Ifiso 2:15 - 阿美語聖經-新約附詩篇箴言

¹⁵ Palasawaden Ningra ko limo'ot ato lkakawa no Rikec no Yutaya a tamdaw, onini i, pakaynien i 'orip Ningra a malaccay ko tosaay a finacadan a malafa^lohay a tamdaw, ta malarihaday.

Ifiso 2:15 Iomraidhean Croise

2 Korinto 5:17

Ano mapalaccay aci Kristo ko cima a tamdaw i, o fa^lohayto a tamdaw cingra. Malasawadto ko matlangay a pinangan ningra, ta masafa^lohto cingra.

Kalatiya 3:10

O mama'kak no Kawas ko mitadi'ecay to nipido^do nangra to Rikec. Nawhani o sowal a matilid i Fangcalay Cudad i, <> saan.

Kalatiya 3:28

Saka, ano o Yutayato a tamdaw, ano o Krisiyato a tamdaw, ano o kolito, ano caayto ko koli, ano o fa'inayanto, ano o fafahiyanto i, awaay ko kasairoma to maan aca. O malaccayayto kamo i 'orip ni Kristo Yis.

Kalatiya 6:15

Caay ko kakalimlaan ko nika krit ato nika ^ca ka krit. O kakalimlaan i, deng o nika malafa^lohayto a tamdaw kita.

Ifiso 2:10

O misanga'ay titaanan ko Kawas. Pakaynien no Kawas i nika laccay ita aci Kristo Yis ko nipisafa^loh titaanan to sakanga'ayaw no dmak ita. O nisahalakaanto no Kawas konini naniti:ya aca to dadmaken ita.

Ifiso 2:14

O pararihadayay titaanan ci Kristo. Nawhani mapalaccay Ningra ko Yutaya a tamdaw ato roma a finacadan. Pakayni i tireng Ningra ko sapipalasawad to palala'eday a masasi'adaay a faloco' nangra.

Ifiso 2:16

Pakayni i nika patay i ciwcika, palasawaden ni Kristo ko matiniay a masasi'adaay a pinangan, pakayni i ciwcika ko sakalaccay no tosaay a finacadan, ta malali'ay ato Kawas.

Ifiso 4:16

O mamitadi'ec i Cingraan ko polong ko tireng, pakayni i ci Kristoan ko sakakakafit no kasapokopokoh no tireng a madadamadama. Ano hatira, yo mapakatayal ko kahaccaccay a ca'ang no tireng i, o lalomahad a tanektek ko tireng i kasasiolaolah a mapatireng.

Kolosay 2:14

Oya mipalitay titaanan a tilid ato Rikec no kacirarawan ita i, paceken no Kawas i ciwcika a mipalasawad.

Kolosay 2:20

Nao mikapotayto kamo i ci Kristoan a mapatay a mapaliyas nai lkakawa no lisinan. Saka, nawiro do^doenho namo ko no hkalan a lkakawa a ma'imer toya,

Kolosay 3:10

o mica'dongayto kamo to fa^lohay a faloco'. Onini a fa^lohay a faloco' i, o miringiay to misanga'ay a Kawas, masafa^loh a masafa^loh konini to sakasongila'aw namo a mafana' i Cingraan.

Kolosay 3:11

Saka, ano o Krisiyato, ano o Yutayato, ano o makritayto a tamdaw, ano caayto ka krit a tamdaw, ano o maapacayto ko 'orip, ano o kolito, ano caayto ko koli i, awaay ko kasasiroma. Nawhani o mikowanay ci Kristo to kalomaamaan. O maro'ay haca i kahaccaccay no tamdaw Cingra.

Kolosay 3:15

Ka o rihaday ni Kristo ko mamikowan to faloco' namo. Nawhani o sakapitahidang no Kawas tamowanan a palaccayto tireng namo i, o sakararihadayaw namo. Saka, kararid a mikansiya kamo.

Hipray 7:16

O sakatomireng nonini a tamdaw a malacitodongay to ta'ong i, caay ko nano tamdawan a limo'ot ato rikec. O nano 'icel no mida'ocay a 'orip.

Hipray 8:13

Pasowal ko Kawas to pakayniay i fa^lohay a katatlekan saka, o katlang han Ningra koya sa'ayaway. 0 mamalasawadto ko mamatlang a maamaan.

Hipray 9:23

Onini a lalosidan a ma^min i, o tinako aca to malolalosidan i kakarayan. Saka, caay ka ^ca haenen nangra ko lisin a mikorac tonini. Nikawrira, o no i kakarayanay a lalosidan i, caay ka ^ca o tadaikakaay nonini a sapato'aya ko sapikorac.