Ifiso 1:22 - 阿美語聖經-新約附詩篇箴言

²² Papihinokopen no Kawas i saripa' ni Kristo ko polong no maamaan no tahaf no kakarayan, patirengen no Kawas Cingra a palatapang no kiwkay a papikowan to maamaan.

Ifiso 1:22 Iomraidhean Croise

'Olic 110:1

Pasowal ko Tapang to tapang ako, <> saan.

'Olic 91:13

O mamiripa' kiso to layon ato 'oner, o raripa'en iso a miporaric ko mari'angay a layon ato cisawarakay a 'oner.

Matay 16:18

Orasaka, sowalen Ako kiso, o 'ongcoy kiso Pitiro. O papatireng Kako to kiwkay Ako i tini tona 'ongcoy. Caay ko mamalowid no 'icel no patay konini.

Dmak 20:28

Orasaka, na'onen ko tireng namo. Haratengen ko masaflaway a siri namo. Nawhani o nipatirengan no Fangcalay 'Adingo kamo a palamamidipot cangraan. Saka, dipoten ko nipatirengan no Kawas a kiwkay, oya nano nipalanotirenganto no Kawas a sa'opo pakayni i nika patay no Wawa Ningra.

1 Korinto 11:3

Nikawrira, mangalay kako to sakafana'aw namo to nika o tangal no kalotamdamdaw ci Kristo. O tangal no fafahi ko fa'inay. O tangal ni Kristo ko Kawas.

Ifiso 3:21

Nanay pakayni i ci Yis Kristoan ato kiwkay a mapahmek ko Kawas awaay ko tolas a tahada'oc! Amin.

Ifiso 5:23

Nawhani matiya o nika o tapang no kiwkay ci Kristo ko nika o tapang no fafahi ko fa'inay. O pa'oripay to tireng Ningra a kiwkay ci Kristo.

Kolosay 1:18

O fongoh no tatirengan Cingra, o Tapang no kiwkay. O tatapangan no fa^lohay a 'orip Cingra. O fisac a Wawa Cingra. O sa'ayaway a lomowad a ma'orip nai patay Cingra, onini ko saka malasakakaay Cingra i polong no maamaan.

Kolosay 1:8

Cingra ko pakafana'ay i tamiyanan to nika o nano Fangcalay 'Adingo ko sakaciolah namo.

Kolosay 2:10

Pakayni i nika laccay namo aci Kristo ko saka malayap haca namo ko kadofahay a 'orip. O Tapang Cingra, ikaka no mikowanay ato cisakowanay a kawakawas Cingra.

Kolosay 2:19

Caayto pikafit cingra i ci Kristoan o Tapang no sa'opo no mitooray. Pakayni i ci Kristoan ko sakakakafit no kasapokopokoh no tireng a ma^min a madipot, ta mapalahad no Kawas konini.

1 Timoti 3:15

Nikawrira, latek manayar ko nika tayra ako i tisowanan. Saka, patiliden ako kiso i matini to sakafana'aw iso to malodadmaken ita o paro no loma' no Kawas. Onini a loma' haw i, o kiwkay no mida'ocay a ma'oripay a Kawas, o hcek ato paranaan no so'lin.

Hipray 2:8

Papikowanen Iso cingra to polong no maamaan,>> saan. <> yasanay a sowal i, mahapinang ito, o mihawopay to maamaan a ma^min. Nikawrira, caayho ka 'araw ita ko pikowan no tamdaw to maamaan a ma^min.