Ifiso 3:11 - 阿美語聖經-新約附詩篇箴言

¹¹ O sakapihaen no Kawas i, o sapido^doaw Ningra to caay ko mamafalic a nafaloco'an Ningra. Malahcito Ningra konini i tireng no Tapang ita ci Yis Kristoan.

Ifiso 3:11 Iomraidhean Croise

Loma 9:11

Nikawrira, o sapahapinangaw no Kawas to nafaloco'an Ningra a mipili' to ccay noya tatosaay a wawa saka, pasowal sa ko Kawas ci Ripikaan, <> saan. Yo caho ka hofocen cangra a tatosa, yo caayho pidmak to nga'ayay ato tatiihay cangra i, itiya a somowal ko Kawas tonini a sowal. Saka, o nafaloco'an no Kawas ko nido^doan Ningra a mipili'. Caay ko dmak noya wawa.

Kalatiya 5:24

O ni Yis Kristo a tamdaw i, o mipacekayto i ciwcika a mipatay to pinangan no tireng ato 'anof no tireng ato 'anof no faloco'.

Ifiso 1:11

Saka, mato nipipali'ayaw no Kawas yo misanga' Cingra to hkal ko nipipili' titaanan a palafinawlan Ningra pakayni i nika laccay ita aci Kristo. Mado^do no masamaamaanay a dmak ko nafaloco'an no Kawas.

Ifiso 1:4

I 'ayaw no nika sanga' no hkal i, mahrekto ko Kawas a mipili' titaanan to sapalaccayaw titaanan aci Kristo a palano Ningra. Ta makorac kita, ta awaay ko tatoro'en Ningra a raraw ita.

Ifiso 1:9

ko nipilahci to nafaloco'an Ningra a pahapinang i titaanan to pakakmoday a lalahcien ni Kristo a nisahalakaan Ningra a dmak.

Ifiso 3:1

Orasaka, kako ci Pawlo o marofoay to saki ci Kristo Yisan ato saki tamowanan o roma a finacadan i, mitolon kako to Kawas.

2 Timoti 1:9

O nipa'oripan no Kawas kita a mitahidang a palafinawlan Ningra. Caay ko nano nga'ayay a dmak ita konini, o nano nafaloco'an no Kawas ato mikomi Ningra. Pakaynien no Kawas i ci Yis Kristoan i 'ayaw no nika sanga' no hkal ko pipafli i titaanan tonini a mikomi.