Ifiso 2:3 - 阿美語聖經-新約附詩篇箴言

³ 'Arawhani, o nano malcaday kita cangraan a mitoor to 'anof no tireng. Matoor ita ko 'anof ato kangalayan no tireng ato harateng. Saka, awaay ko kasasiroma ita ato tao, o kaktekteren aca no Kawas kita a mitfoc.

Ifiso 2:3 Iomraidhean Croise

'Olic 51:5

Yo itiyadho no ina ako i, o tatiihayto kako, yo kahofocan ako a romi'ad i, matomesto no raraw kako.

Maroko 4:19

nikawrira, ira ko roray no faloco' ato 'anof to saki dafong ato masamaamaanay a sawi a mi'co to sowal no Kawas. Saka, caay ka cihci.

Yohani 1:13

O sakanga'ay nangra a malawawa no Kawas i, caay ko nano pakatamdaway a nihofocan. Caay ka matiya o nika ciwawa no tamdaw. O nano Kawas a nihofocan cangra.

Yohani 8:44

O Palafoay ko mama namo. Sapido^doan kamo to 'anof no mama namo. O mipatayay to tamdaw ciira nai satapangan, o miliyangay ciira to so'linay a sowal nawhani awaay i ciiraan ko so'linay a dmak. O pinangan nira ko nipisamangah a somowal. Nawhani o misamangahay ciira, o tatapangan no mangah ciira.

Dmak 14:16

I ti:yaho i, pakonira han no Kawas ko dmak no tamdamdaw no kasakitakitakit.

Loma 1:24

Orasaka, pakonira hanto no Kawas cangra i ka'anofan no faloco' nangra a kaackan a dmak. Saka, masasipakangodo cangra to tireng.

Loma 11:30

Caay pitoor kamo o roma a finacadan to Kawas i 'ayaw. Nikawrira, i matini sa i, pakayni i nika ^caan pitoor no Yutaya a tamdaw a malakasini'adaen no Kawas kamo.

Loma 13:14

Saka, ca'dongen ko sapilood no Tapang ci Yis Kristo a lalosidan. Sawaden ko pitoor to ciraraway a pinangan iso ato ma'anofay a faloco' iso.

Loma 2:14

O caay ka fana' to Rikec ni Mosi ko roma a finacadan. Nikawrira, ano ira i pinangan nangra ko lonok sanay a mido^do to matiliday i Rikec a sowal, ano caacaay ka cirikec cangra i, o niyah a tireng ko malorikec nangra.

Loma 5:10

O 'ada no Kawas kita i ti:yaho. Nikawrira, pakayni i nika patay no Wawa Ningra ko sakalali'ay ita ato Kawas. O widangto no Kawas kita anini. Tona o miliyaway ci Kristo a ma'orip saka, o a ikaka ko 'icel Ningra a pa'orip titaanan i ikor nonini.

Loma 5:9

Pakayni i nika patay ni Kristo ko saka, <> han no Kawas kita a milayap. Saka, ano hakowaay i, mangalef ko nipipa'orip ni Kristo titaanan a paliyas to kter no Kawas.

Loma 6:12

Orasaka, aka papikowanen ko raraw to mamapatay a tireng namo. Ta caay pido^do kamo to 'anof no tireng.

Loma 7:18

Mafana' kako i laloma' no tireng ako i, awaay ko nga'ayay. Nawhani sapidmakan kako to nga'ayay. Nikawrira, awaay ko 'icel ako a milahci tonini.

Loma 9:22

Malcad tonini ko dmak no Kawas. Sapipatalahkalan ko Kawas to kter Ningra a pahapinang to 'icel Ningra. Nikawrira, kodait ko Kawas. Hadidien Ningra ko kter Ningra toya nipatalaan Ningra a mamatkop a kakteran Ningra a lalosidan.

1 Korinto 4:7

Cima ko <> sanay tisowanan saw? Caay ko nano nipaflian no Kawas koya iraay i tisowanan a ma^min saw? Ano hatira i, nawiro malata'ang kiso saw a mipalanotireng to nano Kawas a nipaflian?

2 Korinto 7:1

Kaolahan ako a salikaka, tona ira i titaanan ko matiniay a niktonan no Kawas a sowal saka, liyasaw ita ko paacekay to tireng ato salo'afang ita a dmak a mikorac to tireng. Ka o nano ngodo to Kawas ko sapisongila' ita a mikorac.

Kalatiya 3:22

Nikawrira, o pahapinangay ko Fangcalay Cudad to nika makowanay no raraw ko polong no tamdaw. Orasaka, deng pakayni i nipiti'er no tamdaw i ci Yis Kristoan ko sakanga'ay nangra a milayap to nano niktonan no Kawas a sowal.

Ifiso 2:2

Mado^do namo itiya ko ngiros a pinangan nonini a hkal. Mihaklong kamo to kakridan no mikowanay tonini a hkal, oya mikowanay to pacoliay to limo'ot no Kawas a tamdamdaw a palafoay.

Ifiso 4:22

Orasaka, hlongen ko mipoheday to 'orip namo a <>. Onini a katlangay a faloco' i, o nano masawiay no 'anof no tireng a malamaponi'ayto.

Kolosay 1:21

I ti:yaho i, maliyasay namo ko Kawas. O tatiihay a dmak ato harateng namo ko sapisa'ada namo to Kawas.

1 Tisalonika 4:13

Salikakaaw, nanay mafana' kamo to pakayniay i mapatayay a tamdamdaw. Ta caay ka matiya o awaay ko pafaloco'an a romaroma a tamdaw kamo a mararom.

1 Tisalonika 5:6

Orasaka, caay ka nga'ay a matiya o tao kita a mafoti'. O nika palal ita a masinanot ko nga'ay.

1 Timoti 6:9

Nikawrira, o sakacidafongananay a tamdaw i, masa'fit a matilo no maapaay a faloco' ato tatiihay a 'anof ningra. Onini a 'anof ko sakatfad no tamdaw a matkop.

Titus 3:3

Nawhani nano maapaay kita, o pacoliay, o moraraway, o koli no masamaamaanay a 'anof ato acang kita. Sahto o tatiihay, o mapodohay ato masasi'intelay ko pinangan ita a ma'orip i ti:yaho.

1 Pitiro 1:14

Ka o mitngilay to sowal kamo. Akato pihaklong to masamaamaanay a 'anof namo a matiya o dmak namo yo mafokilho kamo to Kawas.

2 Pitiro 2:14

Cisimal ko mata nangra a pasayra i ma'odangay a fafahiyan. Awaay ko pa^dengan nangra a ciraraw. Sawien nangra ko mapawpaway ko faloco' a tamdaw. Mananamayto a ma'anof ko faloco' nangra. O mama'kak no Kawas cangra.

2 Pitiro 2:18

Pasneng cangra a pasowal to awaay ko ^poc a sowal. Pakaynien nangra i 'anof ato ma'otitay a dmak ko nipisawi nangra toya liyas sanayho to moraraway ko dmak a tamdaw.

1 Yohani 2:16

Nawhani o pa'anofay to tireng, o pa'inalay to mata a misolot ato palita'angay to faloco' no tamdaw ko no hkalan a dmak a ma^min. Caay ko nai ci Wamaananay, o no hkalan aca konini.

1 Yohani 2:8

Nikawrira, o nipatilidan ako i tamowanan i, o fa^lohay a limo'ot. Iraay i ci Kristoan konini a limo'ot no so'lin, ira haca i tamowanan a mahapinang. Nawhani mamalasawadto ko to'manay, misatapangayto a patdi ko so'linay a likat.