cingraan itiya. Caay ka fana' kako to tatodong no nidmakan ako.

1 Timoti 1:15

<> yasanay a sowal i, o so'linay, o papaso'linen konini. O satatiihay no ciraraway a tamdaw kako.

1 Timoti 2:7

Orasaka, mapatireng kako a malapasifana'ay i roma a finacadan a malapatnakay a malatarokos to saka paso'lin ato sakafana' nangra to so'lin. Caay ko misamangahay kako. O so'linay ko sowal ako!

2 Timoti 1:11

Patirengen no Kawas kako a palapatnakay, palatarokos, palapasifana'ay tonini a Nga'ayay Ratoh.

Pa'arawan 3:18

Orasaka, pa'icelen Ako kiso, ano mangalay kiso a cidafong i, pi'aca i Takowanan to ni'olacan to namal a tada^kim. O romasato, pi'aca i Takowanan to kohcalay a riko' to maloriko' iso, ta caayto ka wacay kiso a mangodo. O romasato, pi'aca i Takowanan to sapisipasip to sapaiyo to mata iso, ta paka'arawto ko mata iso.