Ifiso 2:10 - 阿美語聖經-新約附詩篇箴言

¹⁰ O misanga'ay titaanan ko Kawas. Pakaynien no Kawas i nika laccay ita aci Kristo Yis ko nipisafa^loh titaanan to sakanga'ayaw no dmak ita. O nisahalakaanto no Kawas konini naniti:ya aca to dadmaken ita.

Ifiso 2:10 Iomraidhean Croise

'Olic 100:3

Kafana' to nika o Kawas ko Tapang. O nisanga'an Ningra kita saka, o no Mira kita, o finawlan Ningra kita, o nipakaenan Ningra a masaflaway a siri kita.

'Olic 119:3

O matiniay a tamdaw i, caay pidmak to tatiihay a dmak, deng o lalan no Tapang ko nido^doan nangra.

'Olic 138:8

Caay ka ^ca lahcien no Tapang ko niktonan Ningra a sowal i takowanan. Tapangaw, o mida'ocay ko sini'ada Iso. Nanay lahcien Iso ko nisatapangan Iso a tayal.

'Olic 51:10

Kawasaw, nanay sanga'en Iso ko makoracay a malofaloco' ako, nanay paflien kako to fa^lohay so'linay a salo'afang.

'Olic 81:13

Tadamangalay Kako to pitngil no finawlan Ako to sowal Ako, tadamangalay Kako to pihaklong nangra i Takowanan.

Matay 5:16

Orasaka, haenen ko likat namo a pata^ngad to tamdamdaw. Ta pakayni i nipipaka'araw nangra to nga'ayay a dmak namo ko sapahmek nangra to Wama namo i kakarayan.

Yohani 3:21

Nikawrira, o so'linay ko dmak a tamdaw i, maolah to ta^ngaday. Nawhani mapahapinang i ta^ngaday ko nika o matatodongay i nafaloco'an no Kawas ko dmak Ningra.

Dmak 9:31

Orasaka, sarihaday sato ko polong no kiwkay i Yutaya i Kalili ato Samariya a ma^min. Mita'ong cangra to Tapang, mapa'icel no Fangcalay 'Adingo. Satanektek sato cangra. Saka, matongal a matongal ko nika 'aloman no mitooray to romi'ami'ad.

Dmak 9:36

Ira i Yopa ci Tapita hananay a fafahiyan a nisawawaan. (Ano sano Krisiyaen i, ci Torkas. O tatodong nonini i, <> sanay.) Sahto o nga'ayay ko dmak nonini a fafahiyan. Maolah cingra a palada' to pakoyoc a tamdaw.

Loma 8:1

Anini sato, o malaccayay aci Kristo Yis a tamdaw i, caayto ka pastek i raraw.

Loma 8:29

Nawhani oya nili'ayawan no Kawas a mipili' a tamdaw i, li'ayawen Ningra a micidek to mamiringi to Wawa Ningra. Ta o sakakaay a Wawa ci Yis i 'alomanay a salikaka.

1 Korinto 3:9

O kapot no Kawas kami a matayal. O omah no Kawas kamo. O romasato, o nipatirengan no Kawas a loma' kamo.

2 Korinto 5:17

Ano mapalaccay aci Kristo ko cima a tamdaw i, o fa^lohayto a tamdaw cingra. Malasawadto ko matlangay a pinangan ningra, ta masafa^lohto cingra.

2 Korinto 5:5

O Kawas ko mipatalaay to sakanga'ay ita a mafalic. Cingra ko pafliay i titaanan to Fangcalay 'Adingo to malokacipinangan ita to nika o mamalahci ko nisowalan Ningra i titaanan a ma^min.

2 Korinto 9:8

Ma^deng ko Kawas a pafli to adihayay a sakalmed namo. Ta ma^deng kamo. Caay konini a ccay. Cirafas kamo to sapadama i masamaamaanay a nga'ayay a dmak.

Kalatiya 6:15

Caay ko kakalimlaan ko nika krit ato nika ^ca ka krit. O kakalimlaan i, deng o nika malafa^lohayto a tamdaw kita.

Ifiso 1:1

Ci Pawlo kako, pakayniay i nafaloco'an no Kawas a malatarokosay ni Kristo Yis kako. Patilid kako i tamowanan o i Ifisoay a malaccayay aci Kristo Yis a so'linay ko faloco' a mitooray.

Ifiso 1:4

I 'ayaw no nika sanga' no hkal i, mahrekto ko Kawas a mipili' titaanan to sapalaccayaw titaanan aci Kristo a palano Ningra. Ta makorac kita, ta awaay ko tatoro'en Ningra a raraw ita.

Ifiso 2:13

Talacowa o mafokilay kamo to Kawas i ti:yaho, nikawrira, anini sa i, pakayni i nika laccay namo aci Yis Kristo ato nika patay Ningra a malamafana'ayto kamo to Kawas.

Ifiso 2:15

Palasawaden Ningra ko limo'ot ato lkakawa no Rikec no Yutaya a tamdaw, onini i, pakaynien i 'orip Ningra a malaccay ko tosaay a finacadan a malafa^lohay a tamdaw, ta malarihaday.

Ifiso 2:2

Mado^do namo itiya ko ngiros a pinangan nonini a hkal. Mihaklong kamo to kakridan no mikowanay tonini a hkal, oya mikowanay to pacoliay to limo'ot no Kawas a tamdamdaw a palafoay.

