Ifiso 2:4 - 阿美語聖經-新約附詩篇箴言

⁴ Nikawrira, tadamaan ko adayay no Kawas. Tata'ang ko olah Ningra i titaanan.

Ifiso 2:4 Iomraidhean Croise

'Olic 145:8

O matomesay no sini'ada ato mikomi ko Tapang, o caay ka narikay a makter Cingra, o matomesay no caay ka falic a olah Cingra.

'Olic 51:1

Kawasaw, nanay kaadayayen Iso kako, Nawhani o mida'ocay ko olah Iso. Nanay palasawaden Iso ko raraw ako, nawhani caay ka citolas ko sida'it Iso.

'Olic 86:15

Tapangaw, o karaadayayay, o karasida'itay a Kawas Kiso, o caay ka narikay a makter, o matomesay no sini'ada ato so'lin.

'Olic 86:5

Tapangaw, o nga'ayay Kiso o maolahay a misolol to raraw, talolong ko sini'ada Iso to milongocay i Tisowanan.

Luka 1:78

Nawhani sini'adaay, damsayay ko Kawas ita. Saka, o papata^ngaden Ningra ko 'orip ita a pa'orip titaanan.

Loma 10:12

O saki polong no tamdaw konini a sowal. Awaay ko kasasiroma to Yutaya a tamdaw ato roma a finacadan. Oyanan a Kawas ko Tapang no tamdamdaw. Tadamaanay ko pipalmed Ningra to polong no mitahidangay a milongoc i Cingraan.

Loma 2:4

Latek o misakahmaway ko harateng iso to sini'ada ato nika kodait ato nipihadidi no Kawas. Caay ka fana' kiso saw to nika o sini'adaay ko Kawas a mangalay a mikrid tisowanan a papifalic to faloco' iso.

Loma 5:8

Nikawrira, yo cirarawho kita i, mapatay ci Kristo to saki titaanan. Onini ko sapahapinang no Kawas i titaanan to olah Ningra.

Loma 9:23

O romasato, sapipatalahkalan Cingra to tadamaanay a 'dil Ningra i titaanan o nipalmedan Ningra a lalosidan, oya nipatalaan Ningra to mamikapot i Cingraan a malatadamaanay.

Ifiso 1:7

Pakayni i nika patay ni Kristo ko sakatdal ita a mapakonira ato sakahpol no raraw ita, o nano kadofahay a mikomi no Kawas konini.

Ifiso 2:7

O saka pihaen Ningra a midmak haw i, o sapatiri'aw Ningra i kasarayray no 'orip to nika tadamaan no mikomi Ningra i titaanan, pakayni i ci Kristo Yisan a mapahapinang ko olah Ningra.

Ifiso 3:8

Talacowa o sasafaay no polong no mitooray kako, nikawrira, mapalmed no Kawas kako. Saka, micidek ko nipipafli Ningra i takowanan to tayal. Onini i, o sapipatnakaw ako i roma a finacadan to caay ko mama^min a sowalen a tadamaanay a dmak ni Kristo.

2 Tisalonika 2:13

O kaolahan no Tapang a salikaka, caay ka ^ca o mamararid kami a mikansiya i Kawas to pakayniay i tamowanan. Nawhani o nipili'an no Kawas kamo, onini i, o sapipa'oripaw Ningra i tamowanan pakayniay i nipikorac no Fangcalay 'Adingo ato nipiti'er namo to so'lin.

1 Timoti 1:14

Pahapinangen no Tapang kako to tadamaanay a mikomi Ningra a papiti'er, papiolah Cingraan. Onini a olah ato piti'er ako i, o nano nika laccay ako aci Yis Kristo.

2 Timoti 1:9

O nipa'oripan no Kawas kita a mitahidang a palafinawlan Ningra. Caay ko nano nga'ayay a dmak ita konini, o nano nafaloco'an no Kawas ato mikomi Ningra. Pakaynien no Kawas i ci Yis Kristoan i 'ayaw no nika sanga' no hkal ko pipafli i titaanan tonini a mikomi.

1 Pitiro 1:3

O aahowiden ita ko Kawas o Wama no Tapang ita ci Yis Kristo! Nawhani tadamaan ko adayay Ningra, saka, pakayni i kalomowad ni Yis Kristo a ma'orip nai patay, ta mapafli kita to fa^lohay a 'orip, ato saka ira no ma'oripay a pafaloco'an ita,