Ifiso 3:7 - 阿美語聖經-新約附詩篇箴言

⁷ O nano micidekay a rocek no Kawas ko saka malakoli kako to no Nga'ayay Ratoh, onini i pakaynien Ningra i dmak no tadamaanay a 'icel ko pipafli i takowanan.

Ifiso 3:7 Iomraidhean Croise

Dmak 9:15

Sowal sa ko Tapang i cingraan, <

Loma 1:5

Pakayni i Cingraan, malmed a malayap ako ko tadamaanay a rocek a citodong a matayal to no Tarokos, to sakatadamaan no ngangan Ningra. Onini i, o sapapipaso'linaw to polong no roma a finacadan i ci Kristoan a papitoor.

Loma 12:3

Pakaynien ako i nipaflian no Kawas a sini'ada i takowanan ko sapasowal ako i kahaccaccay namo. Aka pilakowit ko harateng namo a misatakaraw. Ka o 'icel no piti'er namo i Kawas, oya nipaflian Ningra i kahaccaccay ko sakasinanot namo a mihapinang to tatodong no tireng.

Loma 15:16

Saka, malamatayalay ni Kristo Yis kako a patnak to Nga'ayay Ratoh i roma a finacadan. Matiya o citodongay to ta'ong kako a patnak to Nga'ayay Ratoh no Kawas. Ta nga'ay malanikoracan no Fangcalay 'Adingo a sapacakat i Kawas ko roma a finacadan. Ta maolah ko Kawas a milayap cangraan.

1 Korinto 15:10

Nikawrira, o sakamatini no mako i, o nano mikomi no Kawas. Caay ko nika awa no ^poc no mikomi no Kawas i takowanan. Mikikaka kako to romaroma a tarokos a maroray tona adihay ko tayal. Nikawrira, caay ka o kako ko midmakay tonini. Oya iraay i takowanan a mikomi no Kawas ko midmakay tonini.

1 Korinto 3:5

O maan ci Apolos? O maan ci Pawlo? O matayalay no Kawas kami. O mamikrid aca i tamowanan a papiti'er to Kawas. O pilahci aca niyam to niparocekan no Tapang i tamiyanan a tayal.

2 Korinto 3:6

O Kawas ko pa'icelay i tamiyanan a pakatayal to saki fa^lohay a katatlekan. Caay ko no tilid, o no Fangcalay 'Adingo a nikatatlekan konini. Nawhani mipatay to tamdaw ko nitilidan a rikec. Pa'orip to tamdaw ko Fangcalay 'Adingo.

2 Korinto 4:1

O sini'adaay ko Kawas tamiyanan saka, patoroden Ningra i tamiyanan konini a tayal. Saka, caay ka toled kami.

Kalatiya 2:8

Nawhani oya pakatayalay ci Pitiroan a palatarokos to saki Yutaya a tamdaw a Kawas ko pakatayalay i takowanan a palatarokos to saki roma a finacadan.

Ifiso 1:19

O romasato, nanay mafana' kamo to nika hakowa ko nika tadamaan no 'icel no tayal no Kawas i titaanan o paso'linay, onini i o nido^doan Ningra to tadamaanay a 'icel a mipakatayal.

Ifiso 3:2

Mafana'ay kamo, paini ko Kawas to mikomi, saka mapatorod kako to ccay a tayal to sakanga'ay namo.

Ifiso 3:20

Pakayni i matayalay i titaanan a 'icel no Kawas ko nika ma^deng a malahci Ningra ko ikakaay no nilongocan ato niharatengan ita a maamaan a dmak.

Ifiso 3:8

Talacowa o sasafaay no polong no mitooray kako, nikawrira, mapalmed no Kawas kako. Saka, micidek ko nipipafli Ningra i takowanan to tayal. Onini i, o sapipatnakaw ako i roma a finacadan to caay ko mama^min a sowalen a tadamaanay a dmak ni Kristo.

Ifiso 4:16

O mamitadi'ec i Cingraan ko polong ko tireng, pakayni i ci Kristoan ko sakakakafit no kasapokopokoh no tireng a madadamadama. Ano hatira, yo mapakatayal ko kahaccaccay a ca'ang no tireng i, o lalomahad a tanektek ko tireng i kasasiolaolah a mapatireng.

Kolosay 1:29

Tona sapilahciaw tonini a patosokan, saka pakaynien ako to nipaflian ni Kristo a tadamaanay a 'icel a caay ka rorayen a misa'icel a matayal.

1 Tisalonika 2:13

Yo patnak kami to sowal no Kawas i tamowanan i, mitngil kamo, paso'lin kamo. O sowal no Kawas konini, caay ko no tamdaw saan kamo. So'linay konini. O Kawas ko matayalay i tamowanan o paso'linay. Onini ko roma a sakararid niyam a mikansiya i Kawas.