Ifiso 2:9 - 阿美語聖經-新約附詩篇箴言

⁹ Tona caay ko nano nga'ayay a dmak namo ko tati'eren. Saka, awaay ko maan aca a papasnengen namo.

Ifiso 2:9 Iomraidhean Croise

Loma 11:6

O nano mikomi no Kawas ko sakapipili' Ningra cangraan. Caay ko dmak no tamdaw ko pi'arawan Ningra. Ano o dmak no tamdaw ko pi'arawan Ningra i, caay to ko so'linay a mikomi ko mikomi no Kawas.

Loma 3:20

Nawhani ano pakaynien i nipilahci to Rikec i, awaay ko mamalayap no Kawas a tamdaw. O tayal no Rikec i, deng o nipipakafana' aca to tamdaw to nika ciraraw no tireng.

Loma 4:2

Ano o nano dmak ni Apraham ko sakanga'ay ningra a malayap no Kawas i, kona o papasneng cingra. Nikawrira, caay ko papasneng cingra i ka'ayaw no Kawas.

Loma 9:11

Nikawrira, o sapahapinangaw no Kawas to nafaloco'an Ningra a mipili' to ccay noya tatosaay a wawa saka, pasowal sa ko Kawas ci Ripikaan, <> saan. Yo caho ka hofocen cangra a tatosa, yo caayho pidmak to nga'ayay ato tatiihay cangra i, itiya a somowal ko Kawas tonini a sowal. Saka, o nafaloco'an no Kawas ko nido^doan Ningra a mipili'. Caay ko dmak noya wawa.

Loma 9:16

Orasaka, caay ko nisafaloco'an ato nisa'icelan no tamdaw ko pi'arawan no Kawas a mipili'. Deng o nano sini'ada no Kawas ko sakapipili' Ningra.

2 Timoti 1:9

O nipa'oripan no Kawas kita a mitahidang a palafinawlan Ningra. Caay ko nano nga'ayay a dmak ita konini, o nano nafaloco'an no Kawas ato mikomi Ningra. Pakaynien no Kawas i ci Yis Kristoan i 'ayaw no nika sanga' no hkal ko pipafli i titaanan tonini a mikomi.