Ifiso 2:22 - 阿美語聖經-新約附詩篇箴言

²² Pakayni i nika laccay namo aci Kristo a mapalakapot kamo ato romaroma a mapatireng a malakamaro'an no todong no tireng no Kawas a Fangcalay 'Adingo.

Ifiso 2:22 Iomraidhean Croise

1 Korinto 3:16

Kafana'anto namo, o Fangcalay Pita'ongan to Kawas ko tireng namo. O kamaro'an no Kawas a 'Adingo ko faloco' namo.

1 Korinto 3:9

O kapot no Kawas kami a matayal. O omah no Kawas kamo. O romasato, o nipatirengan no Kawas a loma' kamo.

1 Korinto 6:19

Caay ka fana' kamo saw to nika o loma' no Fangcalay 'Adingo ko tireng namo? O nipaflian no Kawas tamowanan a Fangcalay 'Adingo ko maro'ay i tamowanan. Saka, caayto ko no namo ko tireng namo. O no Kawasto ko tireng namo.

2 Korinto 6:16

Manga'ay saw a miparo to samiyay i pita'ongan to Kawas a Fangcalay Pita'ongan? O pita'ongan to ma'oripay a Kawas a Fangcalay Pita'ongan kita! Mato sowal no Kawas, <> saan.

Ifiso 3:17

Nanay pakayni i piti'er namo ko sakamaro' ni Kristo i faloco' namo. Nanay o olah Ningra ko palamitan ato katanektekan no faloco' namo.

1 Yohani 3:24

O mido^doay to limo'ot no Kawas i, o misiketay i Kawas. Misiket ko Kawas cingraan. O maan ko kafana'an ita to iraay i laloma' ita ko 'orip no Kawas saw? Pakayni i nipaflian Ningra i titaanan a Fangcalay 'Adingo ko sakafana' ita to nika o misiketay kita i Kawas.

1 Yohani 4:13

Mapaflito no Kawas kita to 'Adingo Ningra, saka, mafana' kita, ira ko 'orip Ningra i titaanan, ira i titaanan ko 'orip Ningra.

1 Yohani 4:16

Mafana' kita, o paso'linay kita to nika olah no Kawas i titaanan. O olah ko Kawas. Saka, o kala'orip sanay to olah a tamdaw i, ira ko 'orip no Kawas i cingraan, ira haca i cingraan ko 'orip no Kawas.