Ifiso 3:10 - 阿美語聖經-新約附詩篇箴言

¹⁰ O sakapisimed no Kawas tonini i, nga'ay pakayni i kiwkay a mapatiri' anini ko i kakarayanay a mikowanay a coyocoyoh ato cisakowanay to kasasiromaroma no taneng no Kawas.

Ifiso 3:10 Iomraidhean Croise

'Olic 103:20

Kamo o ki^melay ci'icelay a coyoh, o mihaklongay to limo'ot Ningra, o mido^doay to nafaloco'an Ningra a coyoh, pipahmek kamo a ma^min to Tapang.

'Olic 104:24

Tapangaw, adihay ko nisanga'an Iso, o hci no taneng Iso konini a ma^min, maldef ko hkal a matomes to nisanga'an Iso.

Loma 11:33

Wata: ko nika talolong no mikomi ato taneng ato fana' no Kawas! Cima ko mafana'ay a mitadtad to pikton Ningra? Cima ko mafana'ay a misapsap to lalan Ningra?

Loma 8:38

Ci'icel ko faloco' ako a paso'lin. Ano o patayto, ano o nika 'oripto, ano o coyohto, ano o aniniayto, ano o a irato a mikowanay i kakarayan a kawakawas,

1 Korinto 1:24

Ano o Yutayato a tamdaw, ano o Krisiyato a tamdaw, ano matahidang no Kawas cangra i, o 'icel no Kawas, o taneng no Kawas ci Kristo saan cangra.

1 Korinto 2:7

O masimeday a pakakmoday a taneng no Kawas ko sasowalen ako. O nisahalakaanto no Kawas konini i 'ayaw no satapangan no hkal to sakatadamaan ita.

Ifiso 1:21

Itira i, mikikaka ko pikowan ni Kristo to polong no i kakarayanay a tatiihay a palafoay a mikowanay ato cisakowanay ato mikomoday ato tapatapang. Ano o aniniayto a hkal, ano o a irato a hkal i, o sakakaay no polong no cinganganay a mikowanay Cingra.

Ifiso 1:23

O tireng ni Kristo ko kiwkay, o matomesay i tahaf no kakarayan ato kalomaamaan a Kristo ko mitomesay tonini a sa'opo.

Ifiso 1:3

O aahowiden ita ko Wama a Kawas no Tapang a Yis Kristo. Nawhani pakaynien no Kawas i nika laccay ita aci Kristo ko pipaini titaanan to i kakarayanay a masamaamaanay a no 'adingoan a sapakalmed.

Ifiso 1:8

Wata: ko nika tadamakadofah ko mikomi no Kawas i titaanan! Pakaynien no Kawas i talolongay a taneng ato fana'

Ifiso 6:12

Nawhani caay ko no tamdawan ko nipilood ita. O milooday kita to tatiihay, o awaay a ma'araw a palafoay i tahaf no hkal, o mikowanay ato cisakowanay tonini a to'manay a hkal ato i kakarayanay a masamaamaanay a kawakawas.

Kolosay 1:16

Nawhani pakayni i Cingraan ko nipisanga' no Kawas to maamaan. Ano i kakarayanayto, ano i hkalayto, ano o ma'arawayto, ano o caayto ka 'araw a ma'oripay a maamaan halotapatapang ato mikowanay ato cisakowanay a kawakawas i, pakayni i Cingraan ko nipisanga' no Kawas tonini a ma^min. O romasato, o saki Cingraan ko nipisanga' no Kawas tonini.

Kolosay 2:10

Pakayni i nika laccay namo aci Kristo ko saka malayap haca namo ko kadofahay a 'orip. O Tapang Cingra, ikaka no mikowanay ato cisakowanay a kawakawas Cingra.

Kolosay 2:15

Pakaynien ni Kristo i ciwcika ko pipalasawad to sakowan no mikowanay ato cisakowanay a kawakawas. Patiri'en Ningra i tamdamdaw ko nipalitan Ningra.

1 Timoti 3:16

Kafana'anto no 'alomanay ko nika o tadamaanay ko kmod no pitooran ita. Malatamdaw Cingra a talahkal. Mapahapinang no Fangcalay 'Adingo ko nika o mo^celay Cingra. Ma'araway no coyoh Cingra. Mapatnakay Cingra i kasakitakit. Mapakaso'linay no tamdamdaw Cingra. Makakoyay Cingra a talakakarayan.

1 Pitiro 1:12

Mapahapinang no Kawas i cangraan o iti:yaayho a pali'ayaway to sowal no Kawas ko nika caay ko saki cangraan ko tayal nangra. O saki tamowanan ko tayal nangra. Pakaynien no nai kakarayanay a Fangcalay 'Adingo i patnakay to Nga'ayay Ratoh ko nipipatngil i tamowanan tonini a dmak. Halocoyoh a mangalay a mihapinang tonini.

1 Pitiro 3:22

Talakakarayanto ci Yis Kristo a maro' i kawanan no Kawas imatini, kowanen Ningra ko coyocoyoh ato mikowanay i kakarayan ato cisakowanay a ma^min.