Ifiso 2:16 - 阿美語聖經-新約附詩篇箴言

¹⁶ Pakayni i nika patay i ciwcika, palasawaden ni Kristo ko matiniay a masasi'adaay a pinangan, pakayni i ciwcika ko sakalaccay no tosaay a finacadan, ta malali'ay ato Kawas.

Ifiso 2:16 Iomraidhean Croise

Loma 5:10

O 'ada no Kawas kita i ti:yaho. Nikawrira, pakayni i nika patay no Wawa Ningra ko sakalali'ay ita ato Kawas. O widangto no Kawas kita anini. Tona o miliyaway ci Kristo a ma'orip saka, o a ikaka ko 'icel Ningra a pa'orip titaanan i ikor nonini.

Loma 6:6

Mafana' kita, o katlangay a faloco' ita koya mapakapotay i ci Kristoan a mapacek i ciwcika. Onini i, o sapalasawadaw to ciraraway a tireng ita, ta caayto ka lakoli no raraw kita i ikor nonini.

Loma 8:3

Tadanca ko tireng ita. Saka, caay pakalahci ko Rikec ni Mosi a miliyaw to pinangan ita. Nikawrira, o Kawas ko milahciay tonini a dmak. Ma'osi ko Kawas to pinangan no tamdaw. Saka, i tinien Ningra i niocoran Ningra a Wawa ko pipahapinang a mipastek i raraw to pinangan no tamdaw. Orasaka, matiya sa o ciraraway ko pinangan no Wawa Ningra. Onini i, o sapipalasawadaw Ningra to raraw.

Loma 8:7

Mala'ada no Kawas ko mipaci^ciay a mitoor to pinangan no tireng. Nawhani caay pido^do cingra to Rikec no Kawas. So'linay caay pakado^do cingra.

1 Korinto 10:17

Tona mapolong kita a ma^min a komaen to ccay a 'aplad no ^pang saka, ano 'alomaloman kita a komaen i, o ccayay a 'aplad a ^pang ko nikaenan ita saka, o ccayay a tatirengan kita.

Kalatiya 2:20

Saka, caayto ka o kako ko ma'oripay i matini, ci Kristoto ko ma'oripay i faloco' ako. O nika 'orip ako anini i, o nano piti'er ako toya maolahay takowanan a kinafalah to tireng to saki takowanan a Wawa no Kawas.

Ifiso 2:15

Palasawaden Ningra ko limo'ot ato lkakawa no Rikec no Yutaya a tamdaw, onini i, pakaynien i 'orip Ningra a malaccay ko tosaay a finacadan a malafa^lohay a tamdaw, ta malarihaday.

Ifiso 3:6

O tatodong nonini a pakakmoday a dmak i, pakayni i Nga'ayay Ratoh a mapalakapot ko roma a finacadan ato Yutaya a tamdaw a mapalmed no Kawas. O ca'angto no ccay a tireng cangra. O romasato, malcad cangra a milayap to niktonan no Kawas a sowal pakayni ci Kristo Yisan a malahci.

Ifiso 4:4

Nawhani ccay ko tireng, ccay ko Fangcalay 'Adingo, ccay ko patosokan no pitahidang no Kawas tamowanan a pafaloco'.

Kolosay 2:14

Oya mipalitay titaanan a tilid ato Rikec no kacirarawan ita i, paceken no Kawas i ciwcika a mipalasawad.

Kolosay 3:15

Ka o rihaday ni Kristo ko mamikowan to faloco' namo. Nawhani o sakapitahidang no Kawas tamowanan a palaccayto tireng namo i, o sakararihadayaw namo. Saka, kararid a mikansiya kamo.