Ifiso 2:13 - 阿美語聖經-新約附詩篇箴言

¹³ Talacowa o mafokilay kamo to Kawas i ti:yaho, nikawrira, anini sa i, pakayni i nika laccay namo aci Yis Kristo ato nika patay Ningra a malamafana'ayto kamo to Kawas.

Ifiso 2:13 Iomraidhean Croise

'Olic 22:7

Matawa a ma^min ko paka'araway i takowanan, 'inga'ing sa to fongoh a misopa' a somowal,

'Olic 73:27

Caay ka ^ca ka patayen Iso koya miliyasay i Tisowanan, o caay ka so'lin ko faloco' i Tisowanan i, o tatkopen Iso cangra.

Yohani 10:16

Ira ko roma a siri Ako to caay ko nonini a pasirian a siri. Caay ka ^ca o kakriden Ako cangra. O mamitngil cangra to ngiha' Ako. Ta malaccay ko kasaflaw no siri. Ccayto ko pakaenay cangraan.

Dmak 15:14

Masahci ni Simon a pasowal ko pakayniay i limla no Kawas i 'ayaw to roma a finacadan. Pili'en Ningra cangra a palacidek to maloNingra.

Dmak 2:39

Nawhani onini a nisowalan no Kawas i, o sapafli tamowanan ato wawawawa namo ato polong no i cowacowaay a tamdaw, oya nitahidangan no Tapang a Kawas ita a tamdamdaw to maloningra,>> han ningra.

Dmak 22:21

Sowal sa ko Tapang i takowanan, >> saan.

Dmak 26:18

O mamifohat kiso to mata nangra. O papasasiyoren iso cangra nai to'manay a pasayra i ta^ngaday. O papasasiyoren iso cangra nai sakowan ni Satan a pasayni i Kawas. Ta pakayni i nipiti'er nangra i Takowanan ko sakahpol no raraw nangra ato sakapikapot nangra to finawlan no Kawas saan.>

Loma 8:1

Anini sato, o malaccayay aci Kristo Yis a tamdaw i, caayto ka pastek i raraw.

1 Korinto 1:30

Nikawrira, o nano Kawas ko sakalaccay namo aci Yis Kristo. O nipatirengan no Kawas Cingra to malotaneng ita. Pakayni i Cingraan ko sakanga'ay ita a malayap no Kawas ato sakalafangcal ita ato sakatdal ita.

1 Korinto 12:13

Malcad tonini kita. Ano o Yutayato a tamdaw, ano o romato a finacadan, ano malakoliayto a tamdaw, ano o caayay ka o koli a tamdaw i, mapaino' noyananto a Fangcalay 'Adingo kita a ma^min a mapalaccay i ccay a tatirengan. Saka, mapafli kita a ma^min toyanan a Fangcalay 'Adingo.

1 Korinto 6:11

Hatiraay ko romaroma namo i ti:yaho. Nikawrira, pakayni i ngangan no Tapang ci Yis Kristo ato 'Adingo no Kawas ita ko sakasawsaw no raraw namo ato sakafangcal namo a mapacakat i Kawas ato sakanga'ay namo a malayap no Kawas.

2 Korinto 5:17

Ano mapalaccay aci Kristo ko cima a tamdaw i, o fa^lohayto a tamdaw cingra. Malasawadto ko matlangay a pinangan ningra, ta masafa^lohto cingra.

Kalatiya 3:28

Saka, ano o Yutayato a tamdaw, ano o Krisiyato a tamdaw, ano o kolito, ano caayto ko koli, ano o fa'inayanto, ano o fafahiyanto i, awaay ko kasairoma to maan aca. O malaccayayto kamo i 'orip ni Kristo Yis.

Ifiso 1:1

Ci Pawlo kako, pakayniay i nafaloco'an no Kawas a malatarokosay ni Kristo Yis kako. Patilid kako i tamowanan o i Ifisoay a malaccayay aci Kristo Yis a so'linay ko faloco' a mitooray.

Ifiso 1:7

Pakayni i nika patay ni Kristo ko sakatdal ita a mapakonira ato sakahpol no raraw ita, o nano kadofahay a mikomi no Kawas konini.

Ifiso 2:10

O misanga'ay titaanan ko Kawas. Pakaynien no Kawas i nika laccay ita aci Kristo Yis ko nipisafa^loh titaanan to sakanga'ayaw no dmak ita. O nisahalakaanto no Kawas konini naniti:ya aca to dadmaken ita.

Ifiso 2:12

Itiya i, awaay ko kihar namo ci Kristoan, masapapotalay no nipili'an no Kawas a finawlan kamo. Ano pakaynien i katatlekan ato niktonan no Kawas a sowal i, caay ka sa'osi kamo, awaay ko pafaloco'an i hkal, awaay ko Kawas.

Ifiso 2:2

Mado^do namo itiya ko ngiros a pinangan nonini a hkal. Mihaklong kamo to kakridan no mikowanay tonini a hkal, oya mikowanay to pacoliay to limo'ot no Kawas a tamdamdaw a palafoay.

Ifiso 2:6

Pakaynien no Kawas i nika laccay ita aci Kristo ko nipipakapot titaanan i ci Kristo Yisan a palowad a pa'orip nai patay. Papikapoten Ningra kita ci Kristoan a mikowan i kakarayan.

Hipray 9:18

Orasaka, o rmes ko lalowadan no i 'ayaway a katatlekan.

1 Pitiro 3:18

Nawhani, na o kinaccay aca ci Kristo a mapatay to sakahpol no raraw, o mo^celay Cingra a patado to caay ka mo^cel a tamdamdaw. Onini i, o sapikridaw Ningra tamowanan a papiraod to Kawas. Talacowa o nipatayan ko tireng Ningra, nikawrira, ma'oripay ko 'Adingo Ningra.

Pa'arawan 5:9

Romadiw cangra to ccay a fa^lohay a radiw a pa'olic, <