Ifiso 2:6

Pakaynien no Kawas i nika laccay ita aci Kristo ko nipipakapot titaanan i ci Kristo Yisan a palowad a pa'orip nai patay. Papikapoten Ningra kita ci Kristoan a mikowan i kakarayan.

Ifiso 4:1

Orasaka, pa'icel kako o marofoay to nano nika tayal ako to no Tapang a palimo'ot i tamowanan. Nanay mado^do namo i dmak ko nafaloco'an no mitahidangay i tamowanan a Kawas.

Ifiso 4:24

Ca'dongen ko <>. Onini a fa^lohay a faloco' i, o milcaday to faco no Kawas a masanga', mapahapinang konini a so'lin to nika mo^cel ato nika korac no dmak.

Filipi 1:6

Oya misatapangay to nga'ayay a tayal i faloco' namo a Kawas ko mamilahci tonini tangasa i piliyawan ni Yis Kristo a tayni saan ko pipaso'lin ako i tamowanan.

Filipi 2:13

Nawhani mararid ko Kawas a matayal i faloco' namo a pafaloco' a papilahci to nafaloco'an Ningra.

Kolosay 1:10

Ta mado^do namo ko matatodongay i nafaloco'an no Tapang a dmak a mararid a palipahak i Cingraan. Ta nga'ay ko dmak namo a ma^min. Ta matongal a matongal ko nika fana' namo to Kawas.

Kolosay 3:10

o mica'dongayto kamo to fa^lohay a faloco'. Onini a fa^lohay a faloco' i, o miringiay to misanga'ay a Kawas, masafa^loh a masafa^loh konini to sakasongila'aw namo a mafana' i Cingraan.

2 Tisalonika 2:17

ta cicedi kamo a mipalosiyang ato midmak haca to polong no nga'ayay a dmak.

1 Timoti 2:10

Ka o nga'ayay a dmak ko saka^res no tireng namo. Onini ko matatodongay a dmak no so'linay a mitooray to Kawas a fafahiyan.

1 Timoti 5:10

O mahapinangay ko nika nga'ay no lihaf a fafahiyan, o mafana'ay a midipot to wawa ningra, o halilafangay, o misawsaway to wa'ay no mitooray, o mipadamaay to mapadesay a tamdaw, o malalokay a matayal to masamaamaanay a nga'ayay a dmak ko tatiliden.

1 Timoti 5:25

Malcad tonini, tangsol a mahapinang ko nga'ayay a dmak. Ano caacaay ka hapinang i, caay ko mamasimed.

1 Timoti 6:18

Palimo'oten cangra to sapidmakaw nangra to nga'ayay. Aka ka 'idi kamo a pafli. Kararid kamo a palada'.

2 Timoti 2:21

Malcad tonini, ano liyasen no tamdaw ko matiniay a tatiihay a dmak a mikorac to tireng i, malatadamaanay a lalosidan cingra. Nawhani o nicidekan cingra a malaci^pocay a sakatayal no Tapang Ningra i masamaamaanay a nga'ayay a dmak.

2 Timoti 3:17

Ta masongila' a mapatala ko mamatayal no Kawas, ta ma^deng cangra a midmak to masamaamaanay a nga'ayay a dmak.

Titus 2:14

Kinafalah ci Kristo to tireng to saki titaanan a malasapatfoc to sapipaliyasaw titaanan nai masamaamaanay a tatiihay ato sapikoracaw Ningra titaanan a palacidek a palafinawlan Ningra a pakalalok to nga'ayay a dmak.

Titus 2:7

Ka o mamalopi'arawan nangra kiso i masamaamaanay a dmak. Ka o so'linay a faloco' ato masinanotay ko faloco' iso a pasifana'.

Titus 3:1

Papihaklongen ko nidipotan iso a salikaka to mikowanay a tamdaw a papitoor. Ta lonok o sasaan cangra a matayal to masamaamaanay a nga'ayay a dmak.

Titus 3:14

O papasifana'en ko salikaka no mita to sakalalokaw nangra to nga'ayay a dmak a mipadang to kacango'otan nangra to sakaci^pocaw no 'orip nangra.

Titus 3:8

O papaso'linen konini a sowal. Saka, mangalay kako to pipa'icel iso tonini a dmak. Ta malalok ko paso'linay to Kawas a tamdaw a misa'icel to nga'ayay a dmak. O fangcalay, o sakaci^poc no tamdamdaw konini a dmak.

Hipray 10:24

O nika sasipa'icel ita ko nga'ay to sakasasiolah ato sakanga'ayaw no dmak ita.

1 Pitiro 2:12

Sanga'ayen ko dmak namo i roma a finacadan. Ta ano pakotatiitiihay cangra tamowanan i, pakayni i nipipaka'araw nangra to nga'ayay a dmak namo ko sapahmek nangra to Kawas i piliyawan Ningra a tayni.

1 Yohani 1:7

Nikawrira, ano matiya o nika i likat no Kawas ko nika i ta^ngaday ko dmak ita i, o malaccayay kita. Ta o rmes no Wawa Ningra ci Yis ko mikoracay titaanan a mipalasawad to polong no raraw ita.