Ifiso 3:16 - 阿美語聖經-新約附詩篇箴言

¹⁶ Nanay o nano nika tadamaan no 'dil Ningra ato 'icel no Fangcalay 'Adingo ko sakaki^mel no faloco' namo.

Ifiso 3:16 Iomraidhean Croise

'Olic 138:3

Yo mitahidang kako a milongoc i Tisowanan i, mipaca'of Kiso, pakaynien Iso i 'icel Iso ko pipa'icel i takowanan.

'Olic 28:8

O 'icel no finawlan Ningra ko Tapang, o pa'adingay a pa'orip Cingra to nipatirengan Ningra a hongti.

Matay 6:13

Kriden kami to saka^caaw ka sawi niyam. Pa'oripen kami a paliyas nai tatiihay.

Loma 2:29

O so'linay a Yutaya a tamdaw i, o nai faloco'ay ko dmak. O nai faloco'ay a pitoor to Kawas ko so'linay a nika krit. Onini a nika krit i, o nano tayal no 'Adingo no Kawas. Caay ko nano matiliday i Rikec a dmak. O matiniay a tamdaw i, caay ko tamdaw ko mahmekay. O Kawas ko mahmekay cingraan.

Loma 7:22

Maolah ko faloco' ako a miharateng to Rikec no Kawas.

Loma 9:23

O romasato, sapipatalahkalan Cingra to tadamaanay a 'dil Ningra i titaanan o nipalmedan Ningra a lalosidan, oya nipatalaan Ningra to mamikapot i Cingraan a malatadamaanay.

1 Korinto 16:13

Kapalal ko faloco' namo. Satanekteken ko piti'er namo to Tapang. Saki^melen, kacicdi.

2 Korinto 12:9

Nikawrira, paca'of sa ko Tapang, <> saan. Orasaka, salipahak sa kako a pasneng to nika tadanca ako. Ta pakayni tonini a mahapinang ako ko 'icel ni Kristo a midipot i takowanan.

2 Korinto 4:16

Orasaka, caay ko mamatoled kami. Talacowa, manornor ko tireng niyam a sakalasawadan, nikawrira, masafa^loh a masafa^loh ko faloco' niyam.

Ifiso 1:18

Milongoc haca kako to Kawas a papifohat to mata no faloco' namo, to sakafana'aw namo, o maan ko lalayapen a pafaloco'an to pitahidang Ningra i tamowanan, ato tadakadofah ko nihaydaan Ningra a sapafli to finawlan Ningra a dafong.

Ifiso 1:7

Pakayni i nika patay ni Kristo ko sakatdal ita a mapakonira ato sakahpol no raraw ita, o nano kadofahay a mikomi no Kawas konini.

Ifiso 2:7

O saka pihaen Ningra a midmak haw i, o sapatiri'aw Ningra i kasarayray no 'orip to nika tadamaan no mikomi Ningra i titaanan, pakayni i ci Kristo Yisan a mapahapinang ko olah Ningra.

Ifiso 3:15

Nawhani Cingra ko tatapangan no i kakarayanay ato i hkalay a kasafinacadan.

Ifiso 3:8

Talacowa o sasafaay no polong no mitooray kako, nikawrira, mapalmed no Kawas kako. Saka, micidek ko nipipafli Ningra i takowanan to tayal. Onini i, o sapipatnakaw ako i roma a finacadan to caay ko mama^min a sowalen a tadamaanay a dmak ni Kristo.

Ifiso 6:10

Saikoray a sapa'icel ako i, pakaynien namo i tadamaanay a 'icel no Tapang ko sakatanektek namo.

Filipi 4:13

Pakayni i 'icel ni Kristo o pa'icelay takowanan ko sakapakafilo ako a misi'ayaw to masamaamaanay a dmak.

Filipi 4:19

O romasato, o papakaynien no Kawas i iraay i ci Yis Kristoan a tadamaanay a dafong ko sapipafli Ningra to kacango'otan namo a ma^min.

Kolosay 1:11

Nanay pakayni i ma'dilay a 'icel no Kawas ko sakaci'icel, mapa'icel kamo to masamaamaanay a 'icel, ta ma^deng kamo a kodait a mihadidi to pades a ma^min. Ka o lipahakay a faloco' ko

Kolosay 1:27

O nisahalakaan no Kawas i, o pipakafana' i finawlan Ningra to pakakmoday a dmak. Onini a pakakmoday a dmak hananay i, o nika maro' ni Kristo i faloco' namo. Ta pakayni tonini ko sakanga'ay namo a mikapot to Kawas i nika tadamaan Ningra. O saki kasafinacadan no hkal konini a tadamaanay, ci'dilay a pakakmoday a dmak.

Kolosay 2:2

O sakasaan ako i, o sapa'icelaw ako to faloco' namo, ta malaccay ko faloco' namo a masasiolaolah, ta tanektek ko faloco' namo to nano nika so'lin no nika fana' namo, ta mafana' kamo to pakakmoday a dmak no Kawas. Ci Kristo ko nisowalan tonini a pakakmoday a dmak.

2 Timoti 4:17

Nikawrira, mikapot ko Tapang i takowanan itiya a pa'icel. Orasaka, malahcito ako a misongila' a patnak a patngil ko sowal no Kawas i roma a finacadan a ma^min. Saka, mapa'orip kako a mapaliyas nai ngoyos no layon.

Hipray 11:34

Mapadeng nangra ko marengrengay a namal, maliyas nangra ko mipatay no fonos. Nano tadancaay cangra i, malaci'icelayto. Malaki^melayto cangra a milood, laopen nangra ko sofitay no roma a kitakit a milowid.

1 Pitiro 3:4

Ka o i laloma'ay namo a damsayay ato masinanotay a faloco' ko sapa^res namo to tireng. O mida'ocay, tadamaanay a nengnengen no Kawas konini.