Ifiso 2:11 - 阿美語聖經-新約附詩篇箴言

¹¹ Kamo o roma a finacadan a sofocen, haratengen ko iti:yaayho a pinangan. O caay ka pido^do to krit a lisin hananay no mido^doay to krit a lisin kami sanay a Yutaya a tamdaw kamo.

Ifiso 2:11 Iomraidhean Croise

Matay 20:7

Paca'of sa cangra, han nangra. Pasowal sa koya tawki, han ningra.

Loma 11:17

Maktonto ko pinapina a ca'ang no olif a kilang, ta mapatongod itira toya kilang ko ca'ang no lifal a kilang. Malcad tonini a ca'ang no lifal kamo o roma a finacadan. Mikihatiyato kamo to Yutaya a tamdaw a makadofah ko 'orip namo.

Loma 2:26

Ano caacaay pido^do to krit a lisin ko roma a finacadan, ano ma'imer cangra to limo'ot no Rikec i, matiya o makritay cangra a nengnengen no Kawas.

Loma 2:27

Ano cicudacudad kamo to no Rikec a mido^do to krit a lisin i, tona miliyang kamo to Rikec saka, o mamasawkit no roma a finacadan kamo to raraw namo o Yutaya a tamdaw.

1 Korinto 12:2

Mato nika fana' namo yo caho pitoor kamo to Tapang i, i tini i masamaamaanay a dmak a makayhid kamo a papita'ong to caay ka 'orip a samiyay.

1 Korinto 6:11

Hatiraay ko romaroma namo i ti:yaho. Nikawrira, pakayni i ngangan no Tapang ci Yis Kristo ato 'Adingo no Kawas ita ko sakasawsaw no raraw namo ato sakafangcal namo a mapacakat i Kawas ato sakanga'ay namo a malayap no Kawas.

Kalatiya 2:15

So'linayto, nahofocen o Yutayataya aca a tamdaw kita. Caay ko ciraraway hananay a roma a finacadan kita.

Kalatiya 6:12

O paci^ciay i tamowanan a papido^do to krit a lisin i, o sapa'araw aca nangra to nika lalok nangra. O sakapihaen nangra i, o saka^caaw ka kari'ang nangra pakayni i ciwcika ni Kristo.

Ifiso 2:2

Mado^do namo itiya ko ngiros a pinangan nonini a hkal. Mihaklong kamo to kakridan no mikowanay tonini a hkal, oya mikowanay to pacoliay to limo'ot no Kawas a tamdamdaw a palafoay.

Ifiso 5:8

I ti:yaho i, i to'manay kamo. Anini sato i, malamitoorayto kamo to Tapang saka, i ta^ngadayto kamo. Orasaka, samatiyaen o i ta^ngaday a tamdaw ko dmak namo.

Filipi 3:3

O so'linay a mido^doay to krit a lisin kita, caay ko cangra. Nawhani pakaynien ita i 'Adingo no Kawas ko nipita'ong ita to Kawas. Ci Yis Kristo ko kalata'angan ita. Caay piti'er kita to no tamdawan a lkakawa.

Kolosay 1:21

I ti:yaho i, maliyasay namo ko Kawas. O tatiihay a dmak ato harateng namo ko sapisa'ada namo to Kawas.

Kolosay 2:11

O romasato, pakayni i nika laccay namo aci Kristo ko nipido^do namo to krit a lisin. Onini a krit a lisin i, caay ko no tamdawan. O nano tayal ni Kristo a mihlong to ciraraway a pinangan namo a palasawad to 'icel nonini.

Kolosay 2:13

I ti:yaho i, mapatayay kamo to no 'adingoan, nawhani ciraraw kamo, o awaay ko Rikec a roma a finacadan. Nikawrira, anini sato i, pakapoten no Kawas kamo ci Kristoan a miliyaw a palowad a pa'orip nai patay, hpolen Ningra ko raraw ita a ma^min.

Kolosay 3:11

Saka, ano o Krisiyato, ano o Yutayato, ano o makritayto a tamdaw, ano caayto ka krit a tamdaw, ano o maapacayto ko 'orip, ano o kolito, ano caayto ko koli i, awaay ko kasasiroma. Nawhani o mikowanay ci Kristo to kalomaamaan. O maro'ay haca i kahaccaccay no tamdaw Cingra.