Ifiso 1:21 - 阿美語聖經-新約附詩篇箴言

²¹ Itira i, mikikaka ko pikowan ni Kristo to polong no i kakarayanay a tatiihay a palafoay a mikowanay ato cisakowanay ato mikomoday ato tapatapang. Ano o aniniayto a hkal, ano o a irato a hkal i, o sakakaay no polong no cinganganay a mikowanay Cingra.

Ifiso 1:21 Iomraidhean Croise

Matay 12:32

Oya milokesay to Wawa no Tamdaw i, ma^dengho a mahpol ko raraw ningra. Nikawrira, o milokesay to Fangcalay 'Adingo i, ano aninito, ano a irato a hkal i, caay ko mamahpol ko raraw ningra.

Dmak 4:12

Deng Cingra a ccay ko papakapa'orip to tamdaw. Awaayto i cowacowa no hkal ko roma a ngangan no Kawas to papakapa'orip titaanan,>> han ni Pitiro.

Ifiso 2:2

Mado^do namo itiya ko ngiros a pinangan nonini a hkal. Mihaklong kamo to kakridan no mikowanay tonini a hkal, oya mikowanay to pacoliay to limo'ot no Kawas a tamdamdaw a palafoay.

Ifiso 3:10

O sakapisimed no Kawas tonini i, nga'ay pakayni i kiwkay a mapatiri' anini ko i kakarayanay a mikowanay a coyocoyoh ato cisakowanay to kasasiromaroma no taneng no Kawas.

Ifiso 6:12

Nawhani caay ko no tamdawan ko nipilood ita. O milooday kita to tatiihay, o awaay a ma'araw a palafoay i tahaf no hkal, o mikowanay ato cisakowanay tonini a to'manay a hkal ato i kakarayanay a masamaamaanay a kawakawas.

Kolosay 2:10

Pakayni i nika laccay namo aci Kristo ko saka malayap haca namo ko kadofahay a 'orip. O Tapang Cingra, ikaka no mikowanay ato cisakowanay a kawakawas Cingra.

Kolosay 2:15

Pakaynien ni Kristo i ciwcika ko pipalasawad to sakowan no mikowanay ato cisakowanay a kawakawas. Patiri'en Ningra i tamdamdaw ko nipalitan Ningra.

Hipray 1:4

O ikakaay no coyoh ko ngangan nona Wawa, matiya mipaflian no Kawas Cingraan to ikakaay no coyoh a tadamaanay a ngangan.

Hipray 2:5

Caay papikowanen no Kawas ko coyocoyoh toya sasowalen ita i matini a aira a fa^lohay a hkal.

Hipray 4:14

Ira ko no mita a tayraay i ka'ayaw no Kawas a tadamaanay a Sakakaay a Citodongay to Ta'ong a Wawa no Kawas ci Yis. Orasaka, ka'imeren ita ko piti'er i Cingraan.

1 Pitiro 3:22

Talakakarayanto ci Yis Kristo a maro' i kawanan no Kawas imatini, kowanen Ningra ko coyocoyoh ato mikowanay i kakarayan ato cisakowanay a ma^min.