Ifiso 1:4 - 阿美語聖經-新約附詩篇箴言

⁴ I 'ayaw no nika sanga' no hkal i, mahrekto ko Kawas a mipili' titaanan to sapalaccayaw titaanan aci Kristo a palano Ningra. Ta makorac kita, ta awaay ko tatoro'en Ningra a raraw ita.

Ifiso 1:4 Iomraidhean Croise

'Olic 135:4

O nipili'an no Tapang ci Yakop to maloningra, o nipili'an Ningra ko Israil a finawlan to maloningra.

Matay 24:22

Ano caay lowanen no Kawas koya kapadesan a romi'ad i, awaay ko mamapa'orip to ccaccay aca a tamdaw. Nikawrira, o lalowanen no Kawas koya romi'ad to saki nipili'an Ningra a finawlan.

Matay 24:24

Nawhani o aira ko mangah a Kristo ato mangah a pali'ayaway to sowal no Kawas. Ano mama^deng i, sa'fitaw ako ko nipili'an no Kawas a finawlan, saan cangra. Saka, midmak cangra to tadakafahka'an a dmak a patiri'.

Matay 24:31

Ira ko tata'angay a soni no la^pa, ta ocoren Ningra ko coyoh a patayra i ka'amis katimol kawali ka^tip, ta pasa'opoen nangra ko nai cowacowaay no hkal a nipili'an Ningra a finawlan.

Matay 25:34

Itiya i, o papasowal koya Hongti toya i kawananay a tamdaw,

Yohani 10:16

Ira ko roma a siri Ako to caay ko nonini a pasirian a siri. Caay ka ^ca o kakriden Ako cangra. O mamitngil cangra to ngiha' Ako. Ta malaccay ko kasaflaw no siri. Ccayto ko pakaenay cangraan.

Yohani 15:16

Caay ko amo ko mipili'ay i Takowanan, Kako ko mipili'ay i tamowanan, ta ocoren Ako kamo to sakacihciaw to caay ka lasawad a hci. Ano o maamaan to ko nilongocan namo ci Wamaan pakayni i ngangan Ako i, caay ka ^ca paflien Ningra kamo.

Yohani 17:24

<

Dmak 13:48

Mitngil ko roma a finacadan tonini a sowal i, salipahak sa cangra a pahmek to sowal no Tapang. Saka, paso'lin a ma^min koya nipili'an no Kawas to mamilayalayap aca to mida'ocay a 'orip a tamdaw.

Dmak 15:18

saan koya pakafana'ay tonini a dmak naniti:yaho a Tapang.>

Dmak 18:10

Nawhani mikapot Kako tisowanan. Awaay ko mamikari'ang i tisowanan. Nawhani ira i tini tonini a niyaro' ko 'alomanay a finawlan Ako,>> saan.

Loma 8:33

Cima ko mamipakokot to nipili'an no Kawas a tamdaw saw? Nawhani, o awaayto ko raraw namo han no Kawas cangra.

1 Korinto 1:8

O papatanekteken no Tapang ko piti'er namo tahira i pahrekan. Ta ano irato a tayni ko Tapang ita ci Yis Kristo i, caay ka pastek kamo i raraw.

Kalatiya 5:13

Salikakaaw, o sakapitahidang no Kawas i tamowanan i, o sakapakoniraaw i tamowanan. Nikawrira, o nika matini namo a mapakonira i, caay ko sapitoor to 'anof no tireng, ka o ciolahay ko faloco' namo a madadamadama.

Kalatiya 5:22

Nikawrira, o hci no nipikrid no Fangcalay 'Adingo i, o olah, o lipahak, o rihaday, o kodait, o sini'ada, o nga'ayay, o so'linay a faloco',

Kalatiya 5:6

Nawhani, yo malaccay kita i 'orip ni Kristo Yis i, caay ko kalimlaan ko nika krit ato nika ^ca ka krit, deng o nano pilahci ita to olah a mahapinangay a nipiti'er ko kakalimlaan.

Ifiso 2:10

O misanga'ay titaanan ko Kawas. Pakaynien no Kawas i nika laccay ita aci Kristo Yis ko nipisafa^loh titaanan to sakanga'ayaw no dmak ita. O nisahalakaanto no Kawas konini naniti:ya aca to dadmaken ita.

Ifiso 3:17

Nanay pakayni i piti'er namo ko sakamaro' ni Kristo i faloco' namo. Nanay o olah Ningra ko palamitan ato katanektekan no faloco' namo.

Ifiso 4:2

Ka o misapo^neray, o damsayay, o kodaitay, o ciolahay ko faloco' a masasipa'ayaw kamo,

Ifiso 5:2

Pahapinangen ko olah namo i masamaamaanay a dmak namo a matiya o nika olah ni Kristo i titaanan. Kinafalah Cingra to 'orip to saki titaanan a malafangsisay a sapacakat ato sapato'aya i Kawas.

Ifiso 5:27

ta malamakapahay, malamakoracay, o awaay ko nadokadoka'an, caay ka ci'oning, ano ^ca i caay ka cikofel, ta o nga'ayay a sapacakat i tireng no niyah.

Filipi 2:15

Ta tingalaw ko faloco' namo, awaay ko raraw namo, o masongila'ay a wawa no Kawas kamo a mikapot to aniniay a tatiihay ko faloco' a ciraraway a tamdamdaw i tini i hkal. Kamatiya o fo'is kamo a matdi i tini i hkal

Kolosay 1:22

Nikawrira, anini sato i, pakaynien no Kawas i nika patay no cihciay a tireng no Wawa Ningra, ta palali'ayen no Kawas Cingra ato kamo a malawidang, onini i, o sakakoracaw namo i ka'ayaw Ningra, ta awaay ko tatoro'en a raraw namo a masongila'.

Kolosay 2:2

O sakasaan ako i, o sapa'icelaw ako to faloco' namo, ta malaccay ko faloco' namo a masasiolaolah, ta tanektek ko faloco' namo to nano nika so'lin no nika fana' namo, ta mafana' kamo to pakakmoday a dmak no Kawas. Ci Kristo ko nisowalan tonini a pakakmoday a dmak.

Kolosay 3:12

Maolah ko Kawas i tamowanan, pili'en Ningra kamo a malafinawlan Ningra. Saka, ka o adayayay, o sini'adaay, o misapo^neray, o damsayay, o kodaitay ko faloco' namo.

1 Tisalonika 3:12

Nanay, mapa'icel no Tapang, kamo ta matiya o nika olah niyam i tamowanan ko nika tongal no kasasiolaolah namo ato olah namo to tamdamdaw.

1 Tisalonika 4:7

O pitahidang no Kawas i titaanan i, o sakakoracaw ita. Caay ko sapidmakaw ita to kaackan.

2 Timoti 1:9

O nipa'oripan no Kawas kita a mitahidang a palafinawlan Ningra. Caay ko nano nga'ayay a dmak ita konini, o nano nafaloco'an no Kawas ato mikomi Ningra. Pakaynien no Kawas i ci Yis Kristoan i 'ayaw no nika sanga' no hkal ko pipafli i titaanan tonini a mikomi.

2 Timoti 2:10

Orasaka, hadidien ako ko masamaamaanay a dmak to nano pipa'ayaw ako to nipili'an no Kawas a finawlan. Ta malayap nangra ko mida'ocay, tadamaanay a sapa'orip ni Yis Kristo.

2 Timoti 2:19

Nikawrira, tanektek ko nipatirengan no Kawas a paranaan a caay ka ngiyangi. Mato^to' a matilid i paranaan a fokloh koya, <> Mato^to' haca, <> sanay.

Yakop 2:5

Kaolahan ako a salikaka, pitngil to sowal ako. Pili'en no Kawas ko pakoyocay a tamdaw nonini a hkal a palatadamaanay ko piti'er a papikowan to kitakit Ningra, o nano nisowalan Ningra i maolahay Cingraan a tamdaw konini a Kitakit.

1 Pitiro 1:2

O nano nafaloco'an no Wama a Kawas a nipili'an Ningra kamo, o mapalafangcalay no Fangcalay 'Adingo a papitoor i ci Yis Kristoan a nikoracan no rmes Ningra kamo. Nanay, mapakadofah no Kawas a mapaini kamo to mikomi ato rihaday!

1 Pitiro 1:20

I 'ayaw no nika sanga' no hkal i, mahrekto ko Kawas a mipili' ci Kristoan. Nikawrira, i tini i pahrehrekan no hkal i, talahkal Cingra to sakatdal namo.

1 Pitiro 2:9

Nikawrira, o nipili'an a finacadan kamo. O no Hongtian a citodongay to ta'ong, o fangcalay a kitakit, o no Kawas a finawlan kamo. O mitahidangay Cingra i tamowanan a paliyas nai to'manay a patayra i ta^ngaday itira i kafahka'an a dmak Ningra. Ta pakayni i tamowanan a mapatnak ko tadamaanay a dmak no Kawas.

2 Pitiro 3:14

Kaolahan ako a salikaka, o halamhamay kamo a mitala tonini a dmak. Orasaka, sa'icelen ko faloco' namo to sakakorac no faloco' namo, ta awaay ko tatoro'en no Kawas a raraw namo, ta malarihaday kamo ato Cingra.

1 Yohani 4:16

Mafana' kita, o paso'linay kita to nika olah no Kawas i titaanan. O olah ko Kawas. Saka, o kala'orip sanay to olah a tamdaw i, ira ko 'orip no Kawas i cingraan, ira haca i cingraan ko 'orip no Kawas.

Pa'arawan 13:8

Nikawrira, ira ko pitilidan to ngangan no ma'oripay, o cudad no nano mapacokay a Tofor a Siri, o caay ka tilid ko ngangan toya cudad i satapangan no nipisanga' no Kawas to hkal a polong no maro'ay i tini i hkal a tamdamdaw i, o mamita'ong toya 'a'adopen.

Pa'arawan 17:8

O ma'araway iso a 'a'adopen i, nama'oripay i ti:yaho, awaay anini, nikawrira, o mamacakat ciira a masadak nai awaay ko para' a ofang, ta matkop ciira. Oya maro'ay i tini i hkal a tamdamdaw to caay ka tilid ko ngangan i pitilidan to ngangan no ma'oripay i 'ayaw no nika sanga' no hkal i, o fafahka' cangra a minengneng toya 'a'adopen, nawhani nama'oripay ciira i ti:yaho, awaay anini, nikawrira, o mamiliyaw haca ciira a talahkal